2022-05-28 16:39:04
“စစ်အာဏာသိမ်းကာလအတွင်း သယံဇာတစီမံအုပ်ချုပ်မှုအပေါ် သက်ရောက်မှုများအား သုံးသပ်ခြင်း အပိုင်း (၄)”
(တရားမဝင်သစ်ထုတ်ခြင်းများကြောင့် သစ်သယံဇာတဆုံးရှုံးရမှုများ)
======================
စစ်အာဏာသိမ်းကာလ တစ်နှစ်ကျော်အတွင်း နိုင်ငံအနှံ့ တရားမဝင်သစ်ခိုးထုတ်မှုများမှာ အလွန်များပြားစွာ
ပေါ်ပေါက်လျက်ရှိပြီး စစ်ကိုင်းတိုင်းနှင့် ပဲခူးရိုးမကဲ့သို့ သဘာဝတောကောင်းများ
ကျန်ရှိနေသေးသည့် ဒေသကြီးများ အပါအဝင် ကျန်တိုင်းပြည်နယ်အနှံ့တွင်လည်း ဝိသမလောဘသားများသည် စစ်ကောင်စီနှင့် ပူးပေါင်းကာ တရားမဝင်သစ်ခိုးထုတ်နေမှုများကို လူမှုကွန်ရက်
စာမျက်နှာများမှတဆင့် မြင်တွေ့ရကြောင်း၊
သစ်ခိုးထုတ်မှုများ လွန်စွာများပြားလွန်းသဖြင့် ပြည်သူ့ကာကွယ်ရေးတပ်ဖွဲ့ (PDF) များကပင် တရားမဝင်သစ် ဖမ်းဆီးပေးနေရသည့် အခြေအနေသို့ ရောက်ရှိနေပါကြောင်း၊
အာဏာသိမ်းစစ်ကောင်စီအောက်တွင် တာဝန်ထမ်းဆောင်လျက်ရှိကြသော သစ်တောဝန်ထမ်းများသည် သစ်တောထိန်းသိမ်းရေးလုပ်ငန်းများကို အလေးထားဆောင်ရွက်နိုင်ခြင်းမရှိဘဲ စစ်အာဏာရှင်ကို ကြောက်သဖြင့်၊ မိမိရာထူးနေရာဆုံးရှုံးမည်ကို ကြောက်သဖြင့် “မလုပ်မရှုပ်မပြုတ်” ဟူသော ဆောင်ပုဒ်ဖြင့် ဝန်ထမ်းဘဝကို ပျော်ပျော်ကြီးမှိန်းနေကြသည်ကို တွေ့နေရ ကြောင်း၊
အာဏာသိမ်းစစ်ကောင်စီကို အမြန်ဆုံး အမြစ်ဖြတ်တော်လှန်ကြပြီး ဝန်ထမ်းယန္တရားကို ဇကာစိပ်စိပ်ဖြင့် စစ်ချနိုင်မှသာ ယခုကဲသို့အဖြစ်ဆိုးမျိုး နောက်ထပ်မခံစားရသော နိုင်ငံတော်သစ်ကို ရောက်ရှိနိုင်မည်ဖြစ်ကြောင်း။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန
အမျိုးသားညီညွတ်ရေးအစိုးရ
#MONREC #NUG
#knowledgeproducts #MyanmarEnvironmentduringCoup
1.1K views13:39