2021-03-13 21:49:01
Ta'limdagi eng samarasiz usullardan bittasi bu yodlab olish usuli. Yoshlikdan maktab davridan ma'lumot olishga, uni tahlil qilishga, mavzu bo'yicha fikrlarimizni bildirishga emas faqat yodlab aytib berishga o'rgatilganmiz. Buning natijasida, bugungi kunda ham asorati saqlanib qolgan. Imtihon va attestatsiyalarga tayyorlangimiz, bilimimiz ustida ishlagimiz kelmay qolgan. Shu tayyor savol javoblari bo'lsayu yodlab olib, kirib o'tib chiqsak. Savolni shabloni biroz boshqacharoq bo'lsa ham, yodlaganimizga to'g'ri kelmay qolsa ham javobini topolmaymiz. Oxirgi hafta guruh va kanallar bir xil mazmundagi "iltimos toshkentliklar, tushgan savollarni tashlang" degan xabarlarga to'lib ketdi. Falon mavzulardan tushdi desa bunga ham qanoat qilishmay "yo'q menga aynan nimalar tushganini ayting men shu bo'yicha tayyorgarlik ko'raman" deyishadi. Attestatsiyaga tayyorgarlik bir oy oldin testlarni yodlashdan boshlanadi. Bir yil oldin biladi attestatsiyaga topshirishini lekin tayyorgarlik ko'rishmaydi. Shu iloji boricha oxiriga taqab, tayyor tushayotgan savollarni topib kirib o'tib chiqish kerak. Bo'lmasam kanalimda manbalar, nimalardan tayyorlanish kerakligini tez-tez tashlab boraman. Lekin imtihon vaqti kelguncha deyarli hech kim bularga ahamiyat bermaydi. Bilimni qadri ham ahamiyati ham qolmayapti, afsus.
Bilimsiz o'qituvchi degani bu huddi malakasiz shifokor, no'noq quruvchi kabi. Lekin unday shifokor 10-15 nafar odamni hayotiga zomin bo'lsa, quruvchi 3-4 ta binoni boshini yesa, bilimsiz o'qituvchi avlodlarni ma'rifatsiz bo'lishiga sababchi bo'ladi. Uy ishlari, ro'zg'or, telegram, instagramlardan ortganizda bilimiz ustizda ham ishlab qo'ying. Yodlab emas, nimadir o'rganaman deb, bilimlarimdagi kamchiliklarimni to'ldiraman deb o'qing. O'qib-o'rganishdan hech ham charchamang!
@uzteachers
8.6K views18:49