හායි හැමෝටම. හැමෝම කතා වෙන ගජමෑන් චිත්‍රපටිය ගැන විශේෂ දෙයක් ක | 🇱🇰𝐌𝐨𝐯𝐢𝐞𝐂𝐥𝐮𝐛 𝐔𝐩𝐝𝐚𝐭𝐞𝐬™🇱🇰
හායි හැමෝටම. හැමෝම කතා වෙන ගජමෑන් චිත්‍රපටිය ගැන විශේෂ දෙයක් කියන්න තමයි ආවේ.
ගජමෑන් චිත්‍රපටියේ නීතිවිරෝධී පිටපත් ළඟ තබා ගත්තු පිරිසකට විරුද්ධව නීති මාර්ගයෙන් පියවර ගැනීමත් එක්ක ගොඩක් අය ඒ ගැන විවිධ අදහස් පල කරලා තිබ්බා. ඒ වගේම මේ දවස් වල චිත්‍රපටියේ පිටපතකුත් සංසරණය වෙනවා. ඒ එක්කම දැකපු කණගාටුදායකම දේවල් තමා සමහරු නීති විරෝධී පිටපත් ළඟ තබා ගත්තු අයට නීතිය ක්‍රියාත්මක කිරීමට විරුද්ධ වෙන එකයි, පිටපත් නරඹපු අය ඒවා සාධාරණීකරණය කරන්න අදහස් දක්වන එකයි. ඒ ගැන අහනකොට අනිත් පැත්තට ඒ කට්ටිය අහන්නේ films, series වල pirated copies ගන්න, operating systems, softwares වල crack copies පාවිච්චි කරනවා නම් ගජමෑන් චිත්‍රපටියට විතරක් වෙනස්කමක් මොකටද කියන එක.
වෙනසට හේතුව විදියට කියන්න තියෙන්නේ ඒක අපේ දෙයක් කියන එක. එතකොටත් අහන්න පුලුවන් අපේ එකකට විතරද හොරකම අදාල පිටරට ඒවට ඒවා අදාල නැත්ද කියලා. නෑ ඒවටත් ඒවා ඒ විදියටම අදාලයි. ඒත් තමන්ගේ දේකට අගය කිරීමක් දෙන්න පුලුවන් අවස්ථාවක් ලැබිලා තියෙද්දී, තමන්ගේ අයව දිරිමත් කරන්න, ලොකු ගමනකට ආරම්භයක් අරන් දීපු අපේ අයව ඉස්සරහට යවන්න අවස්ථාවක් ලැබිලා තියෙද්දී ඒක නොකරන්න තරම් අකාරුණික වෙන්න එපා.
මොන නිර්මාණයක් වුනත් නිර්මාණකරුවාට වටිනාකමක් නොදී අපි ඒක රසවිඳිනවා නම් ඒක වැරැද්දක් තමයි. ඒකෙ කිසිම විදියකින් අපි සාධාරණීකරණය කරන්නෙ නෑ. ඒත් හැමදාම කරන වැරැද්ද දිගටම කරන්න උත්සාහ කරනවට වඩා අවස්ථාවක් ලැබුනොත් ඒ වැරැද්ද නොකරන එක වටිනවා. පිටරට films, series pirate කරලා බලන අය ඒවා සාධාරණීකරණය කරන්න කියන නිදහසට කරුණු ගොඩක් ඒවා ගජමෑන් චිත්‍රපටියට වලංගු වෙන්නෙ නෑ. ඇතැම් විදේශ චිත්‍රපටි බලන්න ලොකු මුදලක් වියදම් වෙනවා කියන එක හොඩක් අය කියන දෙයක්. ඒත් ගජමෑන් චිත්‍රපටිය ඔයාලට පහසු මුදලකට බලන්න අවස්ථාව ලබා දීලා තියෙනවා. සමහර චිත්‍රපටි සිනමාශාලා කීපයක පමණයි තිරගත වෙන්නේ. ඒත් ගජමෑන් චිත්‍රපටිය රට පුරා සිනමාශාලා විශාල ප්‍රමාණයක showtimes වැඩි ප්‍රමාණයකින් තිරගත වෙනවා. එහෙම අවස්ථාවක් ලැබිලා තියෙන වෙලාවකත් ඔයා හොරකමම තෝරගන්නවා නම් ඒකට හේතුව බලන හැමදේම ළඟටම ලැබිලා ඇතිවෙච්ච කම්මැලිකමයි ලංකාවේ දෙයක් අපේ දෙයක් විදියට නොදැනෙන එකයි.
ලංකාව පවා ඇතුලේ තරමක fan base එකක් ඉන්න Marvel, DC, Avatar වගේ චිත්‍රපටි වල වගේම ඉන්දියානු චිත්‍රපටි වල පවා ඩිජිටල් නිකුත් කරන්න කලින් මේ විදියට නීති විරෝධී පිටපත් අන්තර්ජාලයේ සැරිසරනවා ඔයාලා දැකලා ඇති. ඒත් ඒ රසිකයෝ තමන් ආදරය කරන ඒ නිර්මාණයට තමන්ට පුලුවන් විදියට උපරිම සාධාරණයක් කරනවා. ඔයාලට මතක ඇති පහුගිය කාලයේ සමහර චිත්‍රපටි ප්‍රදර්ශනයට කලින්ම ඒවායේ final scenes, cameos පවා leak වෙලා තියෙද්දිත් සිනමාශාලා රසිකයින්ගෙන් පිරිලා තිබ්බ හැටි. අපිටත් පුලුවන් ලංකාවේ අපේ දෙයක් වෙනුවෙන් ඒ සහයෝගය දෙන්න.
නිර්මාණකරුවෙක්ට තමන්ගේ නිර්මාණයට වටිනාකමක් ලැබෙනවා කියලා දැනෙද්දී දැනෙන සතුට කියලා නිම කරන්න බෑ. ඉස්සරහට නිර්මාණ කරන්න ශක්තිය උනන්දුව එන්නේ තමන්ගේ උත්සාහයට සාධාරණයක් ලැබෙනවා කියලා දැනුනොත් විතරයි. අපි මේ ලියන පොඩි article එකකට පවා ඔයාලගෙන් වැටෙන likes, comments අපිට ගොඩක් වටිනවා අපි ගොඩක් කාලයක් මග බලාගෙන හිටපු චිත්‍රපටියක් තමයි ගජමෑන්. ඒ වගේම අපේ සිනමා ක්ෂේත්‍රයේ ලොකු හැරවුම් ලක්ෂයක්. මේ ගමන මෙතනින් නවතිනවද ඉස්සරහට යනවද කියන එක තියෙන්නේ ඔයාලගේ අතේ. ලංකාවේ අපිට සමහර streaming services වල සේවාව වත් ලබා දෙන්නෙ නෑ. ඒ වගේ තත්වයන් වලදී පවා හැදුනු ගජමෑන් කියන්නේ ලංකාවේ අපිට ලොකු දෙයක්. ලංකාව කියන්නේ පොඩි රටක්. අපේම දේවල් වලට පවා බෙදි බෙදී ඉන්න තරම් මේක ලොකු රටක් නෙවෙයි. අපේම අයට ඉස්සරහට යන්න තල්ලුවක් දෙන්න පුලුවන් අපිටම තමයි
අනවසරයෙන් පිටපත් බෙදා හරිනවා නම් හෝ ඒවා ළඟ තබා ගන්නවා නම් ඒවාට විරුද්ධ වෙන්න ඔයාටත් පුලුවන්. නීති මාර්ගයෙන් ඒවාට පියවර ගන්න එක නිර්මාණකරුවන්ගේ අයිතියක් වගේම ඒවාට විරුද්ධ වෙන්න අපි කාටවත් අයිතියකුත් නැහැ. ඉතින් ගජමෑන් නිර්මාණය කරන්න මහන්සි වුනු හැම කෙනෙක්ටම වගේම එයාලගේ මහන්සියට සාධාරණයක් කරන්න සිනමාශාලා පුරවපු ඔයාලටත් ගොඩක් ස්තූතියි
Admin: Vishwa Jayasankha Senarathne
උපුටාගැනීම : Sri COM
#SriCOM #Gajaman #Gajama3D
