2023-03-03 14:11:20
#قصائد_مواليد_شعبان_متباركين_بولادة_اقمار_ال_محمد_ص
——————————
قصيدة لامام الزمان عج
اضل انتظرك يصاحب هلزمان*
سيدي بوجودك انحس بلامان*
احنه ملينه الصبر
بغيبتك ضاع العمر
الأمر بيد الله وكل يوم بشان.....
اضل انتظرك يصاحب هلزمان*
سيدي بوجودك انحس بلامان*
امل بلله يااملنه/ هواي طال الانتظار
روحي ملت منعمرهه/ گلي فات شچم قطار
مُره الجمعه بغيابك/ ندبتي صارت حوار
تدري لوما انتظارك/ انه اعيش بانكسار
الدنيه مابيها ضبط
بيدك الحل والربط
يمته تظهر يله ما آن الآوان.....
اضل انتظرك يصاحب هلزمان*
سيدي بوجودك انحس بلامان*
والله حيره ياامامي/ اختلطت اعلينه الأمور
ضاع بيها الحگ علينه/ الشيعه اتعيش بنفور
ذاك من ذاك التشوفه/ حافظ ايمانه وصبور
كرهوا حجاب العقيله/ ورادوا اللبست سفور
اظهر وسويلي حل
بالله وبيك الامل
ضايع المعروف والمنكر سيان.....
اضل انتظرك يصاحب هلزمان*
سيدي بوجودك انحس بلامان*
سيان: بمعنى تساوو
بكل مكان الدنيه صارت/ لاهيه ولعب وهرج
انغرت الشبان بيهه / وذاك عن دينه خرج
بس قتال وكثر بيهه/ القال والقيل ومرج
واحنه ندعي بكل صلاة/ ياربي عجل بالفرج
نحجي محد يستمع
والشمل ماينجمع
جن فرسنه انفلت منه عدهه العنان.....
اضل انتظرك يصاحب هلزمان*
سيدي بوجودك انحس بلامان*
خربت وماكو تئالف/ والاخو ميريد اخوه
العيله كلهه اتشتت / والابن يكره ابوه
لعبوا بخلقت الباري /وكلشي بيهم غيروه
بالموبايل ملتهين /حتى دين الله نسوه
مالت وماتنعدل
ارجعلنه يانفل
اشهر البتار وامحي المعاند والجبان.....
اضل انتظرك يصاحب هلزمان*
سيدي بوجودك انحس بلامان*
نريد من ايدك تحلهه /هواي صارن مانعد
والخراب بكل مدينه / لا هواي بكل بلد
ظلمه صارت هلسنين /فرح ماكو لاسعد
طالت الغيبه علينه/ والله ملينه البعد
هم تجي وتاخذ الثار
بيدك انت كل قرار
نمتثلك بلاوامر انت من تنطي بيان .....
اضل انتظرك يصاحب هلزمان*
سيدي بوجودك انحس بلامان*
١١/شعبان/١٤٤٤
بقلم شاعرة اهل البيت عليهم السلام
ام فراس الساعدي
غير مبري الذمه لكل من يغيير الاسم او ياخذ كلمات القصي
———————-
مؤسسة منبريات للقصائد النسائيه
https://telegram.me/ahmed_alziwar17
كروب 2 خاص بنشر وتلحين القصائد
https://t.me/+tVGiZHdfNq81ZGYy
235 views11:11