2021-02-09 11:46:54
फुलपाखरांसाठी राखीव वनक्षेत्र
फुलपाखरांचे संरक्षण आणि संवर्धनाचा संदेश देण्यासाठी वन विभागातर्फे पहिल्यांदाच फुलपाखरांसाठी राखीव वनक्षेत्र निश्चित करण्यात येणार आहे.
सातारा वन क्षेत्रातील महादरे या जंगलाची यासाठी निवड करण्यात आली असून, या वनक्षेत्राला फुलपाखरू संवर्धन राखीव क्षेत्राचा (कंझर्वेशन रिझर्व्ह) दर्जा मिळणार आहे.
या संदर्भातील प्रस्ताव लवकरच राज्य सरकारकडे पाठविण्यात येणार आहे.
राज्याचे मानचिन्ह, राज्यवृक्ष, राज्यपक्षी यांच्या धर्तीवर 'ब्ल्यू मॉरमॉन' ला राज्याचे फुलपाखरू निश्चित करणारे महाराष्ट्र हे देशातील पहिले राज्य ठरले होते.
याच धर्तीवर फुलपाखरांसाठी राखीव वनक्षेत्र जाहीर करण्यातही महाराष्ट्र बाजी मारण्याची शक्यता आहे.
राज्य वन्यजीव सल्लागार मंडळाने दोन महिन्यांपूर्वीच झालेल्या बैठकीत सातारा कोकणपट्ट्यातील काही जंगल पट्ट्यांना कंझर्वेशन रिझर्व चा दर्जा जाहीर केला.
जोरजांभळी जंगल पक्षी संवर्धनाच्या उद्देशाने राखीव वनक्षेत्र जाहीर केले.
आता फुलपाखरू संवर्धनासाठी महादरे जंगलाचे नाव प्रस्तावित आहे.
महादरेच्या जंगल विषयी
सातार्‍याजवळ यवतेश्वर पठारा जवळ महादरे वनक्षेत्र विस्तारले आहे.
पश्चिम घाटात फुलपाखरांच्या सुमारे 347 प्रजाती आहेत, महादरेच्या जंगलात 178 पेक्षा अधिक फुलपाखरांच्या प्रजाती दिसतात.
'व्हाईट टिप्ड लाईन ब्लू' आणि 'ऑर्किड टीट' यांचा वन्यजीव संवर्धन कायद्यानुसार सर्वाधिक सुरक्षित असलेल्या प्रजातींमध्ये (शेड्युल्ड वन) समावेश होतो.
या दोन्ही प्रजाती बरोबरच इतर वैविध्यपूर्ण फुलपाखरे या क्षेत्रात आहेत.
2.0K viewsPratik Bhad, 08:46
P
