2022-06-06 16:50:08
@tapuynusrawe
#گۆرانی: "گوێم بۆ ڕادێرە"
هۆنراوە و دەنگی:
هونەرمەند: #بەهجەت_یەحیا
ــــــــــــــــــــــــــــــــــــــــــــــــــــــــــــــ
گوێم بۆ ڕادێرە بەس تەنها ئەمشەو
لە دوو دیدەی من میوان نابێ خەو
بەس تەنها ئەمشەو تۆ میوانم بە
هەڵگری نازی هەست و سۆزم بە
ڕایژێنە تاوێ بێشکەی دڵی من
دامرێنەوە کوڵی گریەی من
تۆ بووی ئاودێری باخی دەروونم
ئیلهامی شیعری بەستەی ئەوینم
چۆن دەستت تێی چـوو ئەو باخە جوانە
وا پێشێلی کەی بێ بەزەییانە
ئەم حەزە دیلە ڕوو بکا بەرەو کوێ
ئاهی عەشقی من ئۆباڵی بە کێ؟!
بێ سۆراخ و شوێن وا بووم سەرە ڕۆ
بووم بە هەڵگری بارگەی خەمی تۆ
چۆن دڵت توانی دڵم بشکێنێ
داستانی عەشقم هەرەس پێ بێنێ
ئەم سوێیە هەتا سەر لە دڵم دەر ناچێ
بێ وەفایی تۆم هەر لە یاد ناچێ
ـــــــــــــــــــــــــــــــــــــــــــــــــــــــــــــ
#تاپوی_نووسراوە
@tapuynusrawe
606 views13:50