Yes l Can •|• ✨🌸‘

2021-10-21 10:55:15 ربما تفشل اذا خاطرت ، ولكن من المؤكد انك ستفشل إذا لم تخاطر. Open / Comment

2021-10-10 10:59:29 #الإنضباظ Open / Comment

2021-10-10 10:17:13 Happy Mental Health Day Open / Comment

2021-10-06 18:41:45 حأقرا الليلة

#اها.... بتبلحلق كدا ليه؟ ؟ الليلة دي أمبارح ولا الليلة الليلة ؟؟

لا الليلة

# ما تقرا طيب؟ ؟

بس شوية كدا

متين يعني؟ ؟

بعدين كدا

#العشاء أذن
على فكرة بعدين جات

خلاص حأقرا بكرة

#وبكرة بقت بعد بكرة وبعد بكرة بقى حيبقى اول يوم في 2090

#إنه ... التسويف! !!

السؤال المنطقي بقى انت في الأيام الكنت بتأخر فيها وبتوعد في نفسك كنت بتعمل في شي مهم ؟ ؟ هل يستحق إنو إنت تقدمو على مستقبلك؟ ؟؟

حتقول اي .. لا .. ايلا ماعارف

طبعا ما عندك إجابة
حررت فلسطين؟ ؟
زرت القمر ولا اكتشفت كوكب جديد؟ ؟
حليت الأزمة الإقتصادية العالمية طيب؟ ؟
حفظت المصحف؟ ؟؟
مش لا؟ ؟؟ يبقى ما كنت بتعمل في حاجات مش مهمة يا معلم

#طيب في واحد حيقول لي يمكن كان عندي ظروف

تعال هنا ظروفك دي لي ما منعتك تكون حاضن تلفونك طول اليوم؟ ؟ لي ما منعتك تخش الفيس بوك أو تويتر مثلا ؟؟ ليه ما منعتك تنوم طول اليوم؟ ؟؟

لو ماعندك إجابة وأكيد ما حيكون عندك يبقى يفتح الله وشماعة الظروف دي أركنها جمب دولابك وما تلزمناش زي ما بقولو


#فيبقى بطل تكذب على نفسك وتديها وعود كاذبة مرة واحد أبقى صادق قدر كلامك

#عــهـــد_فتح الله Open / Comment

2021-10-06 18:40:45 #نصائح_عامة_للمذاكرة

الثقة بالنفس ، والابتعاد عن الخوف والتوتر.

عدم المذاكرة في حال الشعور بالتعب أو الإرهاق ؛ لأنّ ذلك يؤدي إلى عدم تثبيت المعلومات بشكلٍ كافٍ في الدماغ.

تسميع الدرس لعدّة مرات ، حيث تثبت هذه الطريقة المعلومات، كما أنّها تؤدّي إلى كشف الأخطاء التي يقع فيها الطالب أثناء الدراسة.

عدم دراسة كافّة المواد في يومٍ واحد ، ويُفضّل ثلاث مواد كحدٍ أقصى.

ترتيب مواد الدراسة في جدول ، على سبيل المثال المواد التي تحتاج إلى حفظ مثل : الفلسفة ، والنصوص، والقوانين العلمية تحتاج إلى صفاء ذهني ، والابتعاد عن الضوضاء ، في حين مواد الحل كالكيمياء والفيزياء والرياضيات يُمكن مذاكرتها عند سماع الموسيقى، أو الوجود مع الآخرين.

مذاكرة الدرس الذي يحتاج وقتاً قليلاً ، والانتهاء بمذاكرة الدرس الذي يحتاج وقتاً طويلا ً، وذلك للتفرغ الكامل لدراستها والشعور بالهدوء النفسي.

تنظيم الوقت عند الدراسة ، لذلك يُفضّل عدم الدراسة لفتراتٍ طويلةٍ، حيث تجدد تلك الطريقة النشاط الذهني.

مذاكرة المادة الواحدة لما لا يزيد عن الساعة.

تنويع المواد الدراسية عند المذاكرة، فمثلاُ لا يُفضل دراسة مواد الكيمياء مع مواد العربي ، إذ تؤدي هذه الطريقة في تشابك المعلومات ، وبالتالي صعوبة التركيز.

yes l can •|• ‘ Open / Comment

2021-10-06 18:40:24 أسئلة المشاركين

دكتورة عهد..
السلام عليكم ورحمة الله
شكراً ع القناة..

بقرأ مختبرات..وبحبها بالرغم من إنها من البداية م رغبتي رغبتي كانت صيدلة وما زلت متعلقة بيها ومصرة ع إني بعد مختبرات اقرأها تاني ولو اتيحت لي فرصة م ح اقرأ غيرها..
بعد مرت السنة الأولى وبوجه التحديد السمستر التاني..كان أكبر خيبة أمل بالنسبة لي
معدلي نزل من جيد جدا ل جيد
السمستر الأول كنت براجع مع قروب صحباتي.. وقبل نهاية امتحانات السمستر الأول ل أولى حسيت انهم اتغيرو في الاسلوب وبديت اتحسس من الحكاية هم كانوا حكومي وأنا خاص.. بحس نفسي معاهم بتلميحاتهم إني في قمة الغباء.. بس بقيت اتجاوز شوية شوية بديت أبعد عنهم..لمن السمستر التاني بدأ بعدنا تماما بس سلام ولا ونسة ع الماشي حتى المراجعة اللي كنا بنرجها مع بعض بقو بيراجعو بدوني لمن النتائج طلعت ما شاءالله ربنا يزيدهم يارب نتائجهم كانت امتياز وعملت جيد بكيت شديييييييد واسبوع أنا متنشنة م فاهم الحاصل شنو اكتر من انه كل الفكرة المتبادرة ل ذهني.. إنه مستواااي بقى داااااون..والزاد الوجعة.. كانت معانا واحدة معاها امتياز بعد اطمأنت ع نتيجتها دخلت وشافت نتيجتي وعرفتها اتصلت علي ..بلهجة فرح إن شاء الله دخلتي الامتياز!تقريبا كانت منتظرة جواب غيييير..بس قلت ليها الحقيقة...صددددق يعني كنت بقرأ بالمزاااج و م بضغط ع نفسي نهائي..في حين انهم تعبوا وعانو..
حالياً في تانية بفضل ربنا..و م عايزة اللي حصل في سمستر 2 ينعاد علي ومجرد م افكر فيه بحس برهااااب فظييييييع..بس لسه بقرأ بالمزاج والنقطة دي عارفة ومتيقنة تماااماً إنها م ح تخطو بي خطوة لقدام..بس م عارفة حرفياً المفترض ابدأ كيف مع العلم انه ما اختيار التخصص بمعدل تراكمي.. وأنا نفسي شديييييييد في المايكرو..لانه فيه الانتي بايوتيگ ودا قريب شديد من الصيدلة
بس المشكلة في التسويف جربت كل حاجة بعرفها وم نفع مرات بقول خلاص ح اقرأ بالليل بس تلقائيا بلقى نفسي نائمة في الشيتات كيف م عارفة..
والصباح بيصبح وبنفس المستوى النفسي
أنا نفسي اخلص الشيتات والمراجع والامتحانات لكل المواد..
بس بحس بي خمول وعدم تأنيب ضمير حتى لمن بمشي العيادة عشان اشتغل بشتغل كويس جدا بس القراية لااااااا
والله م عارفة الحكاية شنو..نفسي اقرأ مراجع كتيييير واجيب معدلات عااالية
نفسي شديييييييد شديييييييد..
بس أنا م جادة
مصرة ع إني اواصل في الامتياز لييين اتخرج بس بحب نفسي تكون مرتاحة وبدون تعب..
بقرأ الشيت بس بع فترة م بتذكر لمن اقراه تاني گأني قبل كدا م قريته ..
حرفياً زهجانة من نفسي..
والمصيبة الاعظم..
إني لو قريت صفحة بفرح بنفسي شديد وبحس نفسي انجزت..
والخطأ هنا..
▬▬▬▬▬▬▬▬▬▬▬▬

الجواب

وعليكم السلام ورحمة الله وبركاته
عفوا يا دكتورة ، منورانا وعذرا عل التأخير
▬▬▬▬▬▬▬▬▬▬▬▬

طيب يا دكتورة التوتر والتنشنة أيام الامتحانات وحتى في بعض أيام الدراسة حاجة عادية جدا جدا وكلنا حصلت لينا وما معناها أصلا إنو إنتي غبية أومستواك ما حيتصلح ...

أول شي أنسي السنوات الفاتت ديك اعتبريها درس وانتهى واتعلمتي منه وعرفتي انتي كان مشكلتك شنو؟ قروبك الكنت ماشة معاه + مزاجك + التسويق حلو كدا ...

انسي اي قروب عرفتيه سابقا يعني واعرفي غيرهم، اعرفي ناس بحبوا القراية ، شلة كدا تكون عندها نفس هدفك الانتي عايزة تصلي ليه

واتذكري حاجة مهمة ممنوع تقارني نفسك بأي شخص يعني طول ما انتي مع أي قروب أو أي مجموعة ما تقارني نفسك مع أي شخص فيهم اي زول فيكم براه، واتذكري انتي براااااك كدا عندك مميزات ما عند اي بني آدم خلي الشلة او القروب الانتي بتقري معاهم

حلو انو ضميرك يأنبك وانك عايزة تتصلحي وأي شي بس الحاجات دي بدون فعل بتديك احساس سلبي ...الحل شنو المحاولة
يعني مثلا لقيتي نفسك بتنومي اول ما تفتحي الشيتات فتشي السبب وغيري يمكن بالليل ما نايمة كويس ، ساهرتي اي حاجة
طيب قولي فتشتي اي شي لقيتي مظبوط وانتي لسى بتنومي حتوقفي تقولي كدا خلاص لا؟ امشي جيبي موية بااردة غسلي وشك دا واكتبي تخصصك قدامك انا عايزة اصل هنا هنا ما بصلها بالنوم بالقراية
اتكلمي مع نفسك
غيري المكان البتقري فيه
اقري بصوت عالي
اشربي شاي
اضبطي منبه
جربي اي شي

مافي زول بصل للإمتياز دا ساي بدوون تعب حتتعبي عشان لما تنجحي تستحقي النجاح دا

بخصوص انك بتفرحي لو قريتي نص صفحة ، افرحي ليه ما تفرحي افرحي بإنجازاتك ولو كانت سطر
افرحي وكافئي نفسك عشان نفسك تحس بالتقدير وتزيد ثقتك بنفسك وتقري صفحة واتنين ومية وأكتر

واتذكري دايما انو
النجاح هو أن تنتقل من فشل إلى فشل دون أن تفقد حماسك وشغفك
لتحقيق ما تريده

#عهــــد_فتح الله Open / Comment

2021-09-12 09:09:57 انسى ما حدث بالأمس وانطلق نحو بداية جديدة

#عَــهْــد_فتح الله
#Yes_I_Can Open / Comment

2021-09-12 08:53:02 سَتتعثّر وستُحاوِل الحيَاة أن تُسقِطك لكنّك قوِي، ولن تُهزَم فقَاوم ولا تستسّلم .
#رسالة_اليوم
#Yes_I_Can Open / Comment

2021-09-09 19:48:16 مهما كان معدلك وتخصصك وطبيعة دراستك إفخر بكل مرحلة وصلت لها بجهدك لا تقلل من إنجازك ولا تقارن نفسك بغيرك لا أحد يعلم تفاصيل حياتك ولا همومك ولا مواجهاتك الجميع يكتفي بالنظر من بعيد لعثراتك إصنع مجدك ولاتخشى صعوباتك تجاهل من يحبطك ركز على أهدافك ستصل وتنجح ولو طال طريقك... Open / Comment