ኢትዮጵያዊ ነን! (በእውቀቱ ስዩም) ፈቅደን ሲመሩን፤ ችቦ ተቀባይ ለሚነዱን ግን ፤ አሻፈረን ባይ ካልነኩን በቀር፤ ቀድመን ማንዘምት ከጋሻ በፊት ፤ ጦር የማንሸምት ኢትዮጵያዊ ነን! ህብር ያስጌጠው፤ ህይወት ለማብቀል ዘር ሳናጣራ ፤ የምንዳቀል ለነዱን ሰይጣን፤ ለመሩን ሰናይ ጌታን ከገባር፤ ለይተን ምናይ፤ ኢትዮጵያዊ ነን! ብዙ ህልሞችን፤ ወዳንድ ዐላማ የሰበሰበ ገርቶ፤ ያስማማ በደምና ላብ፤ ያቆምነው ካስማ አገዳ አይደለም፤ የሚቀነጠስ የዝምድናችን መተሳሰርያ ሺ ጊዜ ቢከር፤ የማይበጠስ ኢትዮጵያዊ ነን! ምን ሆድ ቢብሰን፤ ምን ብንቸገር እድር አይፈርስም፤ እንኩዋንስ አገር ብለን በትግስት፤ የምንሻገር ሲገፈትረን ፤ግፈኛና አጥቂ ቁልቁል ሲሰደን ፤ሽቅብ መጣቂ ለውርደት ሲያጩን፤ የምንጀነን ኢትዮጵያዊ ነን ከወደዱት ለወዳጆ ያጋሩ @bewketuseyoum19 @bewketuseyoum19 1.9K views13:13