8.مؤسسة منبريون للنساء🧿

2023-04-23 14:09:39 تم زيادة 1000 مشترك لقناة اليوتيوب
كذلك يوجد زيادة مشاهدات لليوتيوب
ويوجد ترويج للفيس بوك
وزيادة متابعين الفيس بوك
وزيادة متابعين الانستا
للاستفيار @ahmed_alziwar0
واتساب 07732320742 Open / Comment

2023-04-07 23:36:38 اجمل قنوات التلجرام لنشر وتلحين القصائد الحسينية
https://t.me/+QYhwKvqAiD7e_b1P Open / Comment

2023-04-05 23:30:39 اجمل قنوات التلجرام لنشر وتلحين القصائد الحسينية
https://t.me/+QYhwKvqAiD7e_b1P Open / Comment

2023-04-01 18:15:07 نرفق لكم جميع قنوات مؤسسة منبريون الحسينية اشترك بالقنوات للفائدة

رابط الكروب الرئيسي
( يوجد فيه مسابقات الفائز احصل رصيد اسيا او اثير) للاشتراك
https://t.me/+mylIImyhJe8yNWIy Open / Comment

2023-03-30 04:51:06 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                       
4



قصيده للامام علي ع

حيدريه // نهاية مجلس

اه ياسيف المرادي
شلون طبره طبرته
صوّب الهادي امامي
ونزف دم من هامته

علي.....ياعلي

نزل عل عين وعماهه
والوجه لونه انخطف
حار من راسه يتگاطر
ساح عل خد الترف
خضب لحيته الكريمه
سال احمر مايجف ٢
كام ميشوف الدرب
انعي وابچی یلمحب
ادعي علملعون گول
انشلت ايده الضربته....
اه ياسيف المرادي
شلون طبره طبرته

علي.....ياعلي

راد يتوچه وتدنه
على المنبر ماكدر
طاح ياويلي امامي
شلون وبوكت السحر
اتمدد اعله الگاع نام
وراسه نصين انطبر ٢
التربه شربت من دماه
صاح جبريل بسماه
انهدم ياركن الديانه
المَلَك فز من صيحته....
اه ياسيف المرادي
شلون طبره طبرته

علي.....ياعلي

ماذكر من جان حيدر
يطعمه الخبز وحليب
مايفرقه عن اولاده
ولايحسبه فد غريب
ليش تغدر بالوفالك
انت شو امرك عجيب ٢
يلمرادي شگد جبح
ابد ماغزر ملح
اظلمت الدنيه وهواهه
اختنگت ومارادته....
اه ياسيف المرادي
شلون طبره طبرته

علي.....ياعلي

شاعت اعلوم الامام
الدنيه صارت ضغبره
عافنه وحمّل الوالي
وشال ابونه حيدره
من بعد ينشد علينه
سكن ارض المگبره ٢
اه ياحيدر علي
ياولي ونعم الولي
راح ابوالحمله الشجاع
واخذ كلشي بروحته....
اه ياسيف المرادي
شلون طبره طبرته

علي.....ياعلي

شيعوه احبابه كلهم
بالصياح وبالنياح
كل محب ينعاه بحرگه
والگلب مملي جراح
لبسو هدوم السواد
عليهم وصاير وشاح
صرنه منبعده بضياع
منهو يرعاهه الجياع
حامل النور ورسالة
دين الله بجبهته....
اه ياسيف المرادي
شلون طبره طبرته

علي.....ياعلي



بقلم شاعرة اهل البيت عليهم السلام
       ام فراس الساعدي
غير مبري الذمه لكل من يغيير الاسم
او ياخذ كلمات القصيده وينسبها اليه

مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:06 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                       
I


قصيده للامام علي ع

ماجنت اظنك يلابو تتركني وتروح
وانه بغيابك انهضم وكليبي مجروح


اتنطّرك وكت الفجر ترجع اليه
ياعمد بيتي وخيمته وانته التجيه
مصوّب يردونك الي ورحت منديه
اعمي اعيوني منلبجي ومابطل النوح....
ماجنت اظنك يلابو تتركني وتروح


مانمت ليلي مساهره واصفك باليدين
خويه ابوكم مايرد يلحسن وحسين
ارض النجف طيبه تره وتاخذ الطيبين
مطبور ابونه بهامته ودمايته تفوح.....
ماجنت اظنك يلابو تتركني وتروح


يابويه لاتبطي علي وارجعلي بالعيد
ياهو اليلبسهم بعد ايتامك اجديد
والشيعه تندب بالصلاة وينك يصنديد
ياوجهك الجنه بدر من بالي ميروح....
ماجنت اظنك يلابو تتركني وتروح


الله اليصبر روحي يلوالي اعله فركاك
اذكر دلالك يل ابو واتذّكر ارباك
اشتاك الك صبح ومسيه واكعد انعاك
من شفتك تلوج وتون بس جسد مطروح....
ماجنت اظنك يلابو تتركني وتروح


يابويه محرابك بجه وناحت مصلاك
احبابك لهسه بحزن اشتاكت لملكاك
ندعي يعجلنه الفرج و نلعن العاداك
وناخذ بثارك ياعلي وتطيب الجروح....
ماجنت اظنك يلابو تتركني وتروح

بقلم شاعرة اهل البيت عليهم السلام
  ام فراس الساعدي
غير مبري الذمه لكل من يحذف الاسم والرابط او ياخذ كلمات القصيده وينس

مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:06 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                        U

قصيده للامام علي ع

رجالي ثكيل//

يوالينه .... يوالينه
والحزن خييم علينه...
شيب الراس وعمينه
يمولانه تأذينه

رمضان هل وحنه بوجل/
والدمع تارسها العين
والله مصيبه مصيبتك/
ماتنوصف يابو حسين
تنتحب كلهه شيعتك/
والدمع دم علخدين
علراس تلطم والصدر/
منجازي مانوفي الدين
يامُنجينه .... لتخلينه
بالمرض احنه ابتلينه /
ياعلي بسمك شفينه
يامولانه تأذينه



جينه نعزي فاطمه/
بهذا المصاب الي صار
ننعاك انت سيدي/
ياعلي ياحامي الجار
ننده باسمك كل وكت/
ننخاك وبليل انهار
تاهت علينه المعرفه/
واحدنه شوظل محتار
شوف شبينه ... ياوالينه
ننتظر رحمه تجينه /
تخفف هموم العلينه
يامولانه تأذينه



كل عام نحضر ماتمك/
ومجلس عزاء انسويه
نوزع ثواب ونندعي/
وخاتم العتره انعزيه
ونعازي زينب والحسن/
وحسين ابنه نواسيه
والشيعه تلطم علوجه/
ونبتهل لله وندعيه
خل يهدينه ... نطيعه بدينه
نهتدي وتفرج علينه/
وتسهل الصعبه بدينه
يامولانه تأذينه



يابو اليتامى ياعلي/
ياكافل انت الايتام
كلمن نده بسمك نجه/
يفلح وابد مايلام
خلصنا منجور الوكت/
ومنلطغاة الظلام
واحدنه مایصبر بعد /
ماطبّگ العین ونام
نظره اعلينه... ياحامينا
بلظلم احنه ابتلينه/
وظاگت الدنيا علينه
يمولانا تاذينه



نريدك تجينا وننتظر/
بالهضم احنه وبلهم
تجمع شملنه برايتك /
اطشر وابد مايلتم
هم ترجع ايام المضت/
بوجودك الخير يعم
كل احنه نقره زيارتك/
وبعتابك الجنه نشم
الصاير بينه... من ادينه
كلها تتفرج علينه/
والعمر خلصت سنينه
يامولانه تأذينه

بقلم شاعرة اهل البيت عليهم السلام
       ام فراس الساعدي
غير مبري الذمه لكل من يغيير الاسم
او ياخذ كلمات القصيده و


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:06 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                        ندبه للامام علي ع

نعي //كرناوي

اجيتك ياعلي متحمل اهموووووم
وانت ياشهم كل معضله تحلهه


يداحي الباب يمشكر يجيدووووم
تخيط جروحي وب ايدك تشلهه


تعنيت لحضرتك گلبي مالووووم
علتي اجبيره بس انت دوه الهه


وروحي مدوهنه ومتعوبه للدووووم
واخاف احبابي لو طالت تملهه


عيوني مساهره وماشافت النوووم
وهاي أعمالي ساعدني بحملهه


شكيت الحال عندك ياعلي اليوووم
ودمعتي من جمر عيني تهلهه


منو غيرك يداوي جروح مهضوووم
انده ياعلي ويخف ولَمهه


الك عد الله جاه وشان مختوووم
وهاي الدنيه غرتني بأثمهه


محمل بالمعاصي وجيت مغموووم
ذنوبي الي حنت ظهري شثگلهه


الموت بكل وكت لاحگني وايحووم
على راسي او ياساعه الوصلهه


المرض هد حيلي ومثگلتني الهدوووم
اظن روحي تدنى اليوم اجلهه


بهذيچ الساعه لو وصلت البلعوووم
ادري انت الشفيع وتشفعلهه



٧/رمضان/١٤٤٢
بقلم شاعرة اهل البيت عليهم السلام
ام فراس الساعدي
غير مبري الذمه لكل من يغيير الاسم او ياخذ كلمات  القصيده وينسبها اليه


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:06 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                       




لاستشهاد الامام علي ع

نعي // كرناوي

هذا ياعيد الاجا ومابي علييي
لاتهل گلوله يا عيد الفطر

ريت لاهل واجه هلالك يعيييد
والوصي بشهر الصيام ومنطبر

شلون الك عين وتهل وجهك بيااض
غطي وجهك بَسْود وسوّي ستر

انه شرد احچي وشوّصف لوحچييت
چان ضيغم ابد ميهاب الخطر

علي مومثل الزلم تخلف وعووود
راح المخوفهم ويصگر صگر

موبسيف بچفه ايلاوي اليعيييل
باب خيبر قالعه وسواه جسر

ابد ماگدروا يلاوون الچفووووف
ساجد يصلي اجو غدروه غدر

انهدم ركن الدين وارتج السمااااء
صاحت املاك السما بوكت الفجر

شلون نتعايد سوه بين الاحبااااب
وزينب احزينه و كلبهه منكسر

يافرح ياثوب نلبس ياجدييييد
وتلطم اعله الراس هسه ام الخدر

خل نعاونها انتلاطم عل جبيييين
وكون فوگ صدورنه نخلي اثر

دموعهم تجري الحسن وي الحسييين
من دمه مو دمع يجري وينهمر

كون هسه تراب فوك الراس اذ---ب
شنهو يوم حسابي منهه شعتذر

بس دجرب وانخه بسمه لوتصييبح
يشفع لكل شيعي ابيوم الحشر

لا تلوموني ادك وانحب عليييه
رافضي اموالي علي و بكل فخر


١٠/رمضان/١٤٤٢
بقلم شاعرة اهل البيت عليهم السلام
ام فراس الساعدي
غير مبري الذمه لكل من يغيير الاسم او ياخذ كلمات القصيده وينسبها اليه

مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:05 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                       




قصيده للامام علي ع

يابو الحسن اذوني...ابجي واون خلوني
بلمرتضى فجعوني....

من ابن ملجم صوبه
والراس ينزف خلاه...
جت اليتامه تنتحب
بالباب كامت تنعاه...
ياحيف ايمامي ياخلك
صبّح مخضّب بدماه...
دمه جرى بالمحراب...وبسيف مسموم انصاب
بهل فاجعه عينوني
بلمرتضى فجعوني....

ساجد يصلي للصبح
صايم كظاهه ايامه
بس ابن ملجم مارحم
بالسيف طر الهامه...
ماتمم صيامه الوصي
بالدم صبغ العمامه...
بالارض كبر الصياح.... والسما ضجو بنياح
مهضومه من شافوني
بلمرتضى فجعوني....

عندك علامه بهلفجر
والموت عندك معلوم...
أحبابك اليوم افزعت
وكفت ابابك هليوم...
ياهو اليصلي بشيعتك
يابو الحسن ياجيدوم....
من راحوا لمحرابك ...بالراس صار صوابك
وبطبرتك طبروني
بلمرتضى فجعوني....

يامن تصدق من سجد
للسائلين بخاتم...
هوه الي ردتله الشمس
كدام كل العالم...
زوج البتول الطاهره
بنت النبيّ وفاطم...
للامة كلهه انت الولي ... يابو الحسن واسمك علي
بالكوفه من حرموني
بالمرتضى فجعوني

ننتظره قائمنه يجي
وياخذ بثار المطبور...
والحسن سمو باللبن
وظلع الزجيه المكسور
وجفين ابو فاضل بعد
وثار الحسين المنحور
كلنه نصير جنود اله ... ونهيم وياه بالفلا
ياناس لتلوموني
بالمرتضى فجعوني

بقلم شاعرة اهل البيت عليهم السلام
  ام فراس الساعدي
غير مبري الذمه لكل من يحذف الاسم والرابط او ياخذ كلمات القصيده وينسبها الي


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment