2022-09-01 01:57:11
#قصائد_شهادة_السيدة_رقية_ع
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
أطفال ونسه والگيد هدموا حيله
ــــــــــــــــــــــــــــــــــــــــــــــــــــــــ
محررررم 1443 هـ السيدة رقية ع قالت للسيدة زينب عندما أتوا بتلك النياق الهزَل ...
ها عمة إلمن هاي الناگة الهزيلة ?
بشريني راح انعود لختي العليلة
فرحيني عمه وگولي مو سباية
ماشين لختي فدوه گولي هاية
لختي العليلة
مو خلصت عمه الحرب . باقين إلمن بالغرب
اشتاگيت لختي . آنه ودمعتي
تاخذنة بلكت لختي هاي الناگة
كلهم گضوا بالطف هلي . محد بقى زينب إلي
بعيومي مدمع . خلينة نرجع
ارقية آنه لختي فاطمة مشتاگة
بلكي هالناگة يعمة للعليلة اتروح
واحضن اختي يالعقيلة وروح تشبگ روح
جيت الچ يحبيبة اگلها وبيه كومه اجروح
تنضرلي هاي النوگ نظرة غرابة
تاخذنة خوفي اهناك صوب الخرابة
لاچمني گلبي اهواي بالبداية
ماشين لختي فدوه گولي هاية
لختي العليلة
________________________مو للسبي مو لليسر . ماشين بشريني انتظر
فرحيه گلبي . لتزيدي تعبي
گليلي رجعتنة البيت ابونة
مشتاگة اشم اختي اشكثر . اتفارگنة چن صاير عمر
عيني ارد اسدها . لمن أصدها
والزم يعمة اچفوفها الحنونة
هيچي وارجع والتقيها ومنها أشبع شوف
خايفة اتصدني وتشوف امحرگة لچفوف
إختي ماتدري چواني اشگد جمر لطفوف
إمن اتصد علية اهواي تشبع بواچي
چيه بذني لا متشوف ذيچ التراچي
واجروحي ما إلهن أبد نهاية
ماشين لختي فدوه گولي هاية
لختي العليلة
________________________من نرجع المن چا تصد . او ويانة ابويه مايرد
أعرف تتاني . إختي ترى آني
جية أبوي ابكل وكت تريدة
ماتدري بالصار او جره . إمن إحسين ظل بس منحره
ماتدري هية . إحسين ورقية
متفارگين وهل صرت وحيدة
إختي بحسين اشجراله مادرت ياحيف
ضامي ابوي وحيل أذه نحره حر السيف
ابلا ثياب ويچوي گلبة اهواية حر الصيف
متنطرة اعله الباب هسه ادري بيها
ياربي رد إحسين مرفوعة اديها
ماتدري ظلت جثتة وراية
ماشين لختي فدوه گولي هاية
لختي العليلة
________________________العبدالله اهي متنطره . اشتاگت تهز مهده ترى
لو ما تلاگيه . اويانة وتصد ليه
شنگلها لو رادت أخوها تشتم
راح آخذ اگماطة بعد . لختي اللي بي دم الولد
لمن تشوفة . أحمر تعوفة
واتگلي ليش اگماط اخويه بي دم
وينه عبدالله أحنن والله لمناغاه
وينه مهده يارقية أرد اهزه ابآه
أرد اللولية وانومة ابحضني وابچي اوياه
وشلون اگلها هناك ذبحوه ضامي
ومهده احترگ بالنار وي كل خيامي
ويلي انذبح چيه راد اخويه ماية
ماشين لختي فدوه گولي هاية
لختي العليلة
_____________________لو لختي راح انرد صدگ . ليش الشمر متني يطگ
اشما أبعد آني . يركض إجاني
ويگلي متنامين هالليالي
بيدية ليش ايحط حبل . ويفرح إذا دمعي يهل
احچيلي الصراحة . رحلتنة راحة
لو كلها عمه اسياط گولي تالي
هذا مو درب العليلة هذا درب اجديد
أعتقد درب الخرابة هذا چنه ابعيد
عالسبي مگدر يعمة والحبل بالإيد
الدرب الخرابة اليوم ماشين شفتي
ماظن نعود اهناك ياعمة لختي
الدرب السبي ماشين بالنهاية
ماشين لختي فدوه گولي هاية
لختي العليلة
حيدر الحلفي
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
كروب الالحان رقم 1
https://t.me/joinchat/Dw92Dj9pmspR5uHfACGjlA
كروب الالحان رقم 2
https://t.me/joinchat/Dw92DkJZ4tvb4YIzJWBWrg
497 views22:57
1
