2022-12-19 22:20:30
#قصائد_استشهاد_فاطمة_الزهراء_ع
ظليت اصرخ مارحموني
عمداً يابويه ايسطروني
قصيدة لمولاتنا الزهراء عليها السلام
ايعين الله علي من دفن عافيته
وگصد للمگبرة املثم ابچفيته
ــــــــــــــــ ــــــــــــــــ
ايعين الله علي بيده دفن روحه
البيته من رجع وعيونه مشبوحه
تمناها تردله واتشفي اجروحه
ثگل حتى الهوه من يدخل ابريته
زيـ ـنب الـواسـطي
ــــــــــــــــ ــــــــــــــــ
ثگل حته الهووه محتار ضل بامره
من غسلها وحده والدمع يجره
وبيده شالها ونزلها باالحفره
عمت عين الزمان الهيج تاليته
ام وليــــ ــــد الموسوي
ــــــــــــــــ ــــــــــــــــ
عمت عين الوكت يمشي ويخط جدمه.
صبغ رمش الجفن ابيـــــــض كثر همه
دفن زهرة حياته ودمعته تـــــــهمه
الچانت عن مصاب النبي مسليته
ام عـــ ـــلي البابلي
ــــــــــــــــ ــــــــــــــــ
ياسلوة حياته وزهرة اسنينه
نهدم حيله علي ظل يجر بونينه
من يوم الغفيتي ماغفت عينه
اشيصبر روحه لو حنت الام بيته
ام حسين الحسني
ــــــــــــــــ ــــــــــــــــ
يحن لأيام جمعت بينها وبينه
ويتحسر وسف من ينظر ابنينه
يتامى من زغرهم فگدوا احنينه
ويكت دمع الحزن لمصاب غاليته
العلوية أم منتظر جمال الدين
ــــــــــــــــ ــــــــــــــــ
ياسلوة حياته فاطمه الزهره
الله يعين كلبه منكسر كسره
دفن روحه العزيزه وخلص كل عمره
موحش داره ويون اعله راعيته
ام زهراءالفاطميه
ـــــــــــــــــــــــــــــــــــ
((( رابط راثيات العتره )))
تـــمـ بعون الله تعالى ـــت
باقـــ ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /9/ جمادي الأولى / 1444هـ
لانجيز حذف الاسماء
نسالكم الدعاء
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل ا
مؤسسة منبريات للقصائد النسائيه
https://telegram.me/ahmed_alziwar17
كروب 2 خاص بنشر وتلحين القصائد
https://t.me/+tVGiZHdfNq81ZGYy
29 views19:20