Dr.Ahmed Elzalitini

2023-01-16 00:33:28 السلام عليكم طلبتي دكاترتنا الدفعة 48 ثالثة بشري
اول شي سامحونا علي قلة التواصل الايام الي فاتن كنت نمر بوعكة صحية قوية رقدتني حوالي اربع ايام (حرارة وأبراد) بس الحمدلله اليوم الوضع افضل وشكراً لكل الطلبة الي نشدو عليا وفقدوني وبارك الله في الجميع يا خوتي وخواتي

ثاني شي نحب نوضح لطلبتي اني حنتوقف نهائياً عن إعطاء محاضرات المايكروبيولوجي في المعاهد بالنسبة لكلية الطب البشري نظراً لانشغالي ولظروفي الخاصة فياريت تسامحونا يا طلبة وبالنسبة لباقات التدارك مستمرات في باقة الثلاث مواد (بارا وفارما وباثو) او باقة مادتين (فارما وباثو - باثو وبارا - فارما وبارا) والي انسجم مع طريقتي وعطائي في المايكرو بالله يسامحنا واجد وبالنسبة للي يسألني منين نقروها ننصحكم تقروها من الدكتور محمد العماري لأن هو الي قرانا في المايكروبيولوجي وانا شخصياً كنت طالب عنده ايام ثالثة .

بخصوص البارسيتولوجي زي ما تعرفو موعد المحاضرة الاولى كان مفروض يوم الثلاثاء السابق الساعة 10 مساءً بس للاسف صار جو شين وبلاغات من ايميلات وهمية لعند حذفو محتوى المحاضرة ولذلك حيكون في سيناريو جديد في الاشتراكات بالنسبة لقنواتي الخاصة لأن العبدلله موتيلكم قريب اربع قنوات مفيدة بكل في سنة ثالثة بشري وحنعلنو عن كل قناة في وقتها باذن الله تعالى بس هذي اول قناة وبدا فيها اللبز والبلاغات والجو الشين ، والبارا مازال بدري بكل بكل عليها لان احتمال كبير مافش اصلاً امتحان جزئي اول في البارا حسب المعلومات الي جني عن القسم بس برضو حنبدو وحنكمل قبل الجامعة زي كل سنة باذن الله تعالى .. بما ان هذي اول قناة وصار فيها هكي وبلاغات وجو شين معناها حيختلف نظام التسجيل وحيكون في نظام أدق ومنظم اكثر باذن الله تعالى ...

نحن اليوم الأحد بتاريخ 2023/1/15 م ركزو معايا بالله يا 48 ، الي حاب يحضر باراسيتولوجي في القناة الخاصة بيا ياريت يطبق الكلام الي توا :

1 - حنكون متواجد في معهد التدارك من الساعة 1 ظهراً الى الساعة 7 مساءً (أيام الثلاثاء والاربعاء والخميس الجايات )

- تاريخ 1/17 الموافق الثلاثاء يوم خاص بالطلبة الي دفعو قيمة كاملة (150 دينار) ياريت يجو من جديد (سامحونا بالله عليكم) لمعهد التدارك بين الساعة 1 و 7 ويجيبو معاهم (البطاقة الدراسية - صورة من البطاقة الدراسية)

- تاريخ 1/18 الموافق الاربعاء يوم خاص بالطلبة الي دفعو قيمة غير كاملة ( 100 أو 50 أو أي قيمة غير كاملة) ويجيبو معاهم (لبطاقة الدراسية - صورة من البطاقة الدراسية) .

- تاريخ 1/19 الموافق الخميس يوم خاص بالطبة الي مازالو ما اشتركو بكل وحابين يشتركو في القناة ويقرو معايا البارا وبرضو يجيبو معاهم (البطاقة الدراسية - صورة من البطاقة الدراسية)

نوعدكم السنة هذي بما أن اغلبكم عجبكم شرحي في المايكرو وان شاءالله حيعجبكم شرحي اكثر في البارا بالطريقة الجديدة وحانزل دروس لغة انجليزية مفيدة بكل لسنة ثالثة بشري في قناتي العامة وحنوضح ليش انا مركز عاللغة في سنة ثالثة

ممكن حد يسأل ليش الشحورة هذي يا دكتور ماهو جينا ودفعنا ليش نجو اخرى والدنيا مطر وصقع حرام عليكم ؟


الإجابة ببساطة لأن الدكتور بعد بدا في المحاضرة الثلاثاء الي فات الساعة 10 مساءً لقيت ان الفويسات ينحذفن من البلاغات لأن العبدلله طيب وضفت وجدين بكل بلاش وضفت وجدين ما نعرفهمش و دافعين قيم بسيطة بكل وفعلاً زي ما يقولو (خيرا تفعل شراً تلقى) فكلمة شكراً حصلتها الثلاثاء الي فات في البلاغات وتصكيرة قناتي ، فأنا واعوذ بالله من كلمة انا كدكتور احمد الزليتني مش مستعد نتعب ونفكر وندير فكرة القنوات الخاصة الي هي مريحة بكل للطلبة بالذات في الصقع والمطر وانسجمو معاها ال47 الدور الثاني وكانت نسبة نجاح جماعتي 90 % وبعد التعب هذا يجو مجموعة مريضة يخربو علينا شغلنا (والله ماهي صايرة والفكرة مش حتموت) ولذلك الاجراء الي وضحته فوق ياريت نطبقوه وياريت كل حد يلتزم باليوم متاعة ونذكركم مرة ثانية

الثلاثاء القادم .. الطلبة الي دافعة قيمة كاملة
الاربعاء القادم .. الطلبة الي دافعة قيمة غير كاملة
الخميس القادم .. الطلبة الي حابه تشترك

بعد تنتهي القصة يوم الخميس ونعرفو الي لنا والي علينا حنصكر الاشتراك نهائياً في قناة البارسيتولوجي وحنبدا في شرح المحاضرات الاسبوع القادم (موعد المحاضرة الاولى حتكون الاحد بتاريخ 1/22 ) Open / Comment

2023-01-13 02:46:24 . Open / Comment

2023-01-10 21:44:32 Open / Comment

2023-01-10 21:44:23 Open / Comment

2023-01-07 03:07:34 أهم نقاط كورس bacterial structure Open / Comment

2023-01-03 22:15:17 توضيحات بخصوص الباراسيتولوجي للدفعة 48 (كلام مهم جداً) د. أحمد الزليتني Open / Comment

2023-01-03 22:07:05 ثالثة بشري - دفعة 48
للتذكير بمحاضرة بكرة الاربعاء في معهد التدارك في نفس الموعد :
9:30 / 12 فارما مع د.فراس العريبي
12 / 2 مايكرو مع د.أحمد الزليتني
2 / 4 باثولوجي مع د.نجيب الترهوني
حيكون في (مجموعة جديدة ) الأسبوع القادم باذن الله Open / Comment

2023-01-03 04:04:55 للتسجيل في القناة الحضور لمعهد التدارك والتواصل مع (عبدالحميد التاورغي) الي حيكون متواجد يومياً في التدارك بعد الساعة 11 الظهر لعند المغرب (رقم عبدالحميد 0910748034 )
قيمة القناة : 150 دينار تدفع مرة واحدة تشمل منهج السنة بالكامل.
لأي استفسارات في مواد سنة ثالثة بشري والي عنده أي مشكلة في القيمة والي ماعندش وعنده ضيقة مالية ياريت يتواصل معايا @ZeltoAhmed ويدوي معايا وما نقصرو مع حد باذن الله والي نتاخرو عليه في الرد يعذرنا لكن بشكل شبه يومي نحاول نرد على الجميع .
موفقين والحمدلله هكي الرؤية واضحة للجميع بخصوص الباراسيتولوجي وحيكون لنا توضيحات غداً بخصوص المايكرو
د. أحمد الزليتني Open / Comment

2023-01-03 03:48:41 الفقرة السادسة والأخيرة / السيناريو الي حيصير بإذن الله تعالى .

مبدئياً لعند الجزئي الأول مش حيكون في بارا في المعهد لأن الموضوع مش مستحق انكم تجو للمعهد علي سبه ثلاث محاضرات في مفصليات الأرجل فبالنسبة للجزئي الأول حنشرح عالقناة الprivate channel فقط لا غير(القناة الجديدة متاع 48 درتها وضفت فيها الطلبة الي اشتركوا معايا)
س-امتى ينزلن المحاضرات في القناة يا دكتور ؟
بالنسبة للجزئي الأول حيقعد موعد محاضراتي في القناة بعد الجامعة بثلاث أيام يعني مثلاً يوم 3/1 تاخذو مقدمة عن البارا انا المقدمة انزلها يوم 6/1 وهكذا ، ممكن في الجزئي الثاني نقعد سابق الجامعة او ماشي معاهم في نفس النسق لان ضغط لكن الجزئي الأول المنهج خفيف والطريقة مازالت جديدة ولذلك يستحسن التمهل ، بعد ما نكملو محاضراتنا نقعدو انزلو في أسئلة وحاجات مهمة لعند يوم الامتحان.

س – هل ديمه قناة يا دكتور مش حيكون في كورسات في المعهد ؟
مبدئياً الشغل في القناة لو في مكثف حيكون بعد الجزئي الأول وانتم طيبين ويكون بالطريقة الجديدة.

س - بالنسبة للمنهج الورقي؟
كل محاضرة قبل ما تنزل في القناة حينزل الشيت متاع المحاضرة عند سليمان وتصوير التدارك باذن الله كل محاضرة بشيتها على مدار السنة. Open / Comment

2023-01-03 03:23:10 الفقرة الخامسة / بخصوص المنصة .

بديت نسجل في فيديوات منهج الباراسيتولوجي (بالطريقتين – طريقة العائلات والطريقة الجديدة) في منصة (أكاديميا) ولكن يبدو ان مش حتكون الفيديوات جاهزة الا في شهر أربعة أو خمسة الجاي يعني ما ينفعش تراجي تشترك في المنصة لأن جدولي مضغوط وجدول المنصة مضغوط وبنغازي بالذات مع الطريقة الجديدة ننصحش حد يعتمد عالمنصة بشكل كلي ، بنغازي بالذات محتاجين تركيز وجودة يتوفرن في القناة اكثر من المنصة ، القناة تعطي تركيز اعلى ومحتوى متنوع وشامل بطريقة منظمة والشي هذا مهما كان الفيديو سمح والمونتاج عالي مش حيتوفر في المنصة ، المنصة ننصح بيها اكثر الطلبة الي بره بنغازي حيستفيدو منها بكل وبرضوا انتم حتستفيدو منها لأن حنرتبها بالطريقتين وحتختارو الطريقة الجديدة بس نقصد انها مش حتكون مناسبة لمحتوى الجزئي الأول بالذات. Open / Comment