#للعليله فاطمة بنت الحسين رفت العين بغيابك رفت العين من شفت سار الضعن ويا النساوين ظعن الهواشم من سار خله أبوسط كلبي النار رفت العين بغيابك رفت العين ❀❀❀❀❀❀❀❀❀❀❀❀❀❀ من سار ظعن العايله ..ظلت الروح معلعله.. وبوحشة الليل يابويه فركاكم صعب.. وبرحلتك دمعي يصب.. واحوالي بالويل ياغالي هم ترد الي.. ياهلالي ياشمعة هلي.. ماظل الي حيل لحظات عمري اتسابكن ..وللموت اخذني ومشن.. وي جسمي لنحيل دمعي عليكم مدرار خله بوسط كلبي النار رفت العين بغيابك رفت العين ❀❀❀❀❀❀❀❀❀❀❀❀❀ امنين اجت هالنايبه.. لصغيره بالهم شايبه.. واذتني الهموم يومي ثكيل ومايمر.. بالهم اعاني وانتظر.. والكلب مالوم عاذرتك وماعاتبت.. وياك تاخذني ردت.. بس قدر مقسوم للموت انته اتحزمت ..خذت الاهل واتوادعت.. وكليبي ملجوم ابجي واون ليل أنهار خله بوسط كلبي النار رفت العين بغيابك رفت العين ❀❀❀❀❀❀❀❀❀❀❀❀❀ وياك راحو اخوتي .. العزاز ذخري وعزوتي .. مااظن يردون والعمه زينب من مشت .. شافتني بويه من طحت ..وأتهل العيون يابويه ياضي النظر .. عوف الهجر عوف السفر .. فدوه لتمشون خليلي عبد الله الطفل .. امن المناغه ما امل ..كلبي يمحزون ظلت ببالي الأفكار خله بوسط كلبي النار رفت العين بغيابك رفت العين ❀❀❀❀❀❀❀❀❀❀❀❀❀ خلصان عمري بالحزن .. ليليه ابجي وبس اون .. والكلب ميهيد ريتك تجي تشوف الوضع .. وبغيبتك سال الدمع واحزاني اتزيد رحت وبعد ما ظن ترد .. يا بويه يانسمة ورد.. وغيابك بعيد جني شفتها نهايتي .. كربت يغالي منيتي ..وعتابي ميفيد وعيوني هلت الاعبار خله ابوسط كلبي النار رفت العين بغيابك رفت العين من شفت سار الضعن ويا النساوين ظعن الهواشم من سار خله بوسط كلبي النار رفت العين بغيابك رفت العين https://t.me/joinchat/AAAAAEXfC0WTgXR6jaIf6w قناة تهتم بنشر القصائد و الألحان @Ahbabalzahrae1 #خدمتكم شرف لنا 85 viewsنٌوُرَ آلَوُلَآء آلَفُآطٌـمِـيّ, 06:38
