2022-08-17 22:14:18
#ExitExam
Ministeerri barnootaa bara itti aanu, bara barnootaa 2015tti kan eegalu, qormaata gahuumsa Ogummaa akkaataa keenniinsa qormaatichaa irratti, #Qajeelfama isaa qopheessuun, dhaabbata barnootaaf raabsuun isaa ni beekama.
Akka seera Qajeelfamichaattis:-
Qormaanni Gahuumsa Ogummaa barattoota digirii jalqabaa barnoota sadarkaa Olaanoo kan mootummaafi dhuunfaa kan ilaallatu ta'a.
Qajeelfamichi qulqullina barnootaa eeguufi humna nama leeji'ee biyyattiin barbaaddu oomishuuf waan ta'eef, akkaataan hojiirra oolmaa isaa haala walfakkaatuun ta'a.
Qormaata gahuumsa Ogummaa parsantii dhibba(100%) keessaa barataan parsantii shantama(50%) deebisuu hin dandeenye, Eeebbifamuus ta'ee yuunivarsitii eebbifame irraa ragaa eebbifamuu isaa ibsu fudhachuu hin danda'u.
Qormaata gahuumsa ogummaa parsantii dhibba(100%) keessaa barataan parsantii shantama(50%) deebisuu hin dandeenye, yeroo fudhachuun sirriitti dubbisee qormaaticha parsantii dhibba irraa 50 fi sanaa ol fiduun darbuu akka danda'uuf, dabalataan yeroo lamaaf akka qoramuuf caarraan ni kennamaaf.Qoramtoonni caarraa isaanii fayyadamuu kan qaban qormaata yeroo jalqaba yoo fudhatan, waggootan sadan jiran qofa keessatti.
Barataan tokko eebbifamuuf ga'aa kan ta'u, qormaata gahuumsa ogummaa yoo dabarfate qofa yemmuu ta'u, qoramtoonni yeroo sadii qoramuun qabxii darbiinsaa galmeessuu yoo dadhaban, dhaabbanni biyyaalessa ga'huumsa ogummaa ragaa ni kenna.
Qormaanni gahuumsa ogummaa akka haala sagantaa barnootaatti waggaa keessa yeroo lamaafi isaa ol kennamuu danda'a.
More @QarooMagazine
3.2K views19:14