Yes l Can •|• ✨🌸‘

2022-08-01 21:00:13 إذا لم تكن #قناتك لك صدقة جارية بعد الموت ،
فاحرص على أن لا تكون لك ذنب جارى بعــده

لستة النبراس للقنوات السودانية
لستات تسابق الزمن و الريح ..
اللستة رقم واحد و الأعرق في السودان
#دقة انضباط تميز
نرحب بالجميع وفق الشروط
أشــتراك Open / Comment

2022-07-22 10:46:11 أسئلة المشاركين


سلام عليكم
اتا عندي مشكلة بدينا السمستر دا يداب بس والله انضغطت شديد اسع كملنا قريب ال3كورسات وم قادره اقرا محاضره وحده م عارفه مالي
زمان كنت بحب القرايه وبقرا اسع بقي م عندي شغب ليها الوقت كلو ف التلفون او الونسة بس
عايزه نصايح

▬▬▬▬▬▬▬▬▬▬▬▬

الجواب

طيب يا حلوة انعدام الشغف دي حالة طبيعة بنمر بيها كلنا مع اختلاف المدة واختلاف ردة فعلنا تجاها

أول شي لازم تعرفي السبب الخلاك كدا قد يكون طريقة القراية مملة أو نسيتي أهدافك ومابتحفزي نفسك أو حتى بتقارني نفسك بأشخاص حوليك في المجال ...الخ

طيب تجيبي ورقة وتكتبي عليها أهدافك ولازم تكون أهداف واضحة ومحددة مثلا أنا الأسبوع حأقرأ كدا بالإسم وعايزة أقرأ عشان كدا كدا عشان في النهاية عايزة أجيب المعدل الفلاني فهمتي علي...

تلفونك دا أكيد ما شاغلك كله في برامج معينة بتعطلك أي شي بتحسيه حيعطلك أحذفيه اعتبريه اختفى من الوجود

تمسكي أي كورس تحددي محتوياته وتحددي ليها أوقات معينة بالدقيقة والثانية في أوقات مختلفة يعني عشان ما تحسي بالملل

بمناسبة الونسة اتونسي بالبتقريه عادي أشرحيه لنفسك لزميلة معاك كدا بتثبتي المعلومة عندك

ما تنسي تحفزي نفسك بعد كل محاضرة بتقريها بأي شي بتشوفيه مناسب

واظبي على قراءة سورة البقرة والشرح والفاتحة والمعوذتين

كل ما حسيتي بالملل والزهج جيبي ورقتك القبييل دييك الكتبتي فيها أهدافك وأقريها تاني و حفزي نفسك وامليها طاقة وربنا يوفقك


#عهــــد_فتح الله Open / Comment

2022-05-27 11:59:11 أصدقائي الجميلييين

صباااح الخير عليكم وجمعتكم مباركة

عدنا من جديد



#للتواصل والإستشارات

https://t.me/Quiet1997 Open / Comment

2022-04-15 15:49:49 السلام عليكم ورحمة الله وبركاته
كيفكم يا حلوين،ورمضان كريم عليكم وتصوموا وتفطروا على خير

عارفييين الليلة في شنو؟
اليوم 15/أبريل

في نفس اليوم دا عام 1996 أقرت الجمعية العامة للإتحاد الدولي لعلوم المختبرات الطبية البيلوجية في المؤتمر العالمي، الذي اقيم في اسلو في النرويج أن يكون ​15 أبريل من كل عام يوماًعالمياً للمختبرات الطبية

وسنوياً بيحتفل الاتحاد الدولي لعلوم المختبرات الطبية الحيوية في إيطاليا باليوم دا

وجات فكرة إنشاء يوم عالمي للمختبرات الطبية للتعريف بالمجال وزيادة الوعي بالدور الحيوي الذي تلعبه المختبرات الطبية في التشخيص...

15/4/2022
كل عام وأنتم بخير ياجميليين

#اليوم_العالمي_للمختبرات_الطبية
#افتخر_كونك_أخصائي_مختبرات
#مختبرات_طبية
#Mohammed Ali
#Ahd Fathallah

@MLSbeautifulworld Open / Comment

2022-04-09 11:42:09 المسافة ما بين أحلامك والواقع تسمى الفعل


يلا اتحرك سررريع Open / Comment

2022-04-02 13:03:10 أسئلة المشاركين

شالوني مختبرااااات الجزيرة السنه دي يدوب يعني برلومه
بتنصحني بي شنووو وانا عاوزه ابدع في المجال دا ولو في كورسات كدا للبرالمه ممكن ادخل فيهااا


▬▬▬▬▬▬▬▬▬▬▬▬

الجواب

مباارك أولا قبولك في الجامعة، وموفقة يارب

بنصحك بشنو بالصدق أولاً
الصدق!
أيوة انتي محتاجة تكوني صادقة مع ربك أولا لأنه المجال الانتي دخلتيه دا مجال عظيم وحيكون عندك دور في حياة بني آدم

لازم تكوني صادقة في دراستك، يعني زي ما قلت ليك مجالك دا متعلق في يوم من الأيام بحياة شخص تاني، فلازم شنو نركز ونقرأ من قلبنا كدا

لازم تكوني صادقة مع نفسك، وإنو إنتي عندك هدف من دخول المجال دا ومن دخول الجامعة أساسا.. عندك هدف ولازم لازم تصلي ليه طالما هدف نبيل

ثانياً تسمعي تجارب الناس القبلك الإيجابية تديك دافع حلو والسيئة برضو تديك دافع حلو ، الله كيف دي
التجارب الإيجابية عرفناها بتحمس الزول وبتخليه يتفاءل كدا السلبية دي تديني شنو؟
برضو تديك حماس لإنك تغيري فكرة الحيجي بعدك عن المجال، حتديك فكرة عن المطبات الوقع فيها غيرك عشان تعملي حسابك
حلوو كدا

بالنسبة للكورسات الآن ما بنصحك تزحمي بيها نفسك خالص، الا إذا كورس إنجليزي مثلا ودا ماعشان المجال عشان حيفيدك عموما في الحياة العملية

ممكن براك تعملي لنفسك كدا كورس عن المصطلحات الطبية مثلا تحددي ليك عدد معين يوميا أو اسبوعيا تعرفيهم بالنطق الصحيح

ممكن تاني تاخدي كورس إسعافات أولية

وموفقة يا جميلة

#عهــــد_فتح الله Open / Comment

2022-02-12 09:00:34 قال تعالى:"إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ" [الرعد 11]
الآية دي خليك فاكرها دايما ، عشان لما تجي تشتكي وتقول أصل
أنا ما مش أنفع أتغير … أنا إتغيرت وما في حاجة نفعت … أنا وأنا… والأعذار الي مش حتنتهي! !

لمتين ??? لمتين إنت حتكون بتعيد في نفس الكلام

#يا خي صحصح شوية كدا واستهدي بالله ما هو انت لو كنت فعلا بتخطي خطوة علي أساس إنك تتغير ، كنت إتغيرت …
كل الي محتاجو إنك تبدأ …تخطي خطوة … ما تقول لي إنك خايف من إنك ما تنجح ياخي غامر وزي ما تجي تجي …المهم خطي الخطوة دي عشان تبطل تخاف وتخطي الخطوة الي بعديها بكل سهولة …
#في مقولة للدكتورخالد أبو شادي، جميلة جداً… بخصوص التغيير بقول فيها
(‏حتى يغيِّروا!!
أنت كما أنت..
وأخلاقك وأفكارك وأعمالك كما هي، ثم تحلم بتغير حالك وانكشاف الغمة عن أمتك!
ويحك!
لو تغيرتٓ لتغيروا ..)

#يعني المفروض إنك ما تستني شي يتغيّر، إتغيّر إنت الأول حتلاقي كل شي يتغيّر …

#قول بسم الله وخطي أول خطوة تغيير إنت شايفها صح في حياتك

#yes_l_can

#العَــهْــد || A'hd Fathallah Open / Comment

2022-01-08 00:33:27 أيها الشاكي وما بكَ داءٌ..
.
.
.
.


قوم ادرسلك كلمتين

Yes l Can •|• Open / Comment

2022-01-07 21:58:52 أسئلة المشاركين

سلام دكتورة عهد كيفك انا بدرس مختبرات طبيه المستوى الثالث وامتحانتى متبقى لها شهر ممتحنه فاينل بس مشكلتى بقيت ماقادرة اقرأ عديل ماعارفه الحاصل ماعارفه ليه وعندي خوفه والله كل ما اقول ابدا أقول مابلحق بس عندي الرغبه في انو أبدا والحق بس والله غالبنى وريني أعمل شنو وأبدا كيف وهل حاالحق في الشهر دا
والله لأنى يستفيد من منشوراتك شديد وجعلها الله في ميزان حسناتك ومشكورة يادكتورة

▬▬▬▬▬▬▬▬▬▬▬▬

الجواب

وعليكم السلام ورحمة الله وبركاته
تشرفت بمعرفتك
▬▬▬▬▬▬▬▬▬▬▬▬

إنت مش ما قادرة تقدري إنت بتفكري إنك ما قادرة

الخوف من الأمتحان والتفكير فيه وحتى الزهج من القراية حاجة طبيعية إلى حد ما بس ما تخليهم يسيطروا عليك

عندك حاجة مميزة عندك وهي الرغبة
طالما عندك عندك رغبة معناها عندك هدف عندك هدف عندك هدف عندك أسباب خلته يبقى هدفك ركزي على هدفك وخليه نقطة قوة ودافع للأمام دايما
اكتبي هدفك في ورقة قدامك كصمام أمام ليك تجاه أي فكرة سلبية

أعملي تغيير في جو القراية عندك مثلا رتبي مكان قرايتك اقري في مكان ترتاحي فيه ، أقري بألوان بتحبيها ، أقري بصوت أشرحي لنفسك ... الخ

قبل ما تنومي أقري المسبحات (الهي السور الي بتبدأ بالتسبيح الإسراء، الحديد، الحشر، الصف، الجمعة، التغابن، الأعلى) وخاصة سورة الحشر


أقري الصباح بعد صلاة الصبح بتحسي بنشاط أكتر

حتقدري تلحقي بإذن الله

#عهــــد_فتح الله Open / Comment

2021-11-19 09:48:18 "كن صانع تجارب لاصانع اعذار "!

You can

#Back Open / Comment