‎Kitn.net کەی ئای تی ئێن

2022-05-04 19:42:46 كارگێڕی جۆو بایدن بودجەیەکی زەبەلاح بۆ مەبەستێک دابین دەکات
https://kitn.net/babat/60685 Open / Comment

2022-05-04 16:40:15 تویتەر تایبەتمەندییەکی نوێ بە ناوی (Twitter Circle) تاقی دەکاتەوە، لە ڕێگەی ئەم تایبەتمەندییەوە دەتوانیت دیاری بکەیت چەند کەسێکی دیاری کراو تویتەکانت ببینن.

ئەو کەسانەی کە دیاری دەکەیت بۆ بینینی تویتەکان، ئاساییە ئەگەر فۆڵۆوەرت بن یاخوود نا. Open / Comment

2022-05-04 11:14:00 ئیلۆن مەسک هێرش دەکاتە سەر کۆمپانیای ئەپڵ و دەڵێت 'بەدڵنیاییەوە 30% وەرگرتنی باج بۆ ئەو ئەپانەی کە بژاردەی پارەدانیان تێدایە لە لایەن ئەپڵەوە لە گەشەپێدەران گونجاو نییە' و دەبێت 10 هێندە کەمتر بێت.

ڕوونکردنەوە: ئەگەر تۆ خاوەن ئەپێک بیت و لە ئەپەکەدا بژاردەی پارەدانی تێدا بێت یاخوود بژاردەی بەشدار بوونی مانگانە، ئەوە دەبێت لە هەر کڕینێک 30% ئەو بڕە پارەیە بدەیت بە کۆمپانیای ئەپڵ، بۆ نموونە ئەگەر کڕیار 10 دۆلار خەرج بکات، پێویستە تۆ 3 دۆلار لەو بڕە پارەیە بگەڕێنیتەوە بۆ کۆمپانیای ئەپڵ لە ژێر ناوی باجدا. Open / Comment

2022-05-03 22:24:54 ئایفۆنت پێیە و ژمارەیەک بێزاری کردویت بە تەلەفۆن؟ لێرەوە بزانە چۆن ئەو ژمارەیە بلۆک بکەیت و چیدیکە بێزارت نەکات!

1- ئەپی تەلەفۆن(Phone) بکەرەوە.

2- کرتە لە بەشی Recents بکە.

3- کاتێک ئەو ژمارەیە دەبینیت کە دەتەوێت بلۆکی بکەیت، کرتە بکە لە نیشانەی (i) لە لای دەستە ڕاست کە لە نێو بازنەیەکدایە.

4- پەڕەیەک دەکرێتەوە، لە بەشی خوارەوەی ئەو پەڕەیە نووسراوە Block this Caller بە ڕەنگی سوور، کرتەی لێ بکە و پاشان Block Contact هەڵبژێرە، کۆتایی پێ هات! Open / Comment

2022-05-03 13:38:54 بە فەرمی کۆمپانیای (VESA) بڕوانامەیەکی نوێی بۆ مۆنیتەر و ڕوونمای کۆمپیوتەرەکان بە ناوی (Adaptive-Sync) ڕاگەیاند، ئەو بەرهەمانەی دەبنە خاوەنی ئەم بڕوانامەیە بەڵێنی تێکڕای نوێ بوونەوەی بەرزی ڕوونما و کەمی دواکەوتن لە وەڵامدانەوەیان دراوە.

ئەو روونمایانەی کە دەبنە خاوەن ئەم بڕوانامەیە، کڕیار دەتوانێت دڵنیا بێت کە تێکڕای نوێ بوونەوەیەکی باش (Hz) و فرەیمێکی باش پێشکەش دەکات، هەروەها زۆرینەیان توانای ئەوەیان هەیە کە تێکڕای نوێ بوونەوە ڕێک بخەن، واتە بۆ نموونە خاوەنی ڕوونمایەکیت بە تێکڕای نوێ بوونەوەی 144 هێرتز، لە کاتی ئاساییدا بە جۆرێک ڕێک دەخرێت 30 هێرتز بەکار بهێنێت، بەڵام لە کاتی پێویست و یاری کردن 144 هێرتز بەکار دەهێنێت و تەواوی توانای خۆی پیشان دەدات. Open / Comment

2022-05-02 21:39:37 یوتیوب ڕێگایەکی نوێ بۆ بەدەستهێنانی پارەی زیاتر بۆ یوتیوبەران بە ناوی 'Super Thanks' تاقی دەکاتەوە، ڕێگاکە بریتییە لە پشتگیری کردنی ڕاستەوخۆی بینەر بۆ ڤیدیۆکان لە نێوان 2 بۆ 50 دۆلار. Open / Comment

2022-05-02 19:06:56 تێلەگرامیش بەرەو تۆڕەکانی دیکە؟

بە فەرمی تێلەگرام بژاردەی بەشدار بوونی 'Premium'ی بە پارە بۆ زیاد دەبێت، بۆ هەندێک ئیمۆجی و تایبەتمەندی زیاتر کە بۆ کەسی ئاسایی بەردەست نییە. Open / Comment

2022-05-01 22:58:35 جەژنتان پیرۆزبێت و نوێژ و پەرستش و پاڕانەوەتان قبوڵ. Open / Comment

2022-04-30 01:14:13 چۆنێتی ناچالاک کردن و سڕینەوەی هەژماری تویتەر، ئەگەر تۆ ڕات لە ئیلۆن مەسک نییە!
https://kitn.net/babat/60672 Open / Comment

2022-04-29 23:49:41 تیم کووک دەڵێت لەم چارەکەی پێشووتر زۆرترین بەکارهێنەری ئەندرۆید روویان کردۆتە بەکارهێنانی ئایفۆن
https://kitn.net/babat/60669 Open / Comment