2023-01-02 00:10:33
#قصائد_وفاة_ام_البنين_ع
الليلة ام الگمر غمض جفنها
وين اولادها تحظر دفنها
___
لام البنين عليها السلام
عندما رجعت زينب من الاسر واوصت ان لاتدخل عليها احد من النساء الامن كانت شريكتها بالعزاء فجائت ام البنين ع سلام فقالت لها انا شريكتك بالعزاء انا صاحبة المصيبه العضمى فدخلت واذا بها تسألها عن اولادها الاربع هل اجادو في التضحيه عن حبيبها الحسين فكان جواب زينب لها والحوار يدور بينهما وكأني بلسان الحال
*القصيده ممكن ان تقرء شور او اطوار اخرى*
عضم الله اجرچ ييمه وياهلا بم البنين
عالشريعه ابنچ يحره مگطعه يسره ويمين
.....................
يمه بشريني يزينب وفو اولادي الجميع
نذر منذورين يمه فدوه لحسين الصريع
گولي خل اتباها بيهم والخبر عنهم اذيع
وانه ربيت النشامه يمه فدوه للحسين
.............
انه ربيت النشامه وعلمتهم عالولاء
كلهم يروحون فدوه لاسم سيد الشهداء
رضعيت انه ابو فاضل بالحنان وبالوفاء
خبّريني عن اخوتج كون وفو للحنين
.................
محد القصر ييمه عن نصر ابن البتول
شرد اسولفلج عليهم والله محتاره شكول
ذادو بدمهم تراهم صاحو الجنه ننول
بحب ابو اليمه وبنينه يرخص الغالي وثمين
................
شرد اسولف عن اخوتي وشرد اگولن عالبدور
اجسادهم عالرمل ضلت وانه امشي اوي النحور
وابو فاضل عالشريعه مگطعه چفوفه وتنور
شفت نور الله بچفوفه يسرته وي اليمين
.............
شفت نور الله بچفوفه وانه عالناگه اطوف
بساعة اوداعه ييمه اوي الشمر برض الطفوف
شفت چفه وداعاني وريت عميه اولا اشوف
راسه فوك الرمح يمه ومنفضخ منه الجبين
................
چنه چفه يگلي زينب خويه هذا اخر وداع
والعذر منج يخويه عالسبي وهذا الضياع
وانه اصيح بعالي صوتي وين عباس الشجاع
شلون امشي ابلا حميه وانه بنت الطاهرين
...........
انه بت زهره البتوله وبت علي قالع الباب
انه ستر وحجابه شلون ينشاف الحجاب
ياعضم هاي الفجيعه وياعضم هذا المصاب
وينه داحي باب خيبر وين امير المؤمنين
...............
وينه داحي باب خيبر گتله انهض ياعلي
شلون ترضاها سبيه وعالهزل انه انولي
استوحداني الشمر بويه يگلي ماتو كل هلي
بيمن أزمطين زينب والحمايه امطرحين
.......................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات
قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط
___مؤسسة منبريات للقصائد النسائيه
https://telegram.me/ahmed_alziwar17
كروب 2 خاص بنشر وتلحين القصائد
https://t.me/+tVGiZHdfNq81ZGYy
473 views21:10