2023-05-20 13:33:32
#قصائد_شهر_محرم_الحرام_١٤٤٤_هـ
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.c
عٌلَى أّلَدِنِيِّأّ أّلَعٌفِّهِ مَنِ بِعٌدِ آلآمـآمـين
مَنِ بِعٌدِ عٌبِأَّّس خَوِيِّ وِأّبِنِ أّمَيِّ أّلَحٌَّسيِّنِ
ـــــــــــــــــــــــــــــــــــــــــــــ
#فاطمة_العليلة ع
ظلت ذكرياتك تارسه البيت
جت ليه النوايب وانته ماجيت
كلت مسافر وهم ترجع ابيوم
من يوم الرحت ومجافيه النوم
بويه .. بويه
. . . . . . . . . . . .
من يوم الرحت عني اصبر الروح ساعه و رد
ومن ساعتها ظل مفتوح باب الجفن ما ينسد
ادخل حجرتك والنار تشب ابروحي ما تخمد
بنتك مو نبي ابراهيم اكلها (برداً) وتبرد
ادخل حجرتك وكليبي موجوع
بمحرابك اصلي فرض الدموع
وبموضع سجودك جرحي ملجوم
من يوم الرحت ومجافيه النوم
بويه .. بويه
. . . . . . . . . . . . . . . .
بقت بس ذكريات وياي الماضي الظل الي سلوه
عليله واشهك انفاسي من احجاياتك الحلوه
اذبلت من ساعة التوديع بأمل ملكاك اتروه
متت لمن ضعنكم سار الميت ما يصحله ادوه
بس جسمي يبويه باقي بالدار
كل لحظه ابغيابك يشتعل نار
دلالي طفل واعليك مفطوم
من يوم الرحت ومجافيه النوم
بويه .. بويه
. . . . . . . . . . . . .
بغيابك يشتعل جسمي ابنار افراكك اتجوه
وتوجه ابمتن همي وانكل جدمي بالكوه
بحجرتك اشبع امدارات وضحكتي ابحجرة الخوه
يراسم ضحكتي . امن اتغيب الدنيا بعيني ما تسوه
دنيا ابلا ابو ما تسوه فلسين
شحال العدها والد مثل الحسين
ماتت بسمتي والكلب مالوم
من يوم الرحت ومجافيه النوم
بويه .. بويه
. . . . . . . . . . . . . . . . . .
عشت بين الامس واليوم اناطر جيّت احبابي
وصرت كلما يهز بابي الهوى حسبالي غيّابي
بكثر ما تانيه اعله الباب مل من وكفتي بابي
وانه اللي متانيه وما مل وكفتي ونبرة اعتابي
بويه السهر تعرف ياكل الحيل
ولحالي استمع ظل ينحب الليل
كل ليل اليمر بالدمعه محسوم
من يوم الرحت ومجافيه النوم
بويه .. بويه
. . . . . . . . . . . . . . . . . . . .
وي صوت الأذان اركض عالمصلايه باللهفه
وافرشها واتاني ايمر اعله راسي والدي ابجفه
واتذكرك عني امشيت وعلتي تزيد ما تشفه
ودموعي تغسل المحراب يامن غيبتك كلفه
كلبي وخافقي والعين والروح
حسره ولوعه والدمعات وجروح
ياجرحي الذي امن ادواه محروم
من يوم الرحت ومجافيه النوم
بويه .. بويه
. . . . . . . . . . . . . . . . . . .
جرح يبره وجرح ينشل وجرح مرات ابد ميطيب
وكلما احس ما ترجع احس الروح عني تغيب
اغمض. لحظه من الطف مهوله اتمرني راسي يشيب
الله يعين عمتي شلون تشوفك عالتراب اسليب
يعين الله رقيه الشافت الراس
والله يعينك ابطيحة العباس
ظهرك ينكسر وتطيح متكوم
من يوم الرحت ومجافيه النوم
بويه .. بويه
. . . . . . . . . . . . . . . . . . . .
خادم أهل البيت عليهم السلام
عمار العيساوي الكربلائي
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
____
ـــــــــــــــــــــــــــــــــــــــــــــــــــــــ
مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
245 views10:33
1
