ያልተፃፈ ፅሁፍ ለንባብ ስጋብዝ 'ንፉግ......................ግብዝ' ያልተቋጨ ሀሳብ ያ | በእውቀቱ ሥዩም እና ሥነ-ፅሁፍ

ያልተፃፈ ፅሁፍ ለንባብ ስጋብዝ
"ንፉግ......................ግብዝ"
ያልተቋጨ ሀሳብ ያልተሞነጨረ
ገና ከጅምሩ ተቀጭቶ የቀረ
    ሳሰፍር ሰሌኑ ላይ
          "ድንጋይ"
አውጡት አውጡት ብለው ወጥቼ ከመድረክ
ብሶቴን ሳካፍል "እሰይ ደግ አደረክ"
የህዝቡ ጫጫታ ሲቀልጥ የእጅ ጥፊ
ሳቀርበው ስቃዬን
              "ውረድ....ቀጣፊ ለፍላፊ"
ተሰምቶኝ ስስ ከንፈር እንባዬን ባራግፍ
            "የእጅህ ግፍ"
ባይበሉባ መዳፍ ጉንጬን ብዳብሰው
       "አስመሳይ ንፉግ ሰው"
እ
ፎ
ይ

ለዚ ብኩን ትውልድ ላልገባው ዝምታ
ገና ከጅምሩ ኑረው በሁካታ
ዶማን ዶማ ብለን ካላስረዳናቸው
      ጉዳቸው።
ሲቀላጠፍ ምሬት ከባዶ ገፄ ስር
አይቶ ካልተረዳው የለንም ትስስር
ሰሌን ላይ ያረፈው የቀለም ድብልቅልቅ
          ማየት ካልተቻለ
ቀለም ተከለለ።

ትርጉምን ለማይሰጥ ለበዛ ሆይሆይታ
የሁላችን መዳፍ በጥፊ ተመታ
ዝም ላለ አንደበት መፃፍ ለተሳነው
ወርደን አሳነስነው።

ያልተፃፈ ፅሁፍ ለንባብ ስጋብዝ
"ንፉግ......................ግብዝ"
ያልተቋጨ ሀሳብ ያልተሞነጨረ
ገና ከጅምሩ ተቀጭቶ የቀረ
    ሳሰፍር ሰሌኑ ላይ
          "ድንጋይ"

ደረጃችን ጎልቶ ኖርንና በርቀት
ለንባብ እንዲሆን
ብናስተላልፈው አንዲቷን ወረቀት
ላልተገነዘበን ላልተረዳን ከንቱ
    አይበቃም እውቀቱ
ሞንጭረን ላክንለት ከነወረቀቱ

ዮኒ
    ኣታን  @yonatoz

ከወደዱት ለወዳጅዎ ያጋሩት!
@bewketuseyoum19
@bewketuseyoum19