1.مؤسسة منبريون الحسينية🧿

2023-04-19 01:33:15 #قصائد_البقيع_1444_هـ Open / Comment

2023-04-19 01:32:28 #قصائد_استشهاد_الامام_علي_عليه_السلام_ #مـۄسسـﮫ_مــﻥــبـريۄن_للالـﺢــان الناشر.احمد.الـــزوار.cc تهدمت والله اركان الهدى ــــــــــــــــــــــــــــــــــــــــــــــــــــــــ عندما قرب الاجل لامير المؤمنين ع طلب من الحاضرين الخروج والبقاء لولد… Open / Comment

2023-04-19 01:32:28 #قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




تهدمت والله اركان الهدى
ــــــــــــــــــــــــــــــــــــــــــــــــــــــــ
عندما قرب الاجل لامير المؤمنين ع طلب من الحاضرين الخروج والبقاء لولد فاطمه ع فخرجوا وقام العباس ع معهم فقال له امير المؤمنين ع


وين  رايح/انت مضمون الوصيه
وين  رايح/يانظر عين الزچيه
      انت نفس حسينها
      يابو فاضل عينها
      +++++++++
ياكتله امن الاحساس/ماقصدك يعباس/
يبو الرايه.بالحچايه.اقصد تطلع الناس

طالع يالگمر وين/يهدل ظهر الاحسين/
اعز غالي.عله اعيالي.وانت الفاطمه العين

تعال ارجع عيون حسين بچتافك تصيح ارجع
اول ماگمت عباس زينب هلت المدمع
مو من جرحي من ونيت الحالت زينب اتوجع

كون تدري/اشوصت الزهره بچفوفك
كون تدري/ماتت وتتمنه شوفك
      اسرار بينك بينها
     يابو فاضل عينها
     ****
غالي بروحتك هاي/تسمع ارجع اهواي/
امن الخيمه. ينادونك.ارجعك واترك الماي

لرجع تفرق اهناك/سكنه بطاسه تتناك/
يتعثر .يجي حسينك.يمتد يبني وياك

يل كلشي انته ذاك اليوم يطيح بوگعتك كلشي
عاين جرحي راسك هيچ والدم جامد برمشي
بس انه امن اجاني حسين مو محني وگدر يمشي

ومو غريبه/هسه زينب لو عفتها
ومو غريبه/اهناك تذكرني بوكتها
      امدلـله  امركضينها
      يابو فاضل عينها
      +++++++++++
ابدي اوصيَتي بيك/واولهم احاچيك/
ثگيله وانت گد الها امانه رايد انطيك

خدر اختك تحاميه/بعيونك تخليه/
حد ما بالسهم عينك يسر ودروبه تمشيه

تعال اگبالي ياعباس ارفع عينك ابعيني
چف ام الخدر ييدك لزمه وچلمه تنطيني
حد ما توگع الچفين يحترگن صواويني

انه يمها/ليلة الوحشه امن اجيها
انه يمها /ياكل بروحي حجيها
      حرگو اصواوينها
      يابو فاضل عينها
      +++++++++++
كلما الها صديت/زينب منها ونيت/
يوحشتها.يضل خالي.لام لا ابو البيت
باچر تطلع الروح/اختك تبقى للنوح/
عن اعظم.جرح بالطف.احچي وكلشي مسموح

شوفت عينك المجروح الجرحه مابقت چاره
لعياله يدير العين ويكشف بالحچي اسراره
بالطف لا اخو الحمّاي وبعيلتها محتاره

كلها يمك/غربة ارقيه وضماها
كلها يمك/التركض وسوط بگفاها
       ابسطره لمأذينها
      يابو فاضل عينها
     +++++++++
باقي كلمه تنگال/انه بنعشي انشال/
تشيعوني وتدفنوني ولا ابقى اعله لرمال

تدفنوني وتردون/گلي بزينب شلون
يم اختك يبو فاضل عليه لاتنوحون

يبني اعرف شعورك زين ترى فگد الابو يكتل
انته لو بچو عباس دمعه اعليه لاتهمل
تحسب زينب الف حساب من تسمع بچيك ايحل

لاتسمعك/اخفي عن زينب ونينك
لاتسمعك/احضن الحره بيمنك
       انحرح بونينها
      يابو فاضل عينها


ثائر الربيعي Open / Comment

2023-04-19 01:30:38 #قصائد_استشهاد_الامام_الحسين_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




تهدمت والله اركان الهدى
ــــــــــــــــــــــــــــــــــــــــــــــــــــــــ

صيام مولاتي الرباب. ع

صايمات/ونحچي بيك آنه وسكِينه
صايمات/و أذّن المغـرب عليـنه
       الليل يا عبد الله حال
       افطـر اويانـه تعال
صايمات
        +++++++++
هل يوليدي شهر الصوم والوادم تصومه ابعِز
هسّه جروحي مو بالليل گامت بالنهار اتفـز
وحرورة عطش لحسين الظهاري بنحري تبقى تحز
واتمايل مثل كاروك خالي وريح حزني اتهز

اهواي مات/من قبل گطعت وريده
اهواي مات/حسين ذبحوك اعله ايده
       اصيامكم يا يمه طال
       افطر اويانه تعال
صايمات
        ++++++++
اعيش اويالعطش الآم ضامي بنبله يتروه
الظهر وسكينه تلگاني اعله عتبة بابي اتلوه
جوّه اتفضلي واتگول بيتچ ماكو بي جوه
لسه ابلا سگف چم دوب الصوم بحالچ شسوه

رايحات/اعيونچ ابمجره دمعها
رايحات/مثلي هم سكنه وضعها
       الخاطر اختك والدلال
      افطر اويانه تعال
صايمات
         +++++++++
دموعي امسحها بگماطك وكت اغروبي بيها افطر
يالبالطف نشفلك عود بلكي بدمعتي اتخضر
ما گول اعطش اعله الماي. الماي ابّالي مايخطر
ضامي حضني لمناغاك لو نسمة بروده اتمر

راويات/اجروحي بس ذبلانه عيني
راويات/وجسمي يتغذه بونيني
      من اون تال الليال
      افطر اويانه تعال
صايمات
        +++++++++
تفرش سفره من دموع سكنه وبيّه بس تقنع
رحمي بحالچ اتموتـين گـطع الزاد ماينفع
الخاطرها امد الايد وترجف خاليه ترجع
مستحيه تلوح الزاد اضل باليسره بيها ادفع

خايفات/چفوفي من الزاد الوحه
خايفات/الگلبي لو هاجت جروحه
       ليش عمري الهسه طال
        افطر اويانه تعال
صايمات
      +++++++++++
وادعيلك توالي الليل كافي ارجعلي يمدلل
تكتل بالسحر شوغات ليل الوحشه ذاك الحل
طلعتي بالظلام وخوف ادورك وين ما اندل
وره الخيمه وخيمنه ارماد عنك بالرماد اسأل

وين مات/وعطرك اشتمّه بسؤالي
وين مات/گبرك امن الگيته خالي
      ذاب جسمك بالرمال
     افطر اويانه تعال
صايمات
       +++++++++++
اصيام ويخلص بطرواك انه وسكنه من نگعد
ماتترسهن الچفين شهوره عمرك امن انعد
ياعبد الله جاي العيد ثياب الوادم اتجدد
واحنه ذكريات السوگ من طبينه لينه اترد

طابات/السوگ وحبال ابادينه
طابات/اتأشر الوادم علينه
     الخدري اذا عندك سؤال
     افطر اويانه تعال
صايمات

ثائر الربيعي

مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA Open / Comment

2023-04-18 02:45:24 #قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




تهدمت والله اركان الهدى
ــــــــــــــــــــــــــــــــــــــــــــــــــــــــ
لسان حال العقيلة

قصيدة : (فجر النوايب)
شهادة الامام علي (ع)
..............................



خُفه ذاك الفجر وشجايب اخبار
اخذ مني علي وريته إِلي اختار
وّي فَجة النور
حيدرنه مطبور

————————————-
————————————-

طلع فجر النوايب والملك صاح

هِوت كل الركائز والحمل طاح

گلت ربي دخيلك من هالصباح

أحس جايب منيه والأُبُو راح

آگليبي اليفور
حسيته مكسور
آشو فَجئه وأشاهد أظلم الدار
خُفه ذاك الفجر وشجايب اخبار


————————————-
————————————-


جِفل گلبي واناظر إِخوِتي ذوّل

يحملونه بحضنهم چنه مچتول

شفت لمن أجوني صدره مبلول

صُبغ دَمه لِحيته ودَمه عالطول

نص راسه محفور
و برگبته ايدور
من الألم ماينعرف اتغير اشصار
خُفه ذاك الفجر واشجايب اخبار


———————————-
———————————-

إِجت كل الأرامل وَّيه الأيتام

تنادي يا علي يا سيف الاسلام

عرفنه هالمسه من راعي اللثام

تره محد إجانه بهاي الأيام

يا نار الصدور
محنيه الِظهور
ويه الأرامل تننحب يابويه الزغار
خُفه ذاك الفجر و شجايب اخبار

———————————-
———————————-

علي بخير الليالي وادع الناس

حچه واخر كلامه وصه عباس

يخو زينب اريدك ترفع الراس

تره طفك يناطر وانته عفراس

يَوليدي منذور
للشده مذخور
لمن تطيح وتنذبح الحُره تحتار
خُفه ذاك الفجر وشجايب اخبار


———————————-
———————————-

اخذ كلشي برحيله الجفن شاب

علي ماريده عيدي وإِنتَ بِتراب

تره خلصت دنيتي والحجر ذاب

بقينه ابلايه فَيَک بين الِذياب

الراسه مَطبور
تاركني مَجبور
غفت عينه و تركنه و الدمع نار
خُفه ذاك الفجر وشجايب اخبار

———————————-
———————————-
أهدي ثواب وأجر هذا النص
الى روح والدتي رحمها الله
نسأل الله القبول
............
............

الشاعر : حيدر العمار الخزعلي

...........
.
.


مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA Open / Comment

2023-04-18 02:45:05 #قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




تهدمت والله اركان الهدى
ــــــــــــــــــــــــــــــــــــــــــــــــــــــــ
شلونه ابونه (زينب والحسين ) ع
 
جرحه ماطــاب الشفيه
شلونه ابونه بهالمسيه
***
الليله ثاني امن الجــرح واحزانه
وزينب اختـــــــك نادتك حيرانه
كلبي جانون وتشــــــــب نيرانه
يبو الاكبر انشــــــــــد وحيرانه
خويه يبن امي الزجيه    شلونه ابونه بهالمسيه
***
خويه يحســـين اسألك واحجيلي
اشلونه ابونه يابعــــد كل حيلي
من امس سهرانه وانعــــه بليلي
خايفه ويابويــــــه ابجي اويلي
دمعة اعيوني جريه     شلونه ابونه بهالمسيه
****
يالحنين وتدري  زينــــب خايفه
هيج جرح اغمـــــــيج لاماشايفه
اعيون ابوي الليله اشـوفن غافيه
ليش شالت منــــه جنهه العافيه
جنهه تتراوه المنيه       شلونه ابونه بهالمسيه
***
هم نشده يالحنــــــــــين اشلونه
ليش شو اصفـــــــر تغير لونه
ماكو طب وعجـــزو ايطيبونه
يموت يمنه خويــــــه واتخلونه
شنهو اسوي وشبديه      شلونه ابونه بهالمسيه
***
 
هاك اخذ انفاســـــــي لأجل انفاسه
وآنه بجفوفي الأ ضـــــــــمد راسه
وين شايل علــــــــــي عايف ناسه
ريجي مر وحزنــــــــي محد قاسه
كون جرحه ايدير ليه     شلونه ابونه بهالمسيه
***
 
من انشدك ليش تجـــــري ادموعك
وجني احسن نار حــــدر اضلوعك
وأمر جرحه صواب حيل ايروعك
وزفره من الريه جمــــره ا تلوعك
تشرح اسوالف عزيه     شلونه ابونه بهالمسيه
***
 أبو علي الركابي


مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA Open / Comment

2023-04-18 02:44:48 #قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




تهدمت والله اركان الهدى
ــــــــــــــــــــــــــــــــــــــــــــــــــــــــخضب الدم شيبتك والهامه ..
وودّع وياك الفقير أحلامه ..
بمحراب حيدر فاجعه .. التربه بالدم ناكعه
يا أميري ياعلي .. يا أميري ياعلي
................................
ساعة الناده المؤذن صوت حي على الفلاح ..
شد حيازيمه وتعنه حيدر لمحرابه راح ..
راكع وسيف المرادي بالغدر دمه أستباح ..
وسفه قالع باب خيبر حيدر على التربه طاح..
بهالمصيبه وما ضعف أيمانه ..
يلفظ بأسم الجلاله لسانه ..
والحسن هل مدمعه .. التربه بالدم ناكعه
ياأميري ياعلي .. ياأميري ياعلي
..................................
اليوم أركان الهدايه أنهدمت بسيف الغدر ..
وحزنت الكعبه على أبنهه بطل صفين وبدر ..
شمس غابت بس ضواها ظل يضّوي بكل كتر ..
وبقت دمعات اليتيم التنتظر جفك يمر ..
خلاف جفك ياعلي الممدوده ..
ياهو يمسح دمعته من أخدوده ..
دموعه صارت مشرعه .. التربه بالدم ناكعه
يا أميري ياعلي .. يا أميري ياعلي
..................................
مصابك الينزف حميه مانفع بيه الضماد ..
الدنيه غركانه بدمعهه ولبست هدوم السواد ..
االسمه وكل الكواكب تعلن عليك الحداد ..
راح قرآن الهدايه وظلت تنوح العباد ..
انت رديت الشمس بجفوفك ..
الكون كله يشهد بمعروفك ..
الدنيه عكبك ضايعه.. التربه بالدم ناكعه
ياأميري ياعلي .. ياأميري ياعلي
...............................
حتى بيبان اليتامه تضوك من أيدك شهد ..
تعرف الجف اليدكهه أبد ماتنساهه أبد ..
عاليتيم أشكد حنين وبالحرب مثل الأسد ..
وأبد متفارك لسانك قل هو الله أحد ..
علي بأسمك تلهج المعموره ..
طاهه وضّح بيده هاي الصوره ..
بالغدير وبايعه .. التربه بالدم ناكعه
يا أميري ياعلي ..يا أميري ياعلي
................................
علي ماكمّل صيامه وسافر الجنة عدن ..
يساعد الله عالمصيبه قلب مولاي الحسن ..
زينب وأم البنين بدمع من دم من بجن ..
والحسين يهل دمعته رادك ليوم المحن ..
والحسين بكلبه ناصب فاتحه ..
وكل يتيم عيونه ظلت شابحه ..
حلم حيدر ودعه .. التربه بالدم ناكعه
يا أميري ياعلي .. يا أميري ياعلي
...................................
بالركوع انطه زكاته والفقير يمدله أيد ..
صايم بمحرابه تنزف هامته بدم الوريد ..
صار رمضانه محرم والمرادي جن يزيد ..
وصارت الدنيه سبيه وشاخت الجانت عبيد ..
صارت بكل بقعه شام وكوفه ..
سافر التمطر حنان أجفوفه ..
الحجر بفراكه نعه .. التربه بالدم ناكعه
يا أميري ياعلي .. ياأميري ياعلي
.................................
حيدر مطر العبادي



مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA Open / Comment

2023-04-17 01:50:40 #قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




تهدمت والله اركان الهدى
ــــــــــــــــــــــــــــــــــــــــــــــــــــــــ
أذتني اجـــــروح البين     بمصابك يابو حســـين
خنكَه الانفاس بريــــتي      شالت بعدك عافــيتي
     راح اكضي الدنيه اونين    بمصابك يابو حســـين   
****
ضاك النفس واختنكت الريه اليوم
والدنيه احسهه تمطر اعليه اهموم
حيلي ابمصابك يابو زينب مهدوم
والعين تجري وي مدامعهه ادموم
ماصدك هذا الحال     حيدر بجنازه انشال
صعبه الدنيه ابلا خيمه   جني ابلا والي ابهيمه
ماتنشف تبجي العين     بمصابك يابو حسين
***
يابعد حيلـي بويه يابعـــــــــد الروح
ناوي النجف ياحـيدر وناوي اتروح
تعلم بكَلبي  يالحنــــــــين المجروح
من هسه ينزف على افراكك مذبوح
روحي اتون من فركاك    احسبهه اتموت اوياك
بترابك بويه ادفنهه    وزينب يمك جفنهه
بجبدي استعرت نارين    بمصابك يابو حسين
***
رجفت احسنهه حدر جدمي الكاع
اظلم نهاري وماتـت احلامي ابساع
كلشي بعيونـــــــــي يابويه  وضاع
من اسمعت يازينب الليلـــــه اوداع
تدريبه اشصار اوياي       فوكي انطبكت دنياي
مسبيه وجني بصحره     مجتوفه بهم وعبره
زينب ماتت مرتين     بمصابك يابو حسين
***
عيني صور من هســه يابويه اتشوف
ضاكَت عليه الوســـعه يتراوه الخوف
جن زندي فوك الناَكه دامي ومجتوف
وحتى الكمر جني اصدلـه ابله اجفوف
نيران وجيش وموت   واموات ابلا تابوت
اجسام انظر مدميه     وايتام اتون مسبيه
شلون اصبر ذاك الحين     بمصابك يابو حسين
***
من هسه اشوف النار وسط اخيامي
ومن هسه اشوف جم  جرح جدامي
ذيج الشـــــريعه وذاك ابنك ضامي
وذاك العزيز ابلا عمامــــه ودامي
تتراوى ادموم ونار      وايتامي ازغار اكبار
عطشانه اتصيح وتبجي    والياصوب إلمن تشجي
ضيمي وداير صوبين    بمصابك يابو حسين
***
 
 
 أبو علي الركابي


مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA Open / Comment

2023-04-17 01:50:20 #قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




تهدمت والله اركان الهدى
ــــــــــــــــــــــــــــــــــــــــــــــــــــــــ


قصيده لأستشهاد امير المؤمنين
الأمـــام عـــلي ابــن ابي طالب
عــليـــــه الـــصـــلاة والســـلام

تخاف العقيله
ـــــــــــــــــــــــ••❃••ـــــــــــــــــــــــ

تخاف العقيلـــه .. ودمعها تسيلـــــه
اذا يمشـي عنهــا .. رحلته طويلــــــه
اعله فگد الغوالي .. تنـــوح اليالـــــي

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ

يغالين الجرح بيــه ويعذبنـــي
عزيز يروح من ايدي ويودعني
يليلي الراح مايرجع تسَمعنــي
ابوي الچان خيمه بظله ايلمني

غدرهم يصيبه .. وتظل الحبيبه
تون بحزنهــــا .. ودمعها تسيله

ودمــــعـهـــــا تـــسيــلـــه
ـــــــــــــــــــــــ••❃••ـــــــــــــــــــــــ

يروحون وتظل دمعاتي سجابــه
شيصبر كلبي لمــن فارك احبابــه
جرح بعد الغوالي وينزف صوابه
يظل ليله ينوح بيمــه يـــا يابـــه

يهدولي حيلي .. ويعذبني ليلي
تكسر غصنهــا .. ودمعها تسيله

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ

يچلمات المحنه الرحتي من عندي
فگدتك يـــاحنان وعمري متبــــدي
بس چلمات الشماته تجيب وتودي
صعب وصفك يحالي منين ما ابدي

بعد جدي امي .. كثر بيه همــي
تفارگ حظنهـا .. ودمعها تسيله

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ

يهناس الگلب مايحمل اي فـــراگ
تعرفون البعد قاسي الهجر حراگ
المفارگ محب يبقه عــمر مشتاگ
صعب حلم اليتامه منهم ويــنباگ

يبويه اليتامه .. دعت بالسلامه
تضيع بوطنها .. ودمها تسيلـــه

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ

تخليني ودمعتي اعله الوجن تجري
وگـمت اتمنــه بعـدك لاطــول عمري
اريدنه گبل گبرك يبويه ينحفر گبري
الزمن قاسي برحيلك ينكسر ضهري

اريدنه موتي .. وتسمعونه صوتي
تمنت دفنهــا .. ودمعــها تسيلــــه

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ

اشوفه گبالي والطبره بوسط راسه
واجت يمـــه تنوح اليله كــل ناسـه
وانــه بأذني اسمعــه يوصي عباسه
يگلــه اختك امانـــه بأخـــر انفاسه

يوصي بكفيلي .. ويرد يشتكيلي
يون اعله ونهـا .. ودمعها تسيلــه

ودمــــعـهـــــا تـــسيــلـــه

ـــــــــــــــــــــــ••❃••ـــــــــــــــــــــــ


عباس فاضل الشمري
مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA Open / Comment

2023-04-17 01:49:34 بصوت. مسلم المطيري

صار اظلم البيت هاي المسيه

كلمات الشاعر
ابو علي الركابي Open / Comment