ჩვენ მზად ვართ დაგეხმაროთ საზღვრების დელიმიტაციაში: ჯოზეფ ბორელმა წერილი გაუგზავნა მირზოიანს
ევროკომისიის ვიცე-პრეზიდენტმა, საგარეო საქმეთა და უსაფრთხოების პოლიტიკის საკითხებზე უმაღლესმა წარმომადგენელმა
ჯოზეფ ბორელმა მიულოცა
არარატ მირზოიანს სომხეთის რესპუბლიკის საგარეო საქმეთა მინისტრად დანიშვნასთან დაკავშირებით.
"სომხეთი არის ევროკავშირის პოტენციური პარტნიორი. ჩვენი ურთიერთობები მნიშვნელოვნად გააქტიურდა 2018 წლიდან და 2021 წლის 1 მარტს ყოვლისმომცველი და გაფართოებული პარტნიორობის ხელშეკრულების ძალაში შესვლა კიდევ ერთი მნიშვნელოვანი, პოზიტიური ეტაპი იყო.
თქვენი დანიშვნა მოხდა სომხეთისთვის გადამწყვეტ დროს. გასული წლის საომარი მოქმედებების შემდეგ, მინდა კიდევ ერთხელ დავადასტურო ევროკავშირის მზადყოფნა წვლილი შეიტანოს ყოვლისმომცველ მოგვარებაში, მათ შორის სამხრეთ კავკასიაში ევროკავშირის სპეციალური წარმომადგენლის მეშვეობით. გარდა ამისა ჩვენ ვაგრძელებთ ეუთოს მინსკის ჯგუფის ძალისხმევის მხარდაჭერას. ისევე როგორც მზად ვართ დაგეხმაროთ საზღვრების დელიმიტაციაში", - აღნიშნავს ჟოზეფ ბორელი თავის გზავნილში.
