2022-08-30 21:09:51
#قصائد_لستشهد_السدة_رقية_ع_١٤٤٤_هـ
#مـۄسسـﮫ_مــﻥــبـريۄن_للالـﺢــان
#الناشر_احمد_الـــزوار_c
طفله رقية شكد عذبوها
سكتوها بطشت من رادت الابوها
ـــــــــــــــــــــــــــــــــــــــــــــ
يا رقيه
هم يرجع المذبوح..واترد الايام
واتلاگه انه اوياه..يا عمه بالشام
واگبالي كون الگاه
واتشابگ انه اوياه
واترد الايام
......................
يا عمه الميت هم ايرد*
شلون الداسوه يگدر يگعد*
شفته اعله الگاع ويتگلب*
امن الحافر ما يگدر يبعد*
أنه ابوي الخيل داست فوگ ظهره*
شما يلم روحه ترد هيه وتطشره*
ياما حاول يوگف وطاح اعله صدره*
الخيل چانت من دماه رجليهه حمره*
من گلي الله وياچ..يا بعد العيون
حاچيته هم اتعود..بيا حاله واشلون
دمعي اشكثر اذاه
واتشابگ انه اوياه
واترد الايام
........................
يگولون الحافر من يسحگ*
من ثگله الواحد بس يشهگ*
وايوشل كل حيل ابجسمه*
ومن يتنفس بالدم يشرگ*
اباب خيمتنه چنت انه اصطبيله*
ضامي ابوي وخيلهم كلش ثگيله*
داسن الحد ما بعد وشلّن حيله*
عشره واهوه الوحده محد يشيله*
فرحانه ذيچ الناس..من ينوجع چان
وايگلهم ابهالحال..يا ناس عطشان
ولا واحد الرواه
واتشابگ انه وياه
واترد الايام
.........................
واتلاگت عيني ويعيونه*
وشفت اشلون اهمه ايعذبونه*
واحد واگف يمّه ويضحك*
يأشر ما بعد اتشوفونه*
سهم گلبه امن الظهر حاول يطلعه*
بچعب رمحه اشما وگف واحد يدفعه*
طاح ابوي الخيمته ياهو اليرجعه*
وانه افرفح بالخيم واسمعت ضلعه*
شال ايده چن ايگول..بويه الله وياچ
واعيونه تحچي ادموع..بالخربه الگاچ
وبعيوني اترجاه
واتشابگ انه اوياه
واترد الايام
...........................
شالو راسه وتدمع عينه*
خلصو منّه وردو لينه*
واركضنه وما نعرف المن*
لا والد لا عم يحمينه*
وحده تحمي ابوحده لمن من ركضنه*
فرهدونه وكلشي ما ضل بعد عدنه*
لا علي ولا ابو علي ولا من خيمنه*
وصار يضحك كلمن ابسوطه يطگنه*
وامشينه فوگ النوگ..تذبحنه شمات
واحد يگول حسين..شابع ضمه ومات
كسرو اله مگفاه
واتشابگ انه وياه
واترد الايام
...........................
اتذكر گال الكم ارجع*
تمنيت ايرد يا عمه اسمع*
وبيه اترس عيني وما ارمش*
من صدره المكسور ارد اشبع*
هيه دنيه ابلا ابو چا شنهي تسوه*
انه عشت اعله الوعد بس والله گوه*
روحي عطشانه اله ومن عنده اروه*
سنيني اچفيهن اله يا عمه فدوه*
انه اشعر ابهالليل..عمه التقي بيه
شمحلاته عندي الموت..بس كون الاگيه
جرح السبي انساه
واتشابگ انه اوياه
واترد الايام
علاء المياحي
الفاتحه لروح والدي
ـــــــــــــــــــــــــــــــــــــــــــــــــــــــ
مؤسسة منبريون للالحان رقم 1
@ahmed_alziwar1
مؤسسة منبريون لنشر القصائد 2
@ahmed_alziwar2
مؤسسة منبريون للمقامات3
@ahmed_alziwar3
مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول
https://t.me/+tVfRCNCfpmJlMGRi
الكروب الثاني
https://t.me/+tVGiZHdfNq81ZGYy
قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
78 views18:09