@tapuynusrawe #شیعر ــــــــــــــــــــــــــ با بز | تاپوی نووسراوە

@tapuynusrawe


#شیعر
ــــــــــــــــــــــــــ

با بزانی
گەر مانگ لە تۆ
جوانتر بوایە
قەت حەزم لێ نەئەکردی!

دەنگی خۆشتر لە تۆ بوایە
هەرگیز گوێم لێ نەئەگرتی

گەر تاڤگە بەژنی لە تۆ
ناسکتر و ڕێکتر بوایە
قەت تەماشام نەئەکردی

ئەگەر باخچە بۆنی لە تۆ
خۆشتر بوایە
هەرگیز بۆنم نەئەکردی

گەر بۆ شیعریش لێم ئەپرسی
با بزانی
گەر تەواو لە تۆ نەچوایە
نەمئەنووسی!

ـــــــــــــــــــــــــــــــــ

مامۆستا #شێرکۆ_بێکەس
#تاپوی_نووسراوە


@tapuynusrawe