ပြည်သူကို အာလူးတွေပေးပြီး ဂျင်းတွေကျွေးခဲ့တဲ့ ဒေါ်စုကြည် .... | Online News Channel
ပြည်သူကို အာလူးတွေပေးပြီး ဂျင်းတွေကျွေးခဲ့တဲ့ ဒေါ်စုကြည် ....
၂၀၁၀ ရွေးကောက်ပွဲအနိုင်ရခဲ့တဲ့ USDP ပါတီအုပ်ချုပ်တဲ့(၅)နှစ်တာ ကာလဟာ ပြည်သူလူထုအတွက် အလုပ်အကိုင်အခွင့်အလမ်းတွေ အစစအရာရာအဆင်ပြေပြီး၊တိုင်းပြည်စီးပွားရေး၊လန်းပမ်းဆက်သွယ်ရေး၊လျှပ်စစ်မီးရရရှိမှု၊ဝန်ထမ်းလစာနဲ့အငြိမ်းစားပင်စင် (၃)ကြိမ်တိုးမြှင့်ပေးမှုတွေအပါအဝင် ဘက်စုံဖွံ့ဖြိုးတိုးတက်ခဲ့တာ ပြည်သူအားလုံးအသိပဲဖြစ်ပါတယ်။
ဘာသာရေးအခမ်းအနားတစ်ခုမှာ သီတဂူဆရာတော်ကြီးက သမ္မတကြီးဦးသိန်းစိန်ကိုမိန့်ကြားဘူးတယ်၊ "ဒါယကာကြီးတို့သာ နောက်(၅)နှစ်ဆက်ပြီး အုပ်ချုပ်နိုင်မယ်ဆိုရင် တိုင်းပြည်ဟာ ဒီထက်အများကြီး တိုးတက်လာမှာမို့ နောက်(၅)နှစ်ကိုလည်း ဒါယကာကြီးတို့ဆက်ပြီး အုပ်ချုပ်ခွင့်ရရင်ကောင်းမယ်"လို့ မိန့်ကြားတယ်၊ ပညာရှိသူတော်ကောင်းရဲ့ မိန့်မှာစကားနော်။
မသိနားမည်မှု မောဟစိတ်တွေများနေတဲ့ ပြည်သူတွေဟာ အစစအရာရာ အဆင်ပြေအောင် ကြိုးစားလုပ်ဆောင်ခဲ့တဲ့ USDP ပါတီရဲ့ ကျေးဇူးတရားကို မေ့လျော့လစ်လျူပြူခဲ့ပြီး ၂၀၁၅ ရွေးကောက်ပွဲမှာ မဲထွက်ပေးကြဖို့ ပျက်ကွက်ခဲ့ကြပါတယ်။
NLD ပါတီကို ဝန်းရံထောက်ခံသူများကတော့ NLD အတွက်မဲထွက်ပေးခဲ့ကြပါတယ်၊ NLD ပါတီကို မဲပေးသူ ၁၂သန်းကျော်သာ ရှိပါလျှက်နဲ့ NLD ပါတီဟာ ရွေးကောက်ပွဲမှာမဲနိုင်ပြီး အစိုးရဖွဲ့ခွင့်ရသွားခဲ့ပါတယ်။
အဲ့ဒီလို NLD ပါတီ အစိုးရဖွဲ့သွားနိုင်တာကပဲ တိုင်းပြည်နဲ့ ပြည်သူလူထုတွေ ကြမ္မာဆိုးကျရောက်လာခြင်းရဲ့ ကနဦး စတင်ခြင်းလို့ပဲဆိုရမှာပါ။
အစိုးရဖွဲ့ခွင့်ရသွားတာနဲ့ ဒေါ်စုကြည်နဲ့ NLD အမတ်တွေဟာ ထင်တိုင်းကျဲကြတော့ပါပဲ၊ ယခင်အစိုးရလုပ်သွားခဲ့တဲ့ စီမံကိန်းတွေ ရပ်ဆိုင်းလိုက်တာတွေ၊ ဆောက်လုပ်ဆဲ အထပ်မြင့်အဆောက်အဦးတွေ ဆက်လုပ်ခွင့်မပေးတာတွေ၊ သင်္ကြန်မဏ္ဍပ်တွေခွင့်မပြုခြင်း၊ မဘသအဖွဲ့ကြီးကိုဖျက်ပစ်ခြင်းတွေ၊အမျိုးသားရေးဆရာတော်နဲ့ အမျိုးသားရေးသမားတွေကို ဖမ်းဆီးထောင်ချခြင်းတွေ အများကြီးမှအများကြီး အမှားတွေကို ဆက်တိုက်ကျူးလွန်ခဲ့ကြတယ်။
USDP အစိုးရလက်ထက် ရွှေတစ်ကျပ်သား ၇သိန်းကျော်ကနေ ၁၂သိန်းအထိဖြစ်သွားသလို၊ US တစ်ဒေါ်လာ ၁၀၅၀ကျပ်ဝန်းကျင်ကနေ ၁၃၀၀ကျပ်ကျော်သည်အထိဖြစ်သွားခဲ့တယ်။
လျှပ်စစ်မီတာခတွေ သုံးဆတိုးကောက်တယ်၊ ကုန်စျေးနှုန်းတွေတက်လာတာကို မထိန်းနိုင်ဘူး၊ USDP လက်ထက် သိန်းတစ်ရာကို ကသုံးစီးဝယ်လို့ရရာကနေ NLD လက်ထက်မှာ တစ်စီး သိန်း ၂၀၀ ကျော်ဖြစ်သွားတဲ့အထိ စီမံခန့်ခွဲမှု အလွဲပေါင်းများစွာတွေ လုပ်ဆောင်ခဲ့ကြတယ်။
ဒေါ်စုကြည်ဟာ အဂတိကင်းစင်တဲ့ အစိုးရဖြစ်ရပါစေမယ်လို့ အာမခံခဲ့ပေမယ့် NLD အစိုးရအဖွဲ့အတွင်းမှာ အဂတိလိုက်စားမှုတွေအများအပြားဖြစ်နေတာကိုလည်း တာဝန်ယူမှုမရှိခဲ့တာကို တွေ့ရပါမယ်။
တစ်ကမ္ဘာလုံးမှာ အဂတိကင်းတဲ့ အစိုးရဆိုတာမရှိပါဘူး၊ အနည်းနဲ့အများ ရှိနေကြပါတယ်၊ မြန်မာပြည်က အးစိုးရအဆက်ဆက်မှာလည်း ရှိခဲ့ကြပါတယ်၊ NLD ပါတီကလူတွေဟာ ဘာသားနဲ့ထုထားတာမို့လို့ အဂတိကင်းစင်ရမှာလဲ၊ မဖြစ်နိုင်တဲ့ ကတိတွေမပေးခဲ့သင့်ဘူး၊ NLDကလူတွေလည်း ပါးစပ်ပါတယ်၊ မိသားစုရှိတယ်၊ လုပ်ပိုင်ခွင့်ရသွားချိန်မှာ ခိုးကြတာပဲ၊ ခိုးကြတာချင်းအတူတူမှာ သူတို့က ပိုလို့တောင်သာပါသေးတယ်။
အဲ့လိုနဲ့ (၅)နှစ်ပြည့်ခါနီးအချိန်မှာ NLD ပါတီဟာ မစွံပါဘူး၊ အပြောတခြား အလုပ်တခြားဖြစ်နေတယ်၊တိုင်းရင်းသားတွေနဲ့လည်း ရင်ကြားမစေ့နိုင်သလို ဒီမိုကရေစီနဲ့ သွေဖယ်ပြီး တစ်ပါတီအာဏာရှင်ဆန်နေပြီဆိုတာကို ပြည်သူတွေ နားလည်သဘောပါက်နေကြတာကို ဒေါ်စုကြည်နဲ့ NLD ခေါင်းဆောင်တစ်စုဟာ ရိပ်မိသိရှိပြီး ၂၀၂၀ ရွေးကောက်ပွဲမှာ ဒို့ပါတီတော့ မဲအပြတ်အသတ်နဲ့ မနိုင်နိုင်တော့ဘူး၊ နောက်တစ်ကြိမ်အစိုးရဖွဲ့နိုင်ဖို့လည်းမသေချာတော့ဘူးဆိုပြီး မဲခိုးပြီး အနိုင်ရအောင် ဇွတ်လုပ်ကြတော့တာပါပဲ။
အဲ့တာက တပ်မတော်က အခြေခံဥပဒေနဲ့အညီ အာဏာဝင်ထိန်းရဖို့ဖြစ်လာရတဲ့ အကြောင်းတရားစစ်စစ်ပဲဖြစ်ပါသည်၊ အကြောင်းရှိလို့ အကျိုးဖြစ်လာရတာပဲလေ။
အတိုချုပ်ပြောရရင် NLD ပါတီက မဲမခိုးခဲ့ရင် တပ်မတော်ကလည်း အာဏာထိန်းမှာမဟုတ်ဘူး။
#MMT
