နစက အစိုးရကြီးလက်ထက်မှာ ပြည်ထောင်စုကြီး အညာမခံစေလိုပါ ******* | Online News Channel

နစက အစိုးရကြီးလက်ထက်မှာ ပြည်ထောင်စုကြီး အညာမခံစေလိုပါ
*******
ပြည်ထောင်စုဝန်ကြီးတွေ၊ ဒုတိယဝန်ကြီးတွေက မိမိတို့ရာထူးနေရာတွေကို ထိခိုက်မှာစိုးပြီးမတင်ပြဘဲ နိုင်ငံတော်ဝန်ကြီးချုပ်ကို အဆင်ပြေနေတယ်လို့ပဲ တင်ပြနေမယ်ဆိုရင် ပြည်သူလူထု၏ထောက်ခံအားကိုးမှုလျော့နည်းလာနိုင်ပါတယ်…

ဦးနေဝင်းလက်ထက်တုန်းက ပြည်သူတွေကြားထဲ ဟာသလေးဖြစ်ခဲ့တဲ့ ပါတီညီလာခံကြီးတစ်ခုရဲ့ မိန့်ခွန်းထဲ က အချက်လေးတစ်ခုကို သတိသွားရမိတယ်….

ဘာလဲဆိုတော့ ဦးနေဝင်းက “ ငါတို့ နိုင်ငံမှာပင်လယ်ငါးတွေ ဖမ်းပြီးစားနေကြတယ်၊ နိုင်ငံမှာဒီလောက်ဈေးချိုတဲ့ ရေချို ငါးကျည်းတို့ ငါးခူးတို့ကိုဝယ်စားကြပါလား ” အားနဲ့မာန်နဲ့ပြောခဲ့ပေးမဲ့ တစ်ကယ်တမ်းကျတော့ အဲ့ဒီအချိန်တုန်းက ပင်လယ်ငါးတွေက တစ်ပိဿာ(၁၀)ကျပ် လောက်ပဲရှိပြီး၊ ဦးနေဝင်းပြောတဲ့ ငါးကျည်းတို့ ငါးခူးတို့ကတစ်ပိဿာ(၂၅-၃၀)ကျပ်လောက်ရှိနေတာကို ဦးနေဝင်းကမသိဘူးလေ၊သိအောင်လည်းသူကိုမတင်ပြကြဘူးအားလုံးကဝိုင်းညာနေကြတော့ ပြည်သူတွေကြားထဲ ဟာသကြီးဖြစ်သွားပါလေရော…….

နောက်တစ်ခုကတော့ မြန်မာပြည်မှာ ရေနံမထွက်ပဲ ရေနံတွေအလျှံပယ်ထွက်နေတယ်၊ သုံးမကုန်ဘူးဆိုပြီး ဦးနေဝင်း ကိုဝိုင်းလိမ်ကြတယ်၊ ဒီလိုနဲ့ ဦးနေဝင်းရဲ့သားအကြီး နိုင်ငံခြားကပြန်လာမှ မြန်မာပြည်မှာ ဘာရေနံမှ မထွက်ဘူးဆိုတာ သူ့အဖေကိုပြန်ပြောပြမှ ဦးနေဝင်းက သိခဲ့ရတယ်…….

မြန်မာနိုင်ငံအတွင်း အောက်ခြေတွေမှာ ဘာတွေဖြစ်နေတယ် ဘာတွေလိုအပ်နေတယ် ဘယ်လိုတွေလုပ်နေကြရတယ် စသဖြင့်အောက်ခြေပြည်သူတွေရဲ့ အခက်အခဲတွေ အဖြစ်မှန်တွေကို ဦးနေဝင်းထံ ဘယ်လူကြီးကမှ အမှန်အတိုင်းမတင်ပြကြဘူး၊မတင်ပြရဲကြဘူး ဘာလို့လဲဆိုတော့ သူတို့ဆူခံထိပြီး ရာထူးကဖြုတ်ခံထိ အရေးယူ ခံထိမှာစိုးကြလို့ပါ……

ဒီလိုနဲ့ဦးနေဝင်းကို အောက်မှာဘာဖြစ်နေလဲဆိုတာ မသိအောင်ဝိုင်းပြီးတံခါးပိတ်ထားခဲ့ကြတာကိုခံခဲ့ရတယ်……
အဲ့ဒီတော့ ဦးနေဝင်းက သူ့တိုင်းပြည်မှာအားလုံးအဆင်ပြေနေတယ် အရမ်းကောင်းနေတယ်ဆိုပြီး သဘောတွေ ကျနေပြီး လုပ်သင့်တာတွေဆက်မလုပ်တော့ဘူး ပြည့်စုံနေပြီဆိုပြီးအေးဆေးနေခဲ့တယ်.. အရေးကြီးတဲ့ဆုံးဖြတ် ချက်တွေကိုမချမှတ်နိုင်တော့ဘူး … ဆုံးဖြတ်ချက်ချပြန်တော့လည်း အမှားတွေဖြစ်နေတယ် ဒီလိုနဲ့ပဲတစ်ဖြည်းဖြည်းကြာလာတော့ ဆိုရှယ်လစ်စနစ်ကြီးပျက်စီးခဲ့ရတယ် …..

တိုင်းပြည်လည်းပျက်ခဲ့ရတာအားလုံးအသိပါ..
အခုစေတနာနဲ့အသိပေးလိုတာကလည်း ………… နစက အစိုးရကြီးအနေနဲ့လည်း ဦးနေဝင်းခေတ်ကလို အလိမ်မခံရစေဖို့လိုပါတယ် ခုခေတ်ကမီဒီယာခေတ်ဖြစ်တဲ့အတွက် ကမ္ဘာအထိကို သိတာရောက်တာအရမ်းမြန်လွန်နေတာကိုလည်းသတိထားပါ…….

အလိမ်ခံနေရပြီဆိုရင်တော့ ဦးနေဝင်းလိုပဲ ပြည်သူတွေကြားထဲမှာ ဟာသကြီးဖြစ်နေလိမ့်မယ်ဆိုတာကိုလည်း သတိပေးပါရစေ….

ဘယ်အစိုးရမှာမဆို မိမိရာထူးတည်မြဲဖို့အတွက်တစ်ခုတည်းကိုပဲကြည့်တတ်တဲ့လူကြီးတွေကို တာဝန်မပေးမိပါစေနဲ့ ဦးနေဝင်းကိုလိမ်နေသလို နစကကြီးကိုလည်းလိမ်နေပြီးလားဆိုတာကို နစကကြီးအနေနဲ့ နည်းလမ်းမျိုးစုံနဲ့ အောက်ခြေအထိ ထဲထဲဝင်ဝင်ဆင်းကြည့်ပြီးအမှန်မြင်တတ်ဖို့လိုပါတယ်…..

နိုင်ငံနဲ့လူမျိုးတိုင်းပြည်အတွက်ဆိုရင် တာဝန်ယူရဲတဲ့လူ၊ လုပ်ငန်းကိုပြတ်ပြတ်သားသားနဲ့ပွင့်လင်းမြင်သာစွာနဲ့ ပြည်သူတွေလက်ခံနိုင်တဲ့အထိလုပ်နိုင်စွမ်းရည်ရှိတဲ့လူမျိုးတွေကို ခန့်ထားဖို့လိုအပ်ပါတယ်…..

လူကြီးအကြိုက်ပဲလုပ်တတ်ပြီး အောက်ခြေနဲ့မတည့်သူ/ အောက်ခြေကိုမကြည့်သူ လူကြီးကိုအမှန်အတိုင်းရဲရဲရင့်ရင့်မတင်ပြရဲ သူတွေကိုမထားသင့်ပါဘူး …

လူရွေးမှားပြီးခန့်ထားခဲ့ရင်တော့ ဦးနေဝင်းလိုမျိုးပြည်သူတွေရဲ့ အားကိုးမှုလျော့ နည်းသွားနိုင်ပါတယ်…
မိဘထံက ငွေကိုယူပြီးမှ အလုပ်လုပ်တတ်တဲ့သားသမီးနဲ့ မိမိဘာသာမိမိကြိုးစားပြီး အလုပ်လုပ် ဝင်ငွေရအောင်ရှာပြီး မိဘကိုစိတ်ချမ်းသာအောင်ထားတဲ့သားသမီး(၂)မျိုးရှိပါတယ်….. ဒါကြောင့် နစက ကြီးအနေနဲ့ လျှပ်စစ် ဝန်ကြီးဌာနအပါအဝင် အခြားဝန်ကြီးဌာနတွေမှာ ရှိနေတဲ့ အကျင့်ပျက်ချစားမှုတွေ ၊ NLD အစိုးရလက်ထက်က ပျက်စီးခဲ့တဲ့ဝန်ထမ်းအကျင့်ပျက်တွေ၊ အခုဝန်ထမ်းတွေလုပ်နေတဲ့ CDM ဆိုတာတွေကို ပြတ်ပြတ်သားသားရှင်းလင်းပြီး နိုင်ငံဖွံဖြိုးတိုးတက်ဖို့ လျင်မြန်စွာလုပ်သင့်ပါပြီဆိုတာကို အကြံပြု တင်ပြလိုပါတယ်…..

အခုဆိုရင် ပညာရေးဝန်ကြီးဌာနမှာလည်း CDM စိတ်ကြိုက်လုပ်ပြီးမှအသနားခံစားတွေတင်ပြီးပြန်ဝင်လာတဲ့ ဝန်ထမ်းတွေကို နဂိုကတည်းက CDM လုပ်လို့လုပ်မှန်းမသိလုပ်နေတဲ့ Silent CDM ဝန်ထမ်းအကြီးအကဲ(ဖရဲသီး) တွေက နဂိုထက် ရာထူးတွေတိုးပေးပြီးနေရာကောင်းတွေကိုပို့နေတာလည်းခုချိန်ထိအတော်ကိုဆိုးနေပါတယ် ပညာရေးပြည်ထောင်စုဝန်ကြီး ကိုယ်တိုင်မသိတာလား ဝန်ကြီးမသိအောင် Silent CDM ဝန်ထမ်းအကြီးအကဲ (ဖရဲသီး)တွေကဖုံးဖိထားကြတာလားဆိုတာစုံစမ်းဖော်ထုတ်အရေးယူဖို့လိုအပ်ပါသည် Non CDM ဝန်ထမ်းတွေကိုတော့ Silent CDM ဝန်ထမ်းအကြီးအကဲ(ဖရဲသီး)တွေလက်ရှိနေရာ/ရာထူးမှတောင်နေလို့မရအောင်ဖိနှိပ်ခြင်း နှင့် နှိပ်ကွပ်ခြင်းတွေဆက်တိုက်လုပ်နေတာ ခုချိန်ထိပါပဲ ဒါတွေကိုနစကကြီးသိပါရဲ့လား …..