الخادم يصف حاله بعد الموت /مقدمة ————— خاف اموت وبعد ماشوف المجالس خاف اموت وحفرتي مابيها واهس حيل ضلمه حفرتي. اضوي بيها خدمتي خااااف اموت ——————— من بداية خدمتي والهج حسين خاف كثر البچي ماتدمع العين خاف ماالطم وتتشابگ ايدين خاف مااصرخ لون يتعالى الاونين شلون اموت وعايش بنص روحي عابس شلون اموت وانه سموني المنافس أرد اگلهم غربتي. اضوي بيها خدمتي خاااف اموت —————— حيل صعبه من اطبن للگبر هناك منكر يبدي ينشد عالعمر انت احظر فدوه يمي بالعسر انه منك ياحبيبي اطلب عذر فنه منكر يحجي چلمه ويرفع العين حسابي يمك وانت طيب ادري يحسين شلون تنسى عبرتي. اضوي بيها خدمتي خااااف اموت ———————— شلون بيه لو خلص ذاك الحساب أبقى وحدي باللحد وسط العذاب كلشي سهله والصعب بس الغياب لطم ماكو هناك يمه عله المصاب ماكو ناعي يگول يمي ياحبيبي عليمن اركض لمن اوگع ياطبيبي وين تخلص وحدتي. اضوي بيها خدمتي خااااف اموت ——————— لو وكفت هناك بالمحشر شصيح حسين وينك هسه رايد استريح بيش احلفك كلشي غالي يالذبيح لو بده احسابي اندبك ياطريح من احلفك بالنحر تذكر بناتك ماتكلي اسف ادري طيبه ذاتك حسين رايد لطمتي اضوي بيها خدمتي خااااااف اموت ——————— محله يومي ذاك والله بالحشر كلها تسأل شنهو سوه هالبشر فخر ليه خادمك خلصت العمر يبجي يلطم هذا كلهم هالعبر وابقه بالجنة اخدمك اُمنيتي هاي وبثوابك ابقه اوزع للخلك ماي هناك حتى بجنتي اضوي بيها خدمتي خاااااف اموت ——————— خادم السيدة زينب ع امير ستار الشـبلي https://t.me/joinchat/AAAAAEXfC0WTgXR6jaIf6w قناة تهتم بنشر القصائد و الألحان @Ahbabalzahrae1 #خدمتكم شرف لنا 88 viewsنٌوُرَ آلَوُلَآء آلَفُآطٌـمِـيّ, 06:30
