2022-11-21 22:44:03
#قصائد_استشهاد_فاطمة_الزهراء_ع
ظليت اصرخ مارحموني
عمداً يابويه ايسطروني
قصيده للزهراء عليها السلام
طور سيد فاقد
يروحي الاحبهم مشو عني شبديه
=========
تونين ....... يزهره
على فراش المنيه
وادري ...... تروحين
ييمه من اديه
من ظلعچ تونين
گوه يمه تحچين
وادري ..... تروحين
ييمه من اديه
=========
ايروحي . شلون بيه . امي غصبن . ودعتها
وحدي ونيت . علحنينه . ودمعتي دم . نزلتها
اخفيت علتي . وسط صدري . وگوه روحي . صبرتها
لمچ صبري ياروح
ادري الگلب مجروح
بچيت اعلى نعشچ بچه حسين واخيه
وادري تروحين ييمه من اديه
الفرگه صعبه . عذبتني . البيت وحشه . شلون اجرعه
شلون اعيشن . عگب عينچ . وشخصچ شلون . انه اودعه
وصوتج الدافي . فگدته . وبعد ماضنن . اسمعه
لصوتچ يمه حنيت
سنطه وخالي البيت
ضنيت . من اصيحن . تردين . عليه
ادري تروحين ييمه من اديه
چان ضاوي . البيت كله . وچان يزهي تگول جنه
وهسه طافي . خلاف امي . دمعه وتسابگله . ونه
بعد شيرد . الحنينه . ريت . ترجعلي . انتمنه
صعبات الاماني
طشرنه زماني
مامرت عليه مثل هاي الرزيه
ادري تروحين ييمه من اديه
چنت افرح . من اشوفچ . يلحنينه . گبال عيني
احسابي ضايع . ماحسبته . مني ترحين . وتنكريني
ابد ماهزچ . مصابي . ولاتسمعينه . لونيني
سمعي ونت الروح
بيه كثيره لجروح
خلصت عشرتي وياچ گضت وهاي هيه
ادري تروحين ييمه من اديه
يمه كعدي . من منامچ . على صوتچ . تعودينه
عليچ ادور . مالگيتچ . وين رحتي . من ادينه
يمه ناديت . وماسمعتي . صوت وني . يلحنينه
امشي ريت وياچ
سل العظم فرگاچ
راحت ماتجينه انطفت يالثريه
وادري تروحين ييمه من اديه
=========
خادمة ال البيت الحجيه ام علي البصره نسألكم الدعاء
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw
***
رابط قناة ال
مؤسسة منبريات للقصائد النسائيه
https://telegram.me/ahmed_alziwar17
كروب 2 خاص بنشر وتلحين القصائد
https://t.me/+tVGiZHdfNq81ZGYy
178 views19:44
8
