2022-12-19 22:20:29
#قصائد_استشهاد_فاطمة_الزهراء_ع
ظليت اصرخ مارحموني
عمداً يابويه ايسطروني
قصيده لسان حال السيده زينب ع بعد استشهاد امها الزهراء عليها السلام
((الوزن خدري))
ــــــــــــــــــــــــــــــ
عشت ايام صعبات من امي افگدتها
عليش ابساع ياناس عشرتنه نستها
____
البيت أظلم علينه ياشمعه نزلنه
جنتي دوم لينه شياله الحملنه
ماحسينه فد يوم اتعوفينه شملنه
راحت من ادينه =الحبيبه الحنينه
عافتني وحيده والعشره گظتها
جنات محمد
___
عافتني وحيده ومالي كل حبايب
افز بتالي الـــليل واتذكر واعــاتب
واگللها ييمه گلـــبي اعليچ ذايـــب
عگب اجفاچ تدرين تلفيني المصايب
راح ابقى يتيمه ،،،، مااحمل هظيمه
مامرت على البال الحنينه فارگتها
ام عــــ ـلي البابلي
_
مامرت عله البال ابيوم افگد حظنها
اشلون اوداعنه ايصير الشالتنه ابمتنها
عصروها وره الباب وضيعو كل حسنها
دمعاتي جريه =لجل امي الزجيه
الوكت العوز والظيم يمي انه ردتها
أم أحمد الساعدي
ـــــــــــــــــــــــــــــــــــــــ
اليفگد أمه يا ناس تضل روحه حزينه
شما يكدر يكابر تفضحه ادموع عينه
تذبحني الحسرات والگلب ابونينه
شكد نحنه وبچينه..عله امنه اتألمينه
راحت مني ابساع ابد ماودعتها
زيـ ـنب الـواسـطي
____
يريت الروح راحت لمن راحت امي
اشم عطرج بلثياب گلبي عليج مدمي
وحيده اني ظليت بس النوح سهمي
من يسأل علينه يالبحظنج ربينه
بعدنه بعازة ارباج يحره ناشدتها
ام حسين الحسني
____
راحت مني ابساع ودهري خان بيه
من شالوها بالليل شفت لوعه وأذيه
مكان الغاليه اليوم خالي بهالمسيه
ظل گلبي بونينه.. منهو يحن علينه
يريت تمر علي كون وبطيفي شفتها
أم صـــــ ـــادق المنصوري
__
((( رابط راثيات العتره )))
تـــمـ بعون الله تعالى ـــت
باقـــ ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 11/جمادي الاول / 1444هـ
لانجيز حذف الاسماء
نسالكم الدعاء
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البي
مؤسسة منبريات للقصائد النسائيه
https://telegram.me/ahmed_alziwar17
كروب 2 خاص بنشر وتلحين القصائد
https://t.me/+tVGiZHdfNq81ZGYy
30 views19:20