تجمع أحباب الزهراء ع ( 1 )

2022-06-16 05:23:35 انه مسلم رايح تعرفوني
            انه من عمي درست فنوني
انه والعباس.       رافعين الراس
صورة وحدة جن تشوف عيوني
        ،،،،،،،،،،،،،،،،،،،،،،،،
انه مسلم انه    ابا الحسن مولانه
انه ابوطاهر
انه من جف حيدر   عمي قالع خيبر
بالحرب قاهر
لحظه وتشوفني    فنكم تكدوني
الناهي والآمر
سيفي نار ونازل    زودي يابو فاضل
نكطع الدابر
صولتي يوم الحرب معروفه
           الكوفه تسكت من اطب الكوفه
تخمد الأنفاس       سورة الوسواس
انه والعباس مايدنوني
         صورة وحدة جن تشوف عيوني
           ،،،،،،،،،،،،،،،،،،،،،،،
شكرا المعبودي      ربي بث بزودي   
حب ابو اليمه
لو وذر اتكطع    مايهمني المجمع
عالي بالهمه
احصد ومابالي.  الأول ويالتالي
ابقه بالقمه
هاشمي ولوزمجر.     وادخل بكل عسكر
يجمد بدمه
تنحني الجيمان لومربيها
              اكلب السافل على عاليها
وحدي مايند اس.     مثل ابو النوماس
وانه واضح حيدري مضموني
  صورة وحدة جن تشوف عيوني

             ،،،،،،،،،،،،،،،،،،،،
جن اشوف الطف.    والعدة  يصطف
مايلاونه
طبها ابن عمي.        لحمي ودمي
الكافل ضعونه
الحارس  خيامه.    بيدة صمصامه
مايصدونه
تروي طفوفه.        وانه بالكوفه
ونفس مضمونه
ابوفاضل لولكد ميمونه
            مثل عمي تطك شرار عيونه
قائد ونبراس.    مسكت الانفاس
يصيح وين العسكر يلاكوني
    صورة وحدة جن تشوف عيوني
               ،،،،،،،،،،،،،،،،
وأعلن وسمعوني.  لازم تعرفوني
ياملاعين
مسلم وحداني    داخل ابميداني
حامي للدين
يالي بايعتونه.   جينه وخذلتونه
وين اليمين
احنه مانتعذر   لليوالي حيدر
والميامين
يالي خنتو الراعي يا اتعس رعيه
    وين ذيج عهودكم لبن الزجيه
بالغدر تمشون.    وانتم تعرفون 
انه سبع الكوفه اليسموني
   صورة وحدة جن تشوف عيوني
               ،،،،،،،،،،،،،،،،
فارس الخياله    هوسة المهواله
ويعلم اصحابه

وينه اليلاكي وين       صوبه التصد ياعين
كلهه مرتابه
والله لوماحيله.       يابشر يدنيله
وصولته الهابه
هوسه وبرباطها.      الزامطت بزماطها
تكابله المتهابه
مايلاكونه يطول حسابهم
        شردو الحدو عليه  انيابهم
حارو بملكاه.    والله يامحلاه
يصيح انه الما طفي جانوني
         ،،،،،،،،،،،،،،،،،،،،،،
هوسه
فارس صاح جان بجيشهم كالو علي مهوال
ابوطاهر دخل بالجيش يحجاية الماتنكال
اخذو الحذرطبها الما يهاب ولا تهزة رجال
الهوس من عدوانه  وكام الجيش يطك بالجيش
   خادم خدام الإمام الحسين عليه السلام
علي داود سلمان البحار


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-16 05:22:53 ها لله ها لله نزل مسلم للحرب
ها لله ها لله ماكدر واحد يطب

الكوم كله منه خافت ..بسيفه ملك الموت شافت

............................................................

الكوفه خلاها نثايه مامش كباله زلم
الاسمه عثمان وخوله يلحك يغير الاسم
بجفه كل واحد يسطره الناس برسومه تلم
مسلم العاشر الكافل سر صعب ماينفهم

الناس كله عليه طافت .بسيفه ملك الموت شافت

............................................................

مسلم حكم بالميدان واحد والزلم ردها
الكوفه خاليه أمن الناس تربع صار قائدها
مدد يابو الفضل صيح الكوفه بصيحته سدها
واحد كلف حيرهم كل الكوم شردها

اعداه اعقوله طارت ..بسيفه ملك الموت شافت

.............................................................

يغير عليهم ايلمهم وهم يرجع يطشرهم
غنم والراعي مسلم صار بنضره النفل يرعبهم
اليركض خايف ومرعوب خاف يصير اخرهم
طوعه تصيح يامسلم علي وياك كتلهم

تهوس لحملاته صارت..بسيفه ملك الموت شافت

............................................................

ابو طاهر بالقتال غضب ويحول عليك
تشوفه باليمنه بعيد بلحظه باليسره يجيك
تشيل سيفك تعتنيه برمشه هو يكطع اديك
ترمي بسهامك عليه السهم مرجوعه ليك

الخلك وياه حارت ..بسيفه ملك الموت شافت

.............................................................

الكوفه كوره وشمره وحطها بأحضان النجف
زلزل الدنيا بقتاله واليدنه بحزامه انجتف
الكلف بيهم طاح رأسه وينهم محد وكف
ماكو صوت كبال صوته تخورسوا لمن هتف

روسه لعدوان طارت ...بسيفه ملك الموت شافت

.............................................................

الشاعر كريم الجياشي

https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-16 05:19:55 (( نـَعــِــــي ))
—-------------------
يخويـَه الـروح مِــن بَعـدَك غريبـَـه
وبَـعَـــد بـَـلوَاك هـَــانت كِل مصـيبه
عَجيبـــه شِـــدّة العَاشــــر عَجيبــه
خِـــذَت من الـﮔـلب ثِـلــثين واكثــَـر
*
عـَـفه ﮔلبـي اشــحِـمَـل ظـيم وأذيـّـه
وعَـفه عيني وصَبرهه اعلى الرزيّه
اتـِشـُــوفَـك عالـتِـرب جثــّــه رميـّـه
وراسَـــك عالرمـح يـحســين يفــْـتر
*
يــِفــر بيـّه الزمَــن فـــرّ الــمَـغَـازِل
وﮔِضيت سنين عمري ابدَمع سَـايل
غـَـفـل منكم خـِلـَـت هــاي الـمنَـازل
وصبَـح طِشـّـار بيت النـبي الأطـهَـر
*
رَافـَـﮔني السَـــوَاد امرَافــَـﮒ الظِــل
وحِـفَـر بالخَد نهَـر مَدمَــعي اليهمِـل
عشِـت بس النفِـس يصــعَـد وينـزل
واتـَـاني ابلهفه مـَلـْك المُوت يحظَـر
*
عِـﮔـب عَـينك يخويـَـه وﮔمَـر هاشـم
وعِـﮔـب ذيـﭻ المَحامِـل والضِــيَاغِـم
صُـفيت انــه ابـْونـين ودمِـع سَـاجم
أغِص بالماي واشرَﮒ بالهَـوى المَر
*
يخويـــه اذكِـر أمِـس لَمـّـتكـُـم اهنــا
وعلي الأكبَـر يخويَه وجاسِــم اوْيَاه
وابو فاضِـــل كَـفيلـــي وزُود يمنـَـاه
غـِدَت بس الـطِيـُــوف ابّـالي تفـتـَــر
*
عسَـه لا مَـر عَلـَي عاشِــر بعَـاشـور
وعسَه لا صُبح صُبحَه وأشرَق بنُـور
خِـذه الـطَيـبين اَخِـذ غـَــدّار مَغـــرُور
اوتِـرَكنـي ابلا مُـعِـين اعليـّـه ينغـَــر
*
صَعـــب فـَـﮔد الإخُــو وظيم النِوَايـب
عَلــى اﮔلـيبي مِـثل دُوس الـكـَـتايِـب
ومثل كَسـر الظهَـر فـَـرﮔـَه الـحبـَايب
ومثل نِيـران كـَـبره الـغِـربه تسعـَـــر

—----------------------------
خادم اهل البيت / لقمان البدران


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-16 05:19:04 ( أبوذيات نعي ) 2018
للعليله….
اخذتو الگلب من رحتو.. تراكم
وعلى راسي الحزن والهم. تراكم
مته اتعودون وعيوني.. تراكم
يهلي ادخيلكم مرو عليه
@@
بيه يجر حبل الموت. وجره
وبالطف مادريت اشصار. وجره
غدت نيراني بالدلاي. وجره
على اهلي السافرو وگطعو بيه

موحش صار يهل الشيم. بتكم
عليه اشلون ماينگطع. بتكم
حزينه اواگفه اعله الباب. بتكم
وتناطر اضعون الغاظريه

عجب عگلـي لحــــد الان... ماجن
الرزايه اوياي موج البحر… ماجن
ليش اضعونكــم طـــولن… ماجن
يهلي ادخيــــل لا تگصــون بيـــه
@@

عن لسان زينب ع…

الشمر بنار خيماتي وياهن
وستوحد ابنياتك وياهن
ابغرب يبن امي ومحد وياهن
احا يالوعة اسكينه ورقيه

المگابر گمت اسمع ونه بيهه
اسكنت بيهه النودهه ونبيهه
 الكوفه اويانه جارت ون نبيهه
يكوم ايشوف بت حيدر سبيه

الزمان أحباب من عدنه بعدهم
وكلت بكلوبنه الحسره بعدهم
شبعنه اهموم مانحمل بعد هم
انفجعنه احنه برزايه الغاظريه

ازامط بيك يالكافل ولوني
سبيه. اوليه من بعدك ولوني
تغير شكلي بغيابك ولوني
ورحت وي الغرب بعدك سبيه

عن لسان الرباب…

جبت كل دربي الوليك. وداري
ابموتك ماجنت اعلم .وداري
لبسنه اسود عليك انه. وداري
شدهني امصابك وشبك نار بيه


الخادم
كامل السعيدي

https://t.me/joinchat/AAAAAEXfC0WTgXR6jaIf6w Open / Comment

2022-06-10 04:35:04 #محرم
#الخروج_من_المدينة
#العليلة

يا كَرْبَله راحَوْا هَلي بِينِ الأَلَمْ عافوني
يا كَرْبَله عِنْدِچْ خَبَرْ عن عِيلِتي وِظْعوني

ذابِ الْگلُبْ مِثْلِ الشَّمِعْ نارِ الْحِزِنْ لَهّابه
مِشْتاگه اشوفَنْ والِدي وَاصْرَخْ هَله يا يابه
مِشْتاگه اشِمَّنْ رُگْبِته وَاشْتَمْ عَبيرِ ثْيابه
مِتْعَوِّده مِنِّ الزُّغُرْ عالبُوسه فُوگِ عْيوني

إسْمي العَليله فاطِمه يا كَرْبَله حاچيني
وِينِ الْأَهَلْ شِنْهو الْجَرى يا كَرْبَله رُحْميني
عَمِّي أبو فاضِلْ عَدِلْ خَبْريني عَنِّ حْسِيني
عَنْ زِينبِ وْباقي هَلي بالِچْ تِخَيْبي ظْنوني

يا فاطِمه صُبّي الدَّمِعْ خَلْها الْمَحاجِرْ حَمْره
يَمِّ النَّهَرْ طاحِ الگُمَرْ راعي الْعَلَمْ عالْغَبْره
وِحْسِينِچِ بْرِجْله شِمِرْ داسه وْگِعَدْله بْصَدْره
فُوگِ التُّرُبْ يِنْزِفْ دِمَه ظامي عَلِيهِ وْنِيني

جاسِمْ هِوَه الَاكْبَرْ وِگَعْ عَبْدَ الله هَمْ ذِبْحونه
صابَه الْمُثَلَّثْ وِالطِّفِلْ غافي ظِمايه عْيونه
كِلِّشْ چِبيره نَبْلِته بَسْ رُگْبِته زْغَيْرونه
سِكْنه وْرُقَيٍه بالسِّبَه لُوْ عَنْهُمِ تْنِشْديني

أُمِّ الخِدِرْ مُهْجَةْ عَلي فُوگِ الهِزِلْ چِتْفوهه
حِرْگوْا خِباهَه يا وِسَفْ جِيشِ العِده لِحْگوهه
ضِرْبوهه بِسْياطِ الهَضُمْ فُوگِ الثَّرى طَيْحوهه
صارَتْ تِوِنْ بِينِ الزِّلِمْ يِرْضه الْگُمَرْ يِسْبوني

الشاعر حسن خنافر العاملي


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:34:02 بـعدني أشتاك يا ليــل علـى الطول سفرهم
مشوا وادموع الفراك تتــــــوسل صورهم
............................
بعدهم وحدي ضليت محتاره ابزماني
أتاني واشعل اشموع اولا واحد اجاني
كلتله بويه يحسين أخذني ومــا خذاني
وآنه الجنت أغفه بحضانه واشم اترابــــه
وآنه الجنت يسوه عندي الدنيا عطر اثيابه
وكفت بعتبت البـــاب واتفكد خبرهـــم
مشوا وادموع الفراك تتوسل صورهم
...............................................
صعبه فكد الاحباب ما مر اعله بالـي
طفله واهلي غياب ما واحـــــد بقالـي
اعيش اشلون والبيت من احبابه خالي
اركض رحت اتفكد الحيطان بلكي الكاهم
اركض رحت أمشي واعثر يم أثر ممشاهم
كمت اتوسل المــــوت يمرني وما يمرهم
مشوا وادموع الفــراك تتـــوسل صورهم
.....................................
عليله واحسب ايام جا يمته يـــــــعودون
دمع كلبي امن الفراك خلٌص قبل العيون
الهضمني من مشوا ليش عني ما يسألون
كون الهوه ياخذني ليهم والتقي بخواتي
كون الهوه ايرجعهم وياخذ نذر حياتي
بقيت أتفكــــــد الناس هلبت الكه اثرهم
مشوا وادموع الفراك تتـوسل صورهم
.................................
بعد ماضلي كـــــل حيل وانه ابعازة محنه
طحت من طولي والشوك غير كل رسمنه
لا من طارش ايعود ولا ريحة أمــن اهلنه
ريت العتب ياخذ اسنيني ويخبر الغالي
ريت العتب ايكله بنتك ضلت بلا والي
شكثر حشمت الطيوف تبشرني بوضعهم
مشوا وادمــوع الفراك تتوسل صــورهم
...................................................
غيمة عافية وخير الأبو بعيون بنته
يمها وهيــه تشتاك يغطيها أبمحنته
وانه والدي راح عني وما حضنته
شكد صحت وياكم أخذونــــــــي ولا سمعوني
شكد صحت وذبحوا أحلامي وخضار أعيوني
شكثر ناديت ياموت أخذني من بعدهم
مشوا وادموع الفراك تتوسل صورهم
...........................................
خادم خدمة الحسين
الشاعر
محمد الموالي



https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:33:30 ابوذيه عن العليلة

عليله وجسمي ناحل حيل بي داي
همـس بذني ابوي حـسين بيـداي
يگلي ذكـرى اريد انطـيچ بيـداي
سحب من ثوبه خيط وحط بديه
.
.
حسن الموالي الفاطمي



https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:33:04 آنه وحميده ورقيه نسولف كعدنه سويه
اركض رحت فرحانه كلولي موش ويانه
*
الليله ما مرتاح گلبي ايگلي سفرتهم طويله
بساعج ولحسين اركضي لا يعوفج يالعليله
جنه ما حاسب احسابج اخذي زينب وعتنيله
وخلي عبدالله عله متنج من يشوفه ايحن دليله

گليله حن عله حالي بلكت يگلج تعالي
بدونك اموتن آنه كلولي موش ويانه
*
الليله حيرني زماني والله مدري شضام اليه
مدري اروحن مدري اظلن ومن اظل اشلون بيه
ومن اروحن خاف اتعبه وينكسر گلبه عليه
رحت بالمدري ودمعتي يم حميده ويم رقيه

شافني مكسوره خاطر وكللي كلنه نسافر
منعوفج احنه اهنانه كلولي موش ويانه
*
احنه التلاثه كعدنه انسولف عله السفر گمنه
نحلم احلام عله گدنه ازغار بس كلش تهمنه
ذيج گالت آنه ارتب من نسافر كل خيمنه
وهاي كالت انه باجر افرش العبدالله يمنه

عبد الله كلش نحبه اناغيله دوم ونلعبه
يمنه يصير امجانه كلولي موش ويانه
*
نتفق من هسه اكلجن انه ابوي اهناك اخدمه
خيمته اخليها تزهي وبيها اصيرن احله نجمه
ماي اجيبله الوضوئه وحته مهره اهناك اقدمه
ومن يريد الماي يشرب يلتفت يلكاني يمه

خليني اكلله يمك وبعيوني يابويه اخدمك
ماكول ابد تعبانه كلولي موش ويانه
*
والله لو وياهم امشي إله اصير الهم فراشه
وعالضعن بالماي افتر وما اخليهم عطاشه
والعزيز حسين بيدي من العصر افرش افراشه
وحته عبدالله اكمطه وما اقصر وياه حاشه

خدامه اصير بضعنهم بس لا يبعدونه عنهم
ما ريد اظل حزنانه كلولي موش ويانه

حضرت روحي ورحتله وشكبر جانت فرحتي
شافني ونزلت دمعته وكلي موش ويانه انتي
باوعتله وليش گتله كلي اخاف عليج بنتي
هالسفر مابيج حيله گتله اخذني شلي بظلتي

ماريد اظل بويه اريدك متعوده انام عله ايدك
والشوفتك عطشانه كلولي موش ويانه
**
تمت
#ميثم العمري

https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:32:14 مولاتي العليلة

بيا حزن وياكم ابدي .. من يجيني الليل وحدي
تصرخ الدمعه اعلخدي
وينكم… وينكم
.……
الليل يشهد عن حسرتي .. دوم ما نشفت دمعتي .
.والونين
ساعه اسكت ساعه ابچي..ساعه للحيطان احچي ..
عالسنين
اسنيني ذيچ اشلون اردهه .. وانت فواحة وردهه ..
تدري زين
ولو شفت طاست اميه ..الف حسبه ادور بيه
يل الحنين
ع درب هل تربي عيني .. انتظر طيفك يجيني
حتى ابطل من ونيني
وينكم .. وينكم
……
بويه يا ملح السوالف .. وشلت كل العواطف
بويه بيك
ويالنجم خلصته ليلي.. احچي وياه بدليلي
بس عليك
يل گلتلك رد واخذني ..من الدمع هل يبس ردني
وانتخيك
وكون ما تگدر تجيني .. سهله بويه ابطن عيني
اني اجيك
اعليكم الدلال نده .. وكلمتي يابويه وحده..
ما ضگت طعمه المخده
وينكم .. وينكم
… ..
بويه يا ضعن اليمرني.. يزيد ناري يزيد وني
بكل زمان
اعليه اركض بيدي ماي .. وارجع وحسرتي اوياي..
بلا حنان
بدمعي خطيت اعل بابك .. دنيه ماتسوه بغيابك
ماكو امان
يومي بالشوغات اخلصه .. لشوفتك ما تصح فرصه
بكل مكان
وي الاهل يابويه ردلي .. وهدت الفزاع هدلي
بدونكم بالدنيه شلي
وينكم ..وينكم
…… .
وينكم كلمة بلساني .. تحچي عن حبي وحناني
من مشيت
من گلتلي بالسلامة .. تيهت مثل الحمامة ..
بلايه بيت
وين اصد اوين امشي...وانت الي يابويه كلشي .
ما دريت
روحي فرگاكم حرگها .. چني شجرة بلا ورگها
وانحنيت
لوعة المشتاگ بيه .. بانت برجفات اديه .
من صحت ردو عليه
وينكم ..وينكم
……
بويه يا دخان اشوفه .. تنزرع بگليبي خوفه
مدري ليش
والظنون ادور بيه .. چنهه چنهه الغاضريه
وبيها جيش وانت تعرف بمنياتي .. اخلافكم اكره حياتي
وما اعيش كثرة للفرگة نوحي ..بيش اعيش وانت روحي
فدوه بيش
لون حاديكم نسانه .. وللسفر لا ما خذانه ..
حگي انحب بويه انه
وينكم وينكم



#ايوب يوسف الطوكي


https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment

2022-06-10 04:31:36 العليلة

دگيت باب الصبر .. وبعيوني بان الندم
واسأل گمت باليمر .. مامر ضوه وياه علم

من عندي راحو سوه .. راح الهوه ويل الضوه
بعيوني بان الندم
........................
بويه الندم كلاني .. يوم الضعن تركته
شجاني ما رحت اوياه .. هو اني ميته ميته
شوف السهر ذبحني .. والدمع ينزل سكته
يشهد علي اني الليل .. ان چان ساعه نمته

وبين عليه السهر .. والحزن ترس الجفن
عذبني هذا السفر .. خلاني انحب و اون

من عنده گلبي انچوه .. راح الهوه ويل الضوه
وبعيوني بان الندم
........................................
الضعن لمن غرب ... بعيوني باتت عبره
مختنگه روحي وينك .. والنفس گوه اجره

بخلافك اني بويه .. يومي اخلصه بحسره
لو راح منه المحب .. گلب اليحب شصبره

دليني وينك واجي .. هو انته بس دليني
مو ممشه اني اعتني .. ازحف ازحف تلگيني
من غاب راعي اللوه .. راح الهوه ويل الضوه
وبعيوني بان الندم
...............................
بويه الصبح اجاني .. وجايبلي ريحة خيمه
ويگلي صارت دخان .. وارماد وسط الهيمه
سولفلي عن اخواني .. وعن ذبح راعي الشيمه
ونادالي يل عليله .. صرتي بعد يتيمه

وچذبته بويه الخبر .. واني حچيه صدگ
ودلالي اصبح جمر .. مثل خيم محترگ

شلي بعد بالدوه .. راح الهوه ويل الضوه
وبعيوني بان الندم
......................
يا يوسفي انتظارك .. ما خله بيه دمعه
ياوسفه هاي المره .. ماتصح منك رجعه
ياهو اليمر انصتله .. بلكت خبر اسمعه
خلاني بُعدك ياحيف .. احترگ مثل الشمعه

الله اليعين البنت .. لمن تفارگ ابو
بردانه تگضي العمر .. ما يمر بيهه الدفو
ذبلانه عودي التوه .. راح الهوه ويل الضوه
وبعيوني بان الندم
............................
يالغالي شلي بعيني.. لوما اشوفن رسمك
يل ماكو اعز منعندك .. ارتجف لو مر اسمك

شلي لحياتي وعمري .. لو ما اخلصه يمك
صار الغروب وبين .. لونه خذاه من دمك

لون الغروب اتضح .. ماخوذ من النحر
وچي يمه عمي انذبح .. ضم روحه وسط النهر

من الدمع خدي ارتوه .. راح الهوه ويل الضوه
وبعيوني بان الندم
..................

#ايوب يوسف الطوكي

https://t.me/joinchat/AAAAAEXfC0WTgXR6jaIf6w


قناة تهتم بنشر القصائد و الألحان


@Ahbabalzahrae1

#خدمتكم شرف لنا Open / Comment