1.مؤسسة منبريون الحسينية🧿

2023-07-24 23:41:54 #قصائد_انصار الحسين_ع_محرم_١٤٤٥_هـ #مـۄسسـﮫ_مــﻥــبـريۄن_للالـﺢــان الناشر.احمد.الـــزوار.cc   ‏الله اختار السبعين انصار بحب حسين   .      ــــــــــــــــــــــــــــــــــــــــــــــــــــــــ ألتمو انصار          يم حسين بس هيبه أزلام نشمين       … Open / Comment

2023-07-24 23:41:53 #قصائد_انصار الحسين_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  ‏الله اختار السبعين
انصار بحب حسين
  .     
ــــــــــــــــــــــــــــــــــــــــــــــــــــــــ
ألتمو انصار          يم حسين بس هيبه
أزلام نشمين        متروسين  بس طيبه
والعشگ مبخوت  عد الشاب والشيبه

ابن مضاهر وي برير
والشاكري بصفه زهير
احزام واحد من نغير

نبقى ونبقى حتى نبقى عاشقون
نحن  اله الله  وثم راجعون
أشهدو انا للحسين ناصرون

يكفينه الاسم أذن من نتسمه واحد
واحدنه  نذر بقه   كل عمره  يجاهد
ارخصنه على العده يحسين وتشاهد
===============================
فار الدم ابساع       مايرضاش بل عيله
چن فورة ادلال      كاسر ضهر الكحيله
اچبير بس حيد      حيله ايبزر ابحيله

والوجه چن ياقوته
ناده  حبيب ابصوته
ويحسين محله الموته

اليوم اغذي السيف  من عنق الرجال
محسومه اليه الحرب أيضآ لا محال
ما اعرف اسم الخوف من ادخل قتال

سيفي ولا مره  وصل لگرابه ويجافل
الله رزقني  منزله  وجنس مقاتل
مجنون بحسين وفقط يفهمهه الي عاقل
================================
اسمر وجه جاي    ويفوح ابعطر  هيله
الگلب ك الشيب   عد  عابس  وترتيله
وينادي يحسين   والعاداك  يااااا ويله

من ابرز  ابروحيه
ماخلي ثوب اعليه
وداعتك يابو ارقيه

عابس ينادي ابصوت نحوه الكافرين
أني  أنا المجنون في حب الحسين
وگلوبهم  عاشت رجيف  الاخرين

أفديله هاذه العمر والموت ما أهاااابه
مجنون عابس بل عشگ شگاهن ثيابه
اليوم عازم  عل عده حل موعد عذابه
================================
يامن اله الروح    ترخص هيه والبيهه
والحرب مولاي    و ابن القين هاويهه
محلاته ليموت     وي حسين تاليهه

ياربي يل أسمك معين
احسبني ناصر للحسين
هوه ملاذ  العاشقين

الله وكبر حين ادخل للحرب
يسموني ابن القين حاصود الرگب
اليوم  اشبن نار  والروس الحطب

ماريد الدنيا بعد  وياااام التجاره
ابن الزهره الينصره مايعرف خساره
خسران دنيا واخره الگاعد يم دياره
==============================
اليحضه ويشوف     ابن الزهره ورسومه
ايصير چن مااااي     كلهه  ادور اعلوومه
حطف الله الحسين  الله اختارنه اليومه

انصار نبقه شما ندير
النضر بس اعلي يصير
يفديك وبكلشي برير

ادخل على الميدان چن يوم الجحيم
اليوم اخلي الكفر تلبس زي  حريم
القاده خلهه  بساع  توگف  تستقيم

متبسم  حين الاطب للحومه  محارب
ايعرفون  اسمي وهيبتي لواي  الشوارب
اليوم چن كرب النخل  بالروس انه كارب
===============================
كرار العطوي السماوي


مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55

كروب تلبية الطلبات
https://t.me/+EYMpn6BKE-IxYmZi Open / Comment

2023-07-24 23:41:33 #قصائد_اولاد  مسلم_محرم_١٤٤٥_هـ #مـۄسسـﮫ_مــﻥــبـريۄن_للالـﺢــان الناشر.احمد.الـــزوار.cc   ‏اولااد ازغار   .      ــــــــــــــــــــــــــــــــــــــــــــــــــــــــ اولاد مسلم ع جانه الموت الله وياك حط ايديك بيديه**** بس اشلون من نشتاگ للودوهه… Open / Comment

2023-07-24 23:41:33 #قصائد_اولاد  مسلم_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  ‏اولااد ازغار
  .     
ــــــــــــــــــــــــــــــــــــــــــــــــــــــــ

اولاد مسلم ع

جانه الموت الله وياك حط ايديك بيديه****
بس اشلون من نشتاگ للودوهه مسبيه****
........................
احنه ازغار متعوبين هاي الناس أذتنه*
فوگ الماي خل اتصير مو عالشوك نومتنه*
شمسوين حتى الخيل خويه اهناك تبعتنه*
عطشانين چنه انصيح والله وگوه ركضتنه*

وهاي الوادم ايدورون ياهو الرجله مچويه*
جانه الموت الله وياك حط ايديك بيديه*
.....................
صح ازغار بس مكتوب خويه انشوف هالقسمه*
واحنه اهناك عبدالله شفناه يضحك السهمه*
سد العين تلگه السيف مر ابرگبتك نسمه*
لا تحتار هاي الناس ماعدهم ابد رحمه*

خالي حسين لمن طاح شال اوياه الحنيه*
جانه الموت الله وياك حط ايديك بيديه*
........................
أشبگني يخويه هواي ماضل عدنه بس لحظه*
صعبه امفارگ الخوان خويه امودع ابالله*
أنه اشبيدي هذا الموت جانه بقسمتك ارضه*
بس اشلون عيني اتشوف جسمك طاح ما اكضه*

جسمك أترف من الشوگ يا ابو اخدود ورديه****
جانه الموت الله وياك حط ايديك بيديه****
.......................
سامحني يبعد الحيل دمعاتك حنت ظهري*
مثل حسين والعباس محني يابعد عمري*
داريتك ليال اهواي مطهر تدري من زغري*
هسه اشلون أشوفك هيچ طايح والنحر يجري*

بس أصبر يبعد الروح لحظه وهيه مگضيه****
جانه الموت الله وياك حط ايديك بيديه****
..........................
تانيني عله جرف الماي خويه الرحله نمشيهه*
وانكمل طريج الشوگ واسوالفنه نحچيهه*
راح الشوف ويه حسين هاي الوادم اشبيهه*
يم الزهره هالماشين خويه ونغفى بيديهه*

وانسولف شنهي الصار من راوونه المنيه****
جانه الموت الله وياك حط ايديك بيديه****


علاء المياحي
الفاتحه لروح والدي


الناشر عباس التميمي:
قصائد حسينيه مكتوبه لمجموعة من الشعراء اضغط هنا

مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55

كروب تلبية الطلبات
https://t.me/+EYMpn6BKE-IxYmZi Open / Comment

2023-07-24 23:40:40 #قصائد_انصار الحسين_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  ‏الله اختار السبعين
انصار بحب حسين
  .     
ــــــــــــــــــــــــــــــــــــــــــــــــــــــــ
هـــاي الدنيــــا ( الانصار )

ماتسـوه نفكـر بيها .. هاي الدنيا
الموت اولها وتاليها .. هاي الدنيا
مانرضــى بعار
لحسين انصار .. هــــاي الـــدنيا
ـــــــــــــــــــــــــــــــــــــــــــــــــ

بمواقف سامية وطبع الرجال يبان
هـو انسان هـم يختلف عـن انسان
اكو واحد ضميره يحكـمه والقرأن
واكو واحــد يصير بذمة الشيطان 

واحنه انصار ونعرفها .. هاي الدنيا
بس حـــسين يشرفها .. هاي الدنيا
بـدين الاحـرار
لحسين انصار .. هـــــاي الــــدنيا
ـــــــــــــــــــــــــــــــــــــــــــــــــ

تبعناك وعرفنه الدنيا بس يومين
بأعظم قول وصفها ابو الحسنين
اذا چانت الك لاتنظر الـهـا بـعين
واذا چانت عليك يذلها حب حسين

ميزانك هــو اليعدل .. هاي الدنيا
انصار ومانرضى بذل .. هاي الدنيا
بيك الاسرار
لحسين انصار .. هــــاي الــــدنيا
ــــــــــــــــــــــــــــــــــــــــــــــــ

رفعوا راية الحب وايد تشبگ ايد
بس حسين باقـي الدنيا لا متفيـد
لوكل ساعه موته نموت لا منحيد
دربك موت بس هيچي الرجال تريد

بهذا المفهوم الواضح .. هاي الدنيا
اليتمسك بيك الرابح .. هاي الدنيا
ياجـنـه ونـار
لحسين انصار .. هـــــاي الـــــدنيا
ـــــــــــــــــــــــــــــــــــــــــــــــــــ

طلگــنه النسا وللدنيا طلگــنه
وي حسين بالطف صار موعدنه
انصــار وفقــط حبك يوحدنه
والدم بالطفوف يصير شاهدنه

خدام ونبقى اجنودك .. هاي الدنيا
ولاما نتخطى احدودك .. هاي الدنيا
بهاي الاقدار
لحسين انصار .. هـــــاي الـــــدنيا
ـــــــــــــــــــــــــــــــــــــــــــــــــــ

حبيب وعابس الفزعوا فرد فزعة
وزهير وجون ماشالتهم الوسعة
انصار وبالعشگ طلعوا فرد طلعة
بحب احسين طاحوا عالارض صرعة

انصار وتشهــد ليهـــم .. هاي الدنيا
الحاضر يعرف ماضيهم .. هاي الدنيا
الصار وماصار
لحــسين انصار .. هـــــاي الــــدنيا
ــــــــــــــــــــــــــــــــــــــــــــــــــــ

الف شكرا قليلة والشكر الكم
زينب بت علي والزهرة تشكركم
انطيتوا ارواحكم والموت مطلبكم
صلى حسين يـم اجسامـكـم كلـكــم

نادكم يـهـل الغــيرة .. هاي الدنيا
ابلياكم وحشة الديرة .. هاي الدنيا
اعــظــم ثوار
لحسين انصار .. هـــــاي الـــــدنيا 


الشاعر فاروق الغنامي


مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55

كروب تلبية الطلبات
https://t.me/+EYMpn6BKE-IxYmZi Open / Comment

2023-07-24 23:40:13 #قصائد_انصار الحسين_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  ‏الله اختار السبعين
انصار بحب حسين
  .     
ــــــــــــــــــــــــــــــــــــــــــــــــــــــــ
هم ســــولفولك علصار
عبـــــــــاس نار تجر نار
نار الخـــــــيم نار فراگ
ونار الــحبل كلها طباگ

عباس دفانك وصل گبل الدفن ماحاجاك
ماكلك ام عون نسبت وتمنت تموت وياك
مربيتك تحن للربه موسهلا تحمل فركاك
جابت درب كلش صعب مافكرت لن بحماك

وضلت وحيده برجواك
ويـــــست ماصح ملكاك
حرمه وغــــريبه وتحتار
عـــــــــــباس نار تجر نار

كالولك اختك من مشت بلعين هيه تباريك
ولو يصح يتبدل عمر جا من عمرها وتطيك
موهينه تمشي ميسره وفوك التراب تخليك
انته الجنت مثل الكمر مهيوبه لو مر طاريك

هــــــيبته عباس وراح
محد وصـل يمك صاح
لا عـــدها خيمه ولا دار
عبــــــــاس نار تجر نار

نار الخيم تجوي الجدم ونار الفراك تهد حيل
ماسولفولك شيبت من الدمع طول اليل
البجاله جنت مدلله بي تعثر گبالي الخيل
من دهري مو شفت الحزن لا والله راواني الويل

وياي المــــــصايب ودور
من عدي هل راح السور
ومتـــــحيره بطفال زغار
عـــــــــــباس نار تجر نار

نار الوداع اعظم درس بي ينكسر كل خاطر
للعايف اهله بلادفن ومجبور كون يـسافر
يحتار يمشي ويلتفت علجثه لو علحافر
ماكلك انه تحيرت بيادار اصبح باجـــــر

تحــــــــــيرت من دنياي
وداع الخو الفت حشاي
ولاظـــــــلت ويانه نصار
عبــــــــــاس نار تجر نار

عباس ينار الحبل تجوي الگلب وتـــــحركه
شدونه كل احنه سوه اليعثر الخيل تســــــحكه
وليبجي من عدنه  الشمر بلسوط يركض طكه
خلصنه كل درب السبي بس بلمناحه وشــــــــهكه

ماســـولفت هنه هواي
غير الظـمه الفت جلاي
شــــختار منهن شختار
عبـــــــــاس نار تجر نار


ابو سلام الجابري


مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55

كروب تلبية الطلبات
https://t.me/+EYMpn6BKE-IxYmZi Open / Comment

2023-07-24 23:39:39 #قصائد_اولاد  مسلم_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  ‏اولااد ازغار
  .     
ــــــــــــــــــــــــــــــــــــــــــــــــــــــــ
قصيدة ( اولاد مسلم بن عقيل ع)
محرم الحرام. 1445.. بعد حرك الخيام بدأت الطفله حميده ع. تتفقد اخوانها..



بالمغربيه  وضَيعت  أثرهم

بجاه الحُسين وتستمع خبرهم

قصة ذَبح  جديده_ شافت هظم حميده 

"""""""""""""""""""""""""""""""""""""""

فاكده خوانها ""  والذبح عنوانها

             تنشد عليهم

بالصحاري وهيمه""مابقت كل خيمه

            ماتدري بيهم


النار وصلت للخيم ماترحم النار

اولاد مسلم والهظيمه جانو ازغار



من يوم عاشر مانشف دمعها

فوك العطش ذاكَ اليتم جرحها

وبكربله وحيده_ شافت هظم حميده

"""""""""""""""""""""""""""""""""""""

والحزن ماذيها  ""  تركض برجليها

               تلطم الراس

بالجثث تتعثر ""   طفله لا ماتكدر   

              تنخه عباس



تكله ياعباس عمي كوم وياي

اني بت مسلم حميده تايه الراي



الراح غالي  ومايرد كل غالي

واليفكد اعزازه دمعته تلالي


عن الاهل بعيده _ شافت هظم حميده

"""""""""""""""""""""""""""""""""""""""""

ابد  لتانيهم   ""  مايرد  طاريهم

             جرح عاشور

والمنيه أخذتهم  "" لحظه ما عافتهم

               جنهم أبدوّر



الموت اخذ  منج أبو لعيون الحسين

اليوم جاي وياخذ اخوانج ذَبحين


دمعج كتب نشيده_  شافت هظم حميده

""""""""""""""""""""""""""""""""""""""""


الله كان بعونج  "" راح  تعمه عيونج

              من  تَونيّن
               
الطف مصايب جرحه ""  صعب كلش شَرحه

             شلون تنسين



بعد  عندج هم مصيبه دهرج شضام

عالهزل انتي  سبيه  طفله بالشام


وين الابو تريده _ شافت هظم حميده

""""""""""""""""""""""""""""""""""""""""

بالغرب دفنوهم ""  كل موالي يزورهم

             يوم  المصاب


رايه فوك المرقد ""  حضره الهم تشهد

             نسل الاطياب



ثلاثه والعشرين من ذي الحجة المصاب

والمواكب باللطم توكف عل الباب


هالفكره بالقصيده _ شافت هظم حميده

""""""""""""""""""""""""""""""""""""""""""

الخادم _ ابو فدك الشامي


مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55

كروب تلبية الطلبات
https://t.me/+EYMpn6BKE-IxYmZi Open / Comment

2023-07-24 23:27:48 #قصائد_اولاد  مسلم_محرم_١٤٤٥_هـ #مـۄسسـﮫ_مــﻥــبـريۄن_للالـﺢــان الناشر.احمد.الـــزوار.cc   ‏اولااد ازغار   .      ــــــــــــــــــــــــــــــــــــــــــــــــــــــــ ضايعين بين السيوف اوهواهه ضايعين بدنيه ما ترحم شجاهه زغار والمنحر… Open / Comment

2023-07-24 23:27:48 #قصائد_اولاد  مسلم_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  ‏اولااد ازغار
  .     
ــــــــــــــــــــــــــــــــــــــــــــــــــــــــ
ضايعين بين السيوف اوهواهه
ضايعين بدنيه ما ترحم شجاهه
زغار والمنحر ترف اولاد مسلم ننعرف
ضايعين ضايعين
**
نفس ابونة قصة عشنة سولف اعليهه النحر
اليل بينة من يجينة يجيب ويا كل خطر
نمشي گوه وحيل نخوه والدمع صب جن مطر
ضعنة صدفة نخاف نغفة خاف ميضل كل اثر
والشمس شافتنه والحر استحه
والضمير البلشمس فز اوصحه
تجوي چانت بينه حته لو ضحه
دارت اعلينة الدواير چل رحه
تهنة والضاع ابتلة صرنه قصة ابكربلة
ضايعين زغار ماتندل خطاهه
*
لهفه بينه شگد بچينة الحيرة مرسومة رسم
الكل عرفنة من شرفنة اولاد مسلم هل اسم
الديره طلعت النه جمعت وشددو كل الحزم
وحنه سكتة وماعرفتة الموت للخايف سلم
بلا ذنب مجبور نحري ينذبح
واليبوك ابليل ميريد الصبح
الماي بخت الگاع تهوا الفلح
عد اهلنه الزادنه احنه الملح
وهسه حيرتنة دمع الخوف والهم ينجمع
ضايعين بدنية متغشية سماهه
*
تهنه غربة بدنية صعبة والغريب بنفسه حيرة
وين اصدن بظيمي اعدن والمصيبةشگد چبيرة
بهيده ندبي وساعه نحبي بناس شفناهه زغيرة
اودورونة بس لگونة وصرنة للظالم اسيرة
وحنه كلمن خوية گال بدمعتة
ندري بل ماخذنة نعرف غايتة
گبل لا ينطق ونسمع چلمتة
بعينة مفضوحة ونشاهد رادتة
امهلنة نتوادع صحت بحضني اخوي اتعودت
ضايعين وعود اذبحني وراهه
****
الموت اسمعه وهذه طبعه بهيده لو رايد يجي
القدر يمشي وشفنةكلشي وبينةمجروح الحجي
وين اهلنة ضاع املنة ونحس مخنوك البجي
نميل صرنة من قهرنة وبعد ياهو نرتجي
شكوت ايتام وتدك باب السمة
وراح نصبغ سيف والگاع بدمة
الوادم شبيهه وعلينه محزمة
هذه حدنه اوياهه بانت خاتمة
ودعينة اخر نفس طير مذبوح اورفس
ضايعين بدنية مابيهه نفاهه
****
بهلمأسي وزمن قاسي الموت حضر روحةالي
البيده طحنة ما رحمنة بسيفة بلوه نبتلي
بهم عثرنة وي صبرنة اليله احنه ننولي
الخوف حادي من ينادي نرجف وصحنة علي
اليله اخر ليله بسنين العمر
راح تطفه اگلوبنة انودع الجمر
ويه الدمه من النحر طاح الصبر
صرنه للدين الضحايه وهم نذر
الموت نتلگا عرف بارد انحسه ترف
ضايعين ارواحنة الباري لگاهه
*
ابو حيدر الصبيحاوي



الناشر عباس التميمي:
اسم القناة واسم الشاعر ذمه لمن ينقل للگروبات

قصائد حسينيه مكتوبه لمجموعة من الشعراء اضغط هنا

h


مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55

كروب تلبية الطلبات
https://t.me/+EYMpn6BKE-IxYmZi Open / Comment

2023-06-10 18:06:37 #قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

اردود اجه عاشور الحزن والهم وعيني للمصيبه تجري الدمع وي دم

ــــــــــــــــــــــــــــــــــــــــــــــــــــــــ


قصيده بحق القاسم ع
( اكتب روايه )

بـهـاي الـنهـايه .. اكـتب روايه
زفه وعرس وشموع
صـارن الم وادموع
اكـتب روايه .. اكـتب روايه
****

بحسباتي يبعد امك
عـرس ينتظـرك وزفه
مو للحومه ياجسام
ازف ارسومك الترفه
الحزن مافارگ عيوني
الفرح يايمه ماعـرفه
هـذا اخـر وداع اويـاك
الجيتك ابقـى متلهفه

رحـت امنديه .. ومبـعد عليه
زفه وعرس وشموع
صـارن ألـم وادموع
أكـتب روايه .. أكـتب روايه
*

حياتي شتسوه من دونك
ضعت وايامي ماتسوه
بالـخيمـه أگـعـدت وحدي
وذكرت ايامــك الحلـوه
قبل لاشوفن الجسمـك
يجاسم عندي هل رجوه
يريت انا المتت قبلك
واروحن يمـه الك فـدوه

يوليدي تدري .. ماريده عمري
زفه وعرس وشموع
صـارن ألـم ودمـوع
أكـتب روايه .. أكـتب روايه
*

ألام مـن غير ابنها تموت
وانه الميته بدون ابني
ويـن الـفـاگـدات اولاد
خـل وحـده تـسـاعـدني
الزمن مني اخذ غالي
ابيـش وشنـهـي طـالبني
ربيت وسهرت اللـيـل
اتـعـبـت وارباه تعـبـنـي

بالطف غريبه .. راح شيجيبه
زفه وعرس وشموع
صـارن الـم ودمـوع
أكتب روايه .. اكـتب روايه
**

مـتـوذر بـقـى عـالـگـاع
وثـوبه الابيض امـدمـه
عمته تصيح ياجاسم
وأمــه تـصيـح يايـمـه
تمنيت الحسن حاضر
يـشيـله الصـدره ويضـمه
ويزفـه برايـة الـعبـاس
ويزفه الدار ابـو الـيمـه

هيمه امنياتي .. وحزني المماتي
زفه وعرس وشموع
صـارن الـم وادمـوع
اكـتب روايه .. اكـتب روايه
***

خـذاك الـمـوت يوليدي
وخذوني اميسره للشام
طـويله ومتعبه السفـره
اوسف مسـبيـه ياجسام
يـقـرأن الـگلـب يـبنـي
جـفـنـي لا هـدا ولانـام
تلوذ اجروحي بالمحمل
ونظرات الشماته اسهام

وينك يغالي .. وحشه الليالي
زفه وعرس وشموع
صـارن الـم وادمـوع
اكـتب روايه .. اكـتب روايه
**

مثل ماي وتبدى الماي
وطفن شماعتك وعمرك
مـاشـافـن اثــر حـنـه
اخيول الداسن الصدرك
مـن اهنا بـدت قصتي
بدماك الطاهره وهجرك
ولاربـعـك اجـو زفـوك
بس السيف حز نحرك

الحزوا وريدك .. ماشافوا ايدك
زفه وعرس وشموع
صـارن الـم ودمـوع
اكـتب روايه .. اكـتب روايه
**

حلم مايشبه الاحلام
بالحومه شفت كلشي
يخلونك على التربان
وانا اويه الضعن امشي
راسـك يـبره لعـيوني
اوي راسك طلع نعشي
يـسـولفلك على الـبيـه
ومن الفرگه بس يبچي

يايمه بيتك .. شو ما لگيتك
زفه وعرس وشموع
صـارن الـم وادمـوع
اكـتب روايه .. اكـتب روايه


الشاعر فاروق الغنامي

قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

كروب الالحان رقم 1
https://t.me/joinchat/Dw92Dj9pmspR5uHfACGjlA

كروب الالحان رقم 2
https://t.me/joinchat/Dw92DkJZ4tvb4YIzJWBWrg Open / Comment