Xeber24_tg

2022-06-22 13:13:33 Əfqanıstanda zəlzələdə ölənlərin sayı 920-yə yüksəlib @xeber24_tg Open / Comment

2022-06-22 12:55:09 Füzulidə Britaniya şirkətinin əməkdaşını ilan sancıb

22 iyun tarixində Azərbaycan Respublikasının Minatəmizləmə Agentliyi (ANAMA) ilə əməkdaşlıq edən RPS Energy Ltd. şirkətinin nümayəndəsini Füzuli rayonunda xidməti vəzifəsini yerinə yetirərkən ilan sancıb.

Nəticədə, nümayəndəyə ANAMA-nın tibbi yardım heyəti tərəfindən ilkin yardımla yanaşı, ilan sancması zamanı zəruri olan bütün müvafiq səylər göstərilib.

Həkimlərin peşakarlığı sayəsində zərərçəkmişin vəziyyəti operativ şəkildə təhlil olunub və ilk yardım
dəstində mövcud olan ilan əleyhinə zərdab vurulub. Zəruri müayinələrdən keçirilməsi
üçün nümayəndə xəstəxanaya göndərilib. Vəziyyəti qənaətbəxşdir.

@xeber24_tg Open / Comment

2022-06-20 10:37:35 Nikol Paşinyanı təhqir edən gənclər güllələnib.

Belə ki, “Vətəndaş müqaviləsi” partiyasından Araqatsotn vilayətinin qubernatorunun müavini Eqdar Parvanyan və deputat Matevos Asatryanın qohumları bir qrup gənclə mübahisə edib. Daha sonradan sözügedən şəxslər “Kalaşnikov” tipli avtomatdan gəncləri atəşə tutub.

İlkin məlumata görə, hadisə nəticəsində bir nəfər ölüb, bir neçə nəfər isə yaralanıb.


@xeber24_tg / Politik.am Open / Comment

2022-06-20 10:36:12 Xeber24_tg pinned «II və III ixtisas qrupları üzrə qeydiyyat bu gün başa çatır II və III ixtisas qrupları üzrə imtahanda iştirak etmək istəyənlər 20 iyun saat 23:59-dək Dövlət İmtahan Mərkəzinin internet səhifəsində qeydiyyatdan keçməlidirlər. İmtahanda yalnız göstərilən tarixlərdə…» Open / Comment

2022-06-20 10:36:07 II və III ixtisas qrupları üzrə qeydiyyat bu gün başa çatır

II və III ixtisas qrupları üzrə imtahanda iştirak etmək istəyənlər 20 iyun saat 23:59-dək Dövlət İmtahan Mərkəzinin internet səhifəsində qeydiyyatdan keçməlidirlər. İmtahanda yalnız göstərilən tarixlərdə qeydiyyatdan keçmiş abituriyentlər iştirak edə bilərlər.

@xeber24_tg Open / Comment

2022-06-20 10:35:41 Hesablama Palatasının sədri və auditorların maaşı dəyişir:

Hesablama Palatasının sədri 3150 manat, Hesablama Palatasının auditorları 2625 manat məbləğində aylıq vəzifə maaşı alacaqlar.

Hesablama Palatasının üzvlərinə hər ay vəzifə maaşlarının iki misli həcmində vəzifə maaşına əlavə ödəniləcək.

@xeber24_tg Open / Comment

2022-06-20 07:40:34 Ermənistanın Araqasotn rayonunda atışma olub.

Bu barədə “NEWS am” məlumat yayıb.

Məlumata görə, hadisə ötən gün, yerli vaxtla saat 19:45-də Niqavan kəndində olub. Bir neçə nəfər arasında baş verən qarşıdurma silahlı insidentlə nəticələnib. Atışma zamanı 6 nəfər yaralanıb. Onlar xəstəxanaya çatdırılıb, lakin yaralılardan biri orada ölüb.

Qeyd edilir ki, atışma zamanı ov tüfəngindən istifadə olunub. Hadisə yerinə hüquq-mühafizə orqanlarının əməkdaşları cəlb edilib.

Polis insidentin məişət zəminində baş verdiyini bildirib. Araşdırma aparılır.

@xeber24_tg Open / Comment

2022-06-19 16:37:24 Yoluxma sayı açıqlandı

@xeber24_tg Open / Comment

2022-06-19 12:44:48 #SONDƏQİQƏ: Mövqelərimiz yenidən atəşə tutulub

İyunun 19-u günorta saatlarında Ermənistan silahlı qüvvələrinin bölmələri dövlət sərhədinin Basarkeçər rayonunun Yuxarı Şorca yaşayış məntəqəsi istiqamətində yerləşən mövqelərindən Ordumuzun Kəlbəcər rayonunun Zivel yaşayış məntəqəsi istiqamətində yerləşən mövqelərini snayper tüfəngi və atıcı silahlardan istifadə etməklə atəşə tutub.
Bölmələrimiz tərəfindən adekvat cavab tədbirləri görülüb.

@xeber24_tg Open / Comment

2022-06-19 10:37:29 #SONDƏQİQƏ: Bir neçə dəqiqə əvvəl ANAMA əməkdaşı Cəbrayılda minaya düşüb

İyunun 19-u saat 11 radələrində Minatəmizləmə Agentliyinin (ANAMA) əməkdaşı 1992-ci il təvəllüdlü Əli Şükürov Cəbrayıl rayonunun Xudafərin kəndi ərazisində piyada əleyhinə minaya düşməsi nəticəsində müxtəlif dərəcəli bədən xəsarətləri alıb.

@xeber24_tg / Cəbrayıl Rayon Prokurorluğu Open / Comment