O'zbekiston Respublikasining 'Qishloq xo`jaligiga mo'ljallan | SURXONDARYO KADASTR
O'zbekiston Respublikasining "Qishloq xo`jaligiga mo'ljallanmagan yer uchastkalarini xususiylashtirish to'g'risida"gi 2021 yil 15 noyabrdagi 728-son Qonuni O'zbekiston Respublikasi Prezidenti tomonidan imzolandi.
Ushbu qonun 6-bob 44-moddadan iborat.
3-modda. Asosiy tushunchalar
Ushbu Qonunda quyidagi asosiy tushunchalar qo'llaniladi:
bo'sh turgan yer uchastkasi — binolar va inshootlar joylashmagan, hech qanday majburiyatlar yoki taqiqlar o'rnatilmagan hamda jismoniy va yuridik shaxslarga qonunchilikka muvofiq ajratib berilmagan, davlat mulki bo'lgan, qishloq xo'jaligiga mo'ljallanmagan yer uchastkasi;
davlat ko'chmas mulk obyektlari — davlat mulki bo'lgan mulkiy majmualar (korxonalar), binolar va inshootlar, qurilishi tugallanmagan obyektlar;
yer uchastkasini xususiylashtirish — davlat mulki bo'lgan qishloq xo'jaligiga mo'ljallanmagan yer uchastkasini O'zbekiston Respublikasi fuqarolarining va (yoki) yuridik shaxslarining mulkiga o'tkazish;
elektron onlayn-auksion — auksion shaklidagi elektron savdolarni o'tkazish usuli bo'lib, bunda qishloq xo'jaligiga mo'ljallanmagan yer uchastkalari Internet jahon axborot tarmog'idagi ixtisoslashtirilgan elektron savdo maydonchasida auksiondan potensial xaridorlarning teng ravishda foydalanishi asosida realizasiya qilinadi;
qishloq xo'jaligiga mo'ljallanmagan yer uchastkasi (bundan buyon matnda yer uchastkasi deb yuritiladi) — qishloq xo'jaligi ehtiyojlari uchun berilmagan yoki ushbu maqsadlar uchun mo'ljallanmagan yer uchastkasi.
Kadastr agentligi Surxondaryo viloyat boshqarmasi Axborot xizmati
Ushbu kanalda Kadastr agentligi hamda Davlat kadastrlari palatasi Surxondaryo viloyati boshqarmasi yangiliklaridan xabardor bo‘lib borishingiz mumkin.....