2022-11-19 23:13:21
#قصائد_استشهاد_فاطمة_الزهراء_ع
ظليت اصرخ مارحموني
عمداً يابويه ايسطروني
قصيدة إعتذار من مولاتنا الزهراء عليها السلام
سامحيني.. گضت ايام العزه وانه بحسرتي
سامحيني... خاف ماطاحت عله ابنينج دمعتي
عذريني خافن قصرت
لو مابچت عيني ونحت
سامحيني ...
سامحيني ...
ــــــــــــــــــــــــــــــــــــــــــــــــــــــ
اعذريني يالزچيه وطالبه منج سماح
خلصت ايام العزيه وخاف زيدت الجراح
وماسمعتي ابمجلس ابنج صرخة لا لطم اونياح
اقبليني شلون اظل ابحيره مكسور الجناح
حسبيني مذنب واخطئت
لو مابچت عيني ونحت
سامحيني ...
سامحيني ...
زينب خضر الواسطية
ــــــــــــــــــــــــــــــــــــــــــــــــــــــ
اقبليني خادم آنه ودمعي لحسينچ جره
خاف قصرت بونيني منج اطلب معذره
ادري تعرفـــينه انتي الي لطم والي قره
خاف يم حسين اكونن بالخدامه مقصره
ولو ماجفوني مولـــحت
لو مابجت عيني ونحت
سامحيني. سامحيني
ام ولـــــــــ ــــيد الموسوي
ــــــــــــــــــــــــــــــــــــــــــــــــــــــ
عينـــي لو ما بجـــــــــت الكم المن عيوني تدر
گلبي هالينبض بحبكم وعندي هالخـدمه ذخر
وخايفه لو مارضيتي اعلــــــيه من يوم الحشر
لاعمل عندي واجــــــــــيبه هناك بيمن ابتشر
خاف بعزاكم مامـــــتت
لو ما بجت عيني ونحت
سامحيني،،،،، سامحيني
ام عـــــــــ ــــلي البابلي
ــــــــــــــــــــــــــــــــــــــــــــــــــــــ
لا عمل عندي ووسيله اقدمه ليوم الحساب
أمل عندي بهالخدامه
بلكي تشفع بالجواب
لو سأل منكر وأخيه واستعدوا للعذاب
الهج باسمك واصيحن
احضري يا ام الاطياب
من فدوه لابنينج رحت
لو ما بجت عيني ونحت
سامحيني،،،،، سامحيني
العلوية أم منتظر جمال الدين
ــــــــــــــــــــــــــــــــــــــــــــــــــــــ
الهج باسمج ونادي لو نزل منكر نكير
وحدي بس اعمالي يمي روحي بالمظلم تحير
عندي بس هالخدمه وامشي بيها اكمل هالمسير
اطلب مسامح رجائي لوصدر مني تقصير
بالــدنــيا لو مره اذنــبت
لو مابچت عيني ونحـت
سامحيني ،،، سامحيني
آم صـــ ــآدق آلمـنصـوري
ــــــــــــــــــــــــــــــــــــــــــــــــــــــ
كل حياتي كرستها واحس وياچ ابقصور
ماتغيرني الرزايه المرت ابكل العصور
ردت بس ترضين عني ما ردت مال وقصور
ابد ما نوفيچ حقچ لادمع لا دگ صدور
عذريني يم شبر صحت
لو ما بچت عيني ونحت
سامحيني ،،، سامحيني
ام ســ ــجاد العسكري
ــــــــــــــــــــــــــــــــــــــــــــــــــــــ
((( رابط راثيات العتره )))
تـــمـ بعون الله تعالى ـــت
باقـــ ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 22 / صفر / 1444هـ
لانجيز حذف الاسماء
نسالكم الدعاء
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل الب
مؤسسة منبريات للقصائد النسائيه
https://telegram.me/ahmed_alziwar17
كروب 2 خاص بنشر وتلحين القصائد
https://t.me/+tVGiZHdfNq81ZGYy
25 views20:13
8
