8.مؤسسة منبريون للنساء🧿

2023-03-30 04:51:05 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                       



قصيده للامام علي ع

يارمضان بله اعليك كلي شلونه الوالي
سلملي عليه ارجوك وشكيله شجره بحالي....

من يوم المشى لليوم
ماغمضت تره عيوني
واصييح وين داحي الباب
يهل الخير دلوني
ابوي الينصر المظلوم
ياهل ناس ارحموني
وبدرب النجف مريت يابويه علي ناديت
اكشر صُبح ذاك اليوم والمحراب ضل خالي

كلي شرادوا الظلام
وبراسك يطبرونك
لاهابو شرع لادين
بمحرابك يصوبونك
والشيعه تون اعليك
فدوه ارواحنا دونك
ياهو البعد يحمانه وهذا العيد هلجانه
والايتام حزنانه تبجي والدمع هالي


اجانا العيد يابويه
وخطارك وكف بالباب
يسال عنك ورايد
يابويه اردله اجواب
والشيعه بجت وتنوح
ياهو يصلي بالمحراب
ياهو يكبر بهل عيد ويلبس يتيم جديد
ظليت انحب بعبره لوميته انه اشوالي

راحت ماترد الايام
والكعداتنه الحلوه
بعد ياهو اليسليني
ابوي الجان الي سلوه
ابيع الروح انه واشريه
كلنا انروح اله فدوه
بس ارجع يبو الايتام عيني مساهره متنام
بيتك وحشه وظلمه يبو الحسنين ياوالي

يبويه لاتخليني
احيرن بخوتي والبيت
يريت الي طبر راسك
كلبه ينكسر ياريت
براسي طبرتك هايه
وبكلبي انه تمتيت
تعال ولا تخليني ونشف دمعتي بعيني
بلياك العمر ماريد واشكي الربي العالي


بقلم شاعرة اهل البيت عليهم السلام
  ام فراس الساعدي
غير مبري الذمه لكل من يحذف الاسم والرابط او ياخذ كلمات القصيده وينسبها الي


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:05 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.




قصيدة نعي للامام علي ع

نعي //طور الحدي الركباني

كاني بالعقيله زينب عليها السلام
تنعى والدها

تشكي الحال لامها الزهراء عليها السلام

شتكول:- اااااه يمه

جانه يجر خطوته/ والوجه لونه اصغر

سندوه حسين وحسن/ وكت الفجر منطر

ياوسفه طاح الولي/ جبريل من كبّر




يايمه جاني الولي/ مطبور بالهامه

مدري اتَجّي اِله/ لو انزَعه العمامه

مدري اضمد الجرح/ لو امشي كدامه




يمه علعين دمه يصب/ مايكدر اِيوَچدْ

يستغفر القاتله/ ويصلي ويوحد

يابويه لاتحتضر/ ويّامن نعييد




ماحسّبت هلوكت/ ولاجانت ابالي

ولاشفت طبرت علي/ لو ميته اشوالي

مصلاته تنعه وتون/ وظل منبره خالي




ايتامك تسطرت/ وكفت على بابك

مدري شجاوب حرت/ منتسال احبابك

ريت ايده كون بكسر/ الملعون من صابك


بقلم شاعرة اهل البيت عليهم السلام
  ام فراس الساعدي
غير مبري الذمه لكل من يحذف الاسم والرابط او ياخذ كلمات القصيده وينسبها الي
                       


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:05 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                       




قصيده للامام علي ع

طور// عذبني درب الشام ملا باسم الكربلائي

اذكرت الابو من چان
ويه اخوتي برمضان

ودمعت اعيوني عل فارگوني
عل فارگوني


ساجد يصلي الصبح ظل بالمحراب
جاني الخبر مطبور ابوي ومنصاب
وعيني بقت تنتظره ظلت علباب
بس الدمع يجري بعيوني وسجاب
حسين وحسن جابوه
بوسط النزل خلوه
وخابت اظنوني عل فارگوني
عل فارگوني


وصه أخوتي بالاسير الملعون
اسكوه ماي العذب من تشربون
اني اعفي عنه لو شفيت وتدرون
وبضربه وحده لواموت اتضربون
استشهد ابو الكلفات
وخلاني بالحسرات
بلّه عينوني عل فاركوني
عل فاركوني


محرابه ظل مليان منراسه دموم
ماتمم اصيامه الوصي والجيدوم
ريت الصبح لاصار لاشفت النوم
وعيوني عميه ومايشوفن للدوم
ولا اشوف ابو الحسنين
راسه انطبر نصين
وبيه افجعوني عل فارگوني
عل فارگوني


يادنيه ليش وياي دوم تخونين
مالج امان وابد لا ما توفين
خنتي بحبابي الي احبهم تدرين
حرمتيني منهم والگلب ظل احزين
من شال ابو الكلفات
لامايرد هيهات
ومنه احرموني عل فارگوني
عل فارگوني


بيش اسليهه الروح لو تذكرهم
والگلب شيب دوم ظل يفگدهم
وفكري انشغل والبال رايح عدهم
للنجف كلمن راح بويه انشدهم
مني شيريد البين
وانهدم ركن الدين
ماجاوبوني عل فاركوني
عل فاركوني


٢/رمضان / ١٤٤١
بقلم شاعرة اهل البيت عليهم السلام
       ام فراس الساعدي
غير مبري الذمه لكل من يغيير الاسم
او ياخذ كلمات القصيده وينسبها ا


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:05 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                       




قصيده للامام علي ع

على طور// هذا الغريب منين

هذا الدماء منين
لمصابه تعمه العين
بي فايض المحراب كالولي داحي الباب

عاده اليصلي يشيعه
يسجد يطوّل سجوده//
يدعي من ربه ويسبّح
بلكت الباري يعوده//
بس امام الشيعه ماظن
چَنّه امطوّل ركوده//
يضربه الظالم بسيفه
بانت انيابه وجحوده//
راسه انجسم نصين والدم جمد علعين
من شفته گلبي ذاب گالولي داحي الباب


تأمروا هليله كلهم
نضربه براسه ونصوبه//
حتى لايصعدله منبر
نگطع انفاسه ودروبه//
احنه مانگدر نواجه
هل شجاع بكل صعوبه//
ناخذ بثارات اهلنه
من علي الفاز بحروبه//
هليله مصوبين فارس بدر وحنين
من صوبه ماخاب كالولي لداحي الباب


جتّه الشيعه تهمهم
تلطم الراس وتنادي//
تسال الناس اعله حاله
شنهو صار وشنهو سادي//
الف ياحيف وحسافه
صوبه سيف المرادي//
امنيه ورادوهه صارت
يضربوه گوم الاعادي//
اختاروله الرَّباه واسترجل وضرباه
هذا الرجس ماهاب كالولي داحي الباب


الطبيب الشاف جرحه
ايس وكام اعله حيله//
من وصل للهامه گلهم
مااظن ينجه بوسيله//
جرحه ميطيب بسهوله
سَمّته اهل الرذيله//
من بعد هاي الليالي
ما اظن يبقاله ليله//
ايمامي ناوي ارحيل حضروله نعشه بليل
هذا الجرح ماطاب كالولي داحي الباب


ياصباح اگشر علينه
صيحوا زينب خل تودعه//
صار تكبير بسمانه
والارض كلهه تسمعه //
وتبچي علمظلوم ابوهه
وتحضر احبابه وتشيعه //
بلنجف صارت دفنته
شيعته بلحضره تنعه//
تتباچه الاملاك وارتجت الافلاك
نور الوصي من غاب كالولي داحي الباب


١٠/ رمضان/ ١٤٤١
بقلم شاعرة اهل البيت عليهم السلام
       ام فراس الساعدي
غير مبري الذمه لكل من يغيير الاسم
او ياخذ كلمات القصيده وينسبها اليه

مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:05 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                        قصيدة للخدام

علي حيدر سفينه
صعدنه اله وسرينه
صعدنه بوفه وخلاص
درس علمنه عباس
وعله نهجه مشينه
علي حيدر سفينه


اصعد للسفينه بدافع الشوك
خليك انته ناصي والخدم فوك
تسجل موقفك الصعدت النوك
تواضع استمع زين
يوقعلك ابو حسين
علي حيدر سفينه
العلويه ام رقيه

•───✧◐ ◐✧───•

شماتتواضع ايصعدك ابوحسين
علي مايحب واحد عنده وجهين
ايريد الي يخلص بالعمل زين
شماتنزل يصعدك
ثق لا ما يردك
علي حيدر سفينه
ام عمار الصائغ

•───✧◐ ◐✧───•

سفينه شراعها للحسن وحسين
شماسوينه مانوفيله دين
دمعك دم يصب خليه منلعين
نحبه مو بدينه
علي هوه وبنينه
علي حيدر سفينه
ام فراس الساعدي

•───✧◐ ◐✧───•

تمسك عروة الوثقى وحبلها
بالك تكطع ارجاهم تملهـــــا
علي شافع الامه ولم شملها
راقب خدمتك وين
يوقعلك ابو حسين
علي حيدر سفينه
ام اسعد الشمري

•───✧◐ ◐✧───•

اخذ عبره ووفه من الحيد عباس
حافظ عالعقيده بصدق واحساس
علي منهج قضيه تتبعه الناس
مدرسته ربينه
تره اسس مدينه
علي حيدر سفينه
ام محمد الخطيب الموسوي

•───✧◐ ◐✧───•

بشوگ نريد نصعد نعتلي وياه
حيدرنه علي كلنه گصـــــدناه
شما نتواضع انول لعطايـــاه
سفينه للمحبيـــــــن
يوقعلك ابو حسين
نبضي حسين

•───✧◐ ◐✧───•

علي حيدر سفينه وهولشراع
ومن ساراعله نهجه ابدماضاع
هوه ذاك الأسد واشبوله لسباع
ابطريقه احنه ماشين
يوقعلك ابوحسين
علي حيدر سفينه
سلمى أم جعفر

•───✧◐ ◐✧───•

بالاك الاتغرك دنيه وديان
حبك ياعلي يجري بشريان
ليعوفك سيدي هوه الخسران
على حبك ربينه
وعليك تعلمينه
علي حيدر سفينه
ام احمد العبودي بغداد

•───✧◐ ◐✧───•

علي حيدر ياتاج المعالي
صعدنه بالسفينه كل موالي
على نهجه مشى له كل غالي
يشفع للمحبين
يوقع لك ابو حسين
علي حيدر سفينه.
"""""
ام عبد الله شويهين.
ام البنين

•───✧◐ ◐✧───•

علي نادي ويدير بالك لاتزل
هـذا باب الله وحبل المتصل
عن الامامه ترى كلنه ننسئل
نخيه ابدمعة العين
معتقد النه ويقين
ينجــي المحبين
علي حيدر سفينه
ام عباس الحسيني

•───✧◐ ◐✧───•

نخدمكم نريد احنه الشفاعه
متقصرون ندري بكل قناعه
خسر كلمن علي الكرار باعه
وحق الضحه چفين
يوقعلك ابو حسين
وبنهجه اقتدينه
علي حيدر سفينه
ام مهدي الفرطوسيه

•───✧◐
تـــمت بــــعون اللــه تعـالى ـــ بأقــلام الشاعـ ـــرات المبدعــات فــي رابــطـــة الأمـــام الحســــن عــليــه الســلام لايجــــوز شررررررررعاً حذفـــُ اسمــاء الشاعـــــ رات او تغيــــ


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:05 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                        قصيده للامام علي ع

راح مني .... الوالي راح
عسى لاطر هلصباح

طاح والينه علي
جابعد ياهو الالي
وانه بالدنيه شلي
منلعمامه دمه فاح.....
راح مني.... الوالي راح

انطبر كالو بالسجود
وهوه لبيتي عمود
علي ياراعي الزود
الكون صبح بالنياح....
راح مني.... الوالي راح

بسيف مسموم انطبر
وراسه نصين انشطر
ياهضيمه و ياقهر
بلسمه كبر اصياح....
راح مني.... الوالي راح

راح صاحب ذوالفقار
ياعلي حامي الحار
انضربت اعلوم الاسرار
ودمه بالمحراب ساح....
راح مني.... الوالي راح

اسمه ظل بس بل اذان
اليوم يمكن موته حان
ياشفيع انسٍ وجان
هوه حي اعله الفلاح...
راح مني.... الوالي راح

اليقتدي بيه ويوالي
الدنيه ترفع بيه عالي
يصبح منهمومه خالي
يفوز بالجنه ونجاح....
راح مني.... الوالي راح


بقلم شاعرة اهل البيت عليهم السلام
  ام فراس الساعدي
غير مبري الذمه لكل من يحذف الاسم والرابط او ياخذ كلمات القصيده و


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:05 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                        لاستشهاد الامام علي ع


الطور// تجليبه

تصوب هيبة الأسلام فوك الهام
الف وسفه والف ياحيف ياظرغام
$$$$$$$$$$$

ابو الحملات اجتي طبرته ابراسه
كلبه ذاب يحس اوظاكت انفاسه
اجت تتراكض التمت عليه ناسه
انصاب الجان قدوه وهيبه للأسلام....

ام عمار الصائغ
$$$$$$$$$$#$

اجاه ابنه الحسن شاف الابو مصيوب
بيد انذل عدو تجاسر على المهيوب
حماي الحمه يل بالشدد مندوب
لمصابك تنوح الخلك ماتنلام ....

ام جعفر الايرواني
$$$$$$$$####

ياوسفه الاسد طايح على الكاع
ارتج الكون هذا الخبر من شاع
ودعنه النفل ياخلك شيساع
راح وعافنه الليله ابو الايتام....

ام فراس الساعدي
$$$$$$$$$$$$

الشيعه تصيح كله هنا يالوالي
وسفه بيد ملجم تنضرب تالي
يرداد الشمس كوم النه يالغالي
يمشيع الدين بأمر واحكام ....

ام محمد الخطيب الموسوي
$$$$$$$$$$$$

بلمحراب يبويه الدم ترس شيبك
عساها انشلت ايده المجرم ايصيبك
اجرك للجليل اتوفظه اوحسبك
خلوا هالصوايح ولطم كل يوم.....

ام مازن
$$$$$$$$$$$$

انضرب حامي الحمه الكرار بلهامه
و زينب يمه اجت اوتصرخ ايتامه
اكبال عيوني اشوف امخظبه العمامه
والشيعه عليه محزنه وناشره الاعلام....

ام صادق كركوك
$$$$$$$$$$$$

الشيعه الليله كلها بحزن تبجيله
أرض وسمه هاذا اليوم تنعيله
وادموع الحزن من عينها اتسيله
ابو الحسنين وسفه غدرته الظلام....

الشاعره ناعيه كربلاء عاشقة الطف ام محمد آل درويش
$$$$$$$$$$$#
تـــمت بــــعون اللــه تعـالى ـــ بأقــلام الشاعـ ـــرات المبدعــات فــي رابــطـــة الأمـــام الحســــن عــليــه الســلام لايجــــوز شررررررررعاً حذفـــُ اسمــاء الشاعـــــ رات او تغيــــ ــــررر


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:05 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                        لأستشهاد الامير ع///وزن الشبكها ///
•••••••••••••••••••••••••••••••••••••••••••••••

هلله هلله علي وينه. على الهام مطبرينه

┈••●••┈ ┈••●••┈ ┈••●••┈

تروح يا عزنه اولينه..... هلله هلله علي وينه
وزينب تنوح وحزينه... هلله هلله علي وينه
تنشد عليك الحنينه.... هلله هلله علي وينه
تغيب شمسك يا علينه

#نبضي_حسين

┈••●••┈ ┈••●••┈ ┈••●••┈


عليه تبچی الیتامه. هلله هلله علي وينه
ناحو بنوح الحمامه.. هلله هلله علي وينه
مطبرينه على الهامه.. هلله هلله علي وينه
وبصلاته مصوبينه

#عـلــویــه_ام_فــاضل

┈••●••┈ ┈••●••┈ ┈••●••┈


علي هذا الطبر مرحب.. هللله. هلله علي وينه
يا وسف بلفجر غرب... هلله. هلله علي وينه
والكلب بفراكه عطب... هلله. هلله علي وينه

وبفركته اتعذبينه

بقلم العلويه زهراء النور
┈••●••┈ ┈••●••┈ ┈••●••┈

انهارت الكوفه برحيله.. هلله هلله علي وينه
ابـد ما نلــگه بمثيله... هلله هلله على وينه
انفطر دلال العقيله... هلله هلله علي وينه
الغالي رايح من ايدينه

خ_ألحُسينية

┈••●••┈ ┈••●••┈ ┈••●••┈

علي ابونه مصوبينه .. هلله هلله علي وينه
ويلي مطبور بجبينه .. هلله هلله علي وينه
شيعته الليله حزينه.. هلله هلله علي وينه

بفگد ابونه اتعذبينه
#خادمة_الحجة
┈••●••┈ ┈••●••┈ ┈••●••┈

تهمل الدمعه وتنوح ....هلله هلله علي وينه
عليه مصيوبه بجروح ...هلله هلله علي وينه
البابه ايتامه تروح ......هلله هلله علي وينه
راح حيدر مايجينه .....

خادمة ابا الفضل ..ام سجاد
┈••●••┈ ┈••●••┈ ┈••●••┈

شبعت الشيعه هضايم .. هلله هلله علي وينه
كل سنه ننصب مئاتم .. هلله هلله علي وينه
ياخذ بثاره القائم .. هلله هلله علي وينه
علي هوه اليحامينه....
ام فراس الساعدي


تمت بحمد الله بأقــــــــــ لام شاعرات مهدويات الهوى
المصادف/الاحد /٢٧ /٣ /٢٠٢٢
حقوق النشر محفوظة عند سيد الشهداء ع

٢٤/شعبان/١٤٤٣
غير مبري الذمه لكل من يغيير الاسماء او ياخذ كلمات  القصيده وينسبها ال


مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:04 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                       
قصيدة رجالي
(نصاري مذيل)
ماريد.. اهل دمعي وانوح بشهر رمضان
حيدر.. يفجعونه بمصابه وكت الاذان

ياحيدر... ياحيدر..


يلفينه الشهـــــر ياناس بالآه
قرآن الاله يفيــــــض بدمـــاه
بمحرابه خضيب وآه.. ويلاه
جبريل بحزن ياناس.. ينعــاه

ماريد...مامش عيد نلبس ثوب الاحزان
ماريد.. اهل دمعي ونوح بشهر رمضان
ياحيدر... ياحيدر..
ـــــــــــ❃❃❃ ــــــــــــــــــــــ❃❃❃ ـــــــــــ

حزنانه وونن شهر همــــــــــــــي
ومهضومه صبحت الحزن سهمي
اعله ابوي وهيبتي العين تعمــي
ماطاب الگلب من جـــــرح امــي

العيد،... شلي بيه و ابوي بدمه غرگان
ماريد.. اهل دمعي وانوح بشهر رمضان

ياحيدر.. ياحيدر
ام روكان الشمري
ـــــــــــ❃❃❃ ــــــــــــــــــــــ❃❃❃ ـــــــــــ
يمن بيك الشدد تنحل ياكرار
الك كوثر الكون وكل الانهار
مفتاح الجنان وبيـــك القدار
مشكاة الحقيقه ونور الانوار

بحزان..بعد حيدر اگظي العمر بحزان
ماريد..اهل دمعي ونوح بشهر رمضان
ياحيدر...ياحيدر

بقلم العلويه ام رقيه
ـــــــــــ❃❃❃ ــــــــــــــــــــــ❃❃❃ ـــــــــــ
اركان الهدى طاحت لمن طاح
ونفصمت العروه الملك صــاح
الجن والانس الكل صرخ راح
وحور العين والولدان بنيـــاح

ماريد....سود البس ثيابي وكلبي وجعان
ماريد.....اهل دمعي ونوح بشهر رمضان
ياحيدر...ياحيدر
ام عمار الصائغ
ـــــــــــ❃❃❃ ــــــــــــــــــــــ❃❃❃ ـــــــــــ
ياوســــــــفه الوصي ماتمم الصوم
وبفرض الصلاه يغدرونه الگــــــوم
فززني الصيـــــــــــــاح بالذه النوم
صبح ركن الهدى ياخلگ مهدوم

ماريد ٠٠ الفرح صار الحزن ولـسمي عنوان
ماريد.. اهل دمعي ونوح بشهر رمضان

ام مهدي الفرطوسيه
ـــــــــــ❃❃❃ ــــــــــــــــــــــ❃❃❃ ـــــــــــ
حسافه بلصلاه ياويلي غدروه
زمره كافره بجبينه صابــــــوه
الرباهم يوسفــــه همه خانوه
والايتام كلها اليوم ينــــــــعوه

مطبور.. ابونه ودمه يجري على التربان
ماريد..اهل دمعي وانوح بشهر رمضان
ياحيدر... ياحيدر

ام فراس الساعدي
ـــــــــــ❃❃❃ ــــــــــــــــــــــ❃❃❃ ـــــــــــ

علمك من الفاني هدم الحيــــل
صحت حيدر علي يابويه ياويل
مطبور بجبينه ودمهه يسيـــل
بعد عيني يبويه حيـــلك انحيل

ماريد.....اشوف الغالي ينزف حيل تعبان
ماريد .... اهل دمعي ونوح بشهر رمضان

ياحيدر.....ياحيدر

ام احمد العبودي بغداد
ـــــــــــ❃❃❃ ــــــــــــــــــــــ❃❃❃ ـــــــــــ
رافكني الحزن يا داحي الباب
ودمعي لفاطمه لساه سجــاب
غدار الزمن والزمـــــن دولاب
بغمضة عين مني الگمر غـاب
الدلال.... لجلك يالولي لايج وحيران
ماريد.. اهل دمعي وانوح بشهر رمضان

يا حيدر.. يا حيدر
نبضي حسين
ـــــــــــ❃❃❃ ــــــــــــــــــــــ❃❃❃ ـــــــــــ
#_منتدى_القلم_الفاطمي
٢٤/شعبان/١٤٤٣
غير مبري الذمه لكل من يغيير الاسماء او ياخذ كلمات  القصيده وينسب

مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment

2023-03-30 04:51:04 #قصائد_الامام_علي_ع_


.     الله وياك يالشايل للكبور
بوية نوادعك وكلوبنة تفور

.

                       
قصيدة للإمام علي ع

لسان حال مولاتي الحوراء زينب ع تخاطب والدها أمير المؤمنين /النصوص موشح
❥━──➸➽❥ ❥━──➸➽❥

تسعطش رمضان
تبدي الاحـــــزان
الليله الريســـان..... الليله رايح

❥━──➸➽❥ ❥━──➸➽❥

ليش اشوفك بويه ناوي علرحيل
صعبه والله فركتك حامي الدخيل
گلبي من بعدك يظل دومه عليـــل
ودنيتي ظلمه يبويه جنها لـــــيل

لحامي الجيران
گلـبي بالنيران
الليله الريســان... الليله رايح

#خادمة_الحجة

❥━──➸❥ ❥━──➸➽❥

الليله رايح يا عمادي يا علــي
بروحتك مهدوم حيلي يالولي
منهو اليگلي يبويه ادللـــــــي
واشبع مهظميه يا هيبة هلـي

والدمع غـدران
لشجع الشجعان
الليله الريسان..... الليله رايح

#نبضي_حسين
❥━──➸➽❥ ❥━──➸➽❥


بويه مصابك صعب ماذينــــــي
وبرحيــلك يطفي شمع أسنيني
عگبـــ عينك يلولي تخلينــــــي
بلا نظر عيـني ومنو يدليــني

اغله الــخلان
رايح بهــلآن
الـليله الريسان .... الیـــله رایح

خ_ألحُسينية

❥━──➸➽❥ ❥━──➸➽❥


راح مني وطفت عيني بروحته
صرت احن واشتاك اله ولشوفته
والله هد حيلي ابوي بموتته
صعبه كلش ما احملها فركته
موحشه الديران
الداحي البيبان
الليله الريسان ...الليله رايح

ام فراس الساعدي

❥━──➸➽❥ ❥━──➸➽❥

تنعه هلايتام بويه الفركتك
اكبر مصيبه عليه مصيبتك
ذاب دلالي يبويه بمحنتك
انفجعت الأملاك كله لقصتك

اتوسد بتربان
والفكر سرحان
الليله لريسان.... اليله رايح

بقلم العلويه زهراء النور

تمت بحمد الله بأقــــــــــ لام شاعرات مهدويات الهوى
المصادف/ الجمعة/٢٥ / ٣ /٢٠٢٢
حقوق النشر محف

مؤسسة منبريات للقصائد النسائيه
https://telegram.me/ahmed_alziwar17

كروب 2 خاص بنشر وتلحين القصائد
https://t.me/+tVGiZHdfNq81ZGYy Open / Comment