Quyida Matematika fanidan milliy sertifikat imtihoni haqida ma | MILLIY SERTIFIKAT
Quyida Matematika fanidan milliy sertifikat imtihoni haqida maʼlumot olishingiz mumkin:
Matematika fanidan milliy sertifikat imtihonida jami 45 ta savol mavjud boʻlib, ular 5-11 sinf darsliklaridan tuziladi. 45 ta savol oʻz oʻrnida 3 turga boʻlinadi: Yopiq – 20 ta; Qisqa ochiq – 23 ta; Batafsil ochiq – 2 ta.
Ushbu savollarni bajarish uchun jami 180 daqiqa vaqt ajratiladi (3 soat)
Matematika fanidan bilimlarni baholashning milliy test sinovi topshiriqlari yordamida quyidagi aqliy faoliyat turlari baholanadi: tushunish (bilish); qo‘llash; mulohaza yuritish.
Baholash esa quyidagicha tartibda boʻladi: Yopiq turdagi savol: agar belgilangan javob to‘g‘ri bo‘lsa, murakkablik darajasiga ko‘ra 1 yoki 2 ball; Qisqa ochiq: agar belgilangan javob to‘g‘ri bo‘lsa, maksimal ball (1, 2, 3 ball); Batafsil javobli ochiq testni baholash mezoni har bir topshiriq uchun alohida ishlab chiqiladi. Maksimal ball – 100.
Sertifikat olish uchun 100 baldan 60 yoki undan yuqori ball toʻplash talab etiladi. Qancha koʻp ball yigʻsangiz, kirish imtihonlarida ushbu fandan shuncha koʻp ball yigʻish imkoniyatiga ega boʻlasiz.