2023-04-20 22:31:00
#قصائد_البقيع
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.c
الســلام علــى جنة البقــيع
ـــــــــــــــــــــــــــــــــــــــــــــــــــــــ
بعيون المـــــهدي لمن يــبـدي بثاراته باچر
نبــــــــنيها بأمره أجمل حضره بثمن مناير
ويسمونه شيــعي
هالصحن البقـيعي..يا روعة جماله
.......................
إذا شاء الله بالطـــافه الســــماويّه
بظهوره خاتم العــــــــتره الأماميّه
يبني المهدي بانفاسه الحُــــسينيّه
صحن سٙمّاه بالحــــضره البقيعيه
يرفــــع أركـانه و كل بنيانه هيكل سمائي
الباب أيسويها يطعُّم بيها دُر كـــــــربلائي
متساوي بـــيقيني
بالصحن الحسيني...بهندسته و كماله
......................
قـناديله الصحن بيها الزمن ضاوي
أٙذان المهدي بالحضره يـظل داوي
بأسم عباس يروي الماي كل راوي
الذهب عالگُبه بالنوعيّه كــظماوي
يدخــل للــحـائر دمعه الزاير بعــيونه هايج
صاح بهالمـشهد يشبه مــرقد باب الحـوايج
يشـــبه بأعــتقادي
لصحن الجــــوادي...بجنوبه و شماله
......................
على باب البقيع أحني امن اطب راسي
عـــطر أربع قـــــبور ايـــــــعطر أنفاسي
ســــــاقي يم نهر يتخـــــايل أحساسي
المهدي يصيح هذه الســــــاقي عباسي
و يوزع مايه راعي الـرايه وحامي المخيّم
وشوال ابهٙمّه اتغٙيير أسمٙه أصــبح محــرم
الغرقد و بحداده
عاشوري سـواده...من طفّ الأصاله
..........................
نُدبه كل گــــــــــلب هاللــــيله ناداهه
شــــــــــكراً للذي هالجـــنّه ســــوّاهه
عله الأربع أئمه العــــــــــــين مجراهه
الزياره الـــجامعه وي المـهدي نقراهه
وبذيچ الحضره نســـمع حسره بصوت الزچيه
وهالطفله التحضن منـحر ألمن گــــــــالو رقيّه
تنحب عـــــالأئمـه
و بـچفها تـــــلزمه....چف تاج البساله
.........................
قريب ان شا الله ويتــحقق الــمــطلوب
يرجع يوســــــف ويرجع حلم يعـــگوب
نشوف المهدي عٙنّه ما يظل مــــحجوب
الحبيب يطيب جرحه بشوفة المحبوب
نتعــــــــنه لـ بابه و كل احبــابه تبدي إعطــاعه
يرفعها اچفوفه و بينه انشوفه ايصلي جمــــاعه
و تصير الوطيّه
دوله مهــــدويّه...للمهدي و رجاله
الشاعر حاتم صبري الكاظمي
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
كروب الالحان رقم 1
https://t.me/+seH5Q_Y3xPw2NzIy
كروب الالحان رقم 2
https://t.me/+eAjWA-W1XTk5MmYy
333 views19:31
1
