2022-05-13 14:50:11
محاضرة بعنوان جهاد النفس
اللهم صل على محمد وآل محمد
بسم الله الرحمن الرحيم
((ياايها الذين امنوا قو انفسكم واهليكم نار وقودها الناس والحجارة ))
صدق الله العلي العظيم
الله عز وجل لما خلق الإنسان
الإنسان هذا المخلوق العظيم .أراد أن يبنية بناء تكاملي لكن للاسف نشوف البعض يصبو إلى ما هو دون ذلك يعني تلكه كل همه الدنيا وما فيها يفكر من صبح إلى الليل بجمع الأموال وكثرة الأولاد اي هيج البعض وحقج يعني مو هامه هل الأبناء شلون يربيهم يعني ميفكر هذولة الأبناء يحتاجون تعليم يحتاجون إلى تربية صالحة لازم يعلمهم الحلال شنو يعلمهم الحرام يكلهم هذا صح ذاك غلط يعني نلاحظ البعض يعطي لأطفاله الاكل والشرب وخلص وكأنه الحياة عبارة عن طعام وشراب ها ماكو فرق بين الانسان والحيوان هذا الانسان صاحب العقل
الي الله عز وجل كرمه وميزه عن كل المخلوقات هكذا !!!زين من بعد هل مقدمة نجي للآية...
ياايها الذين امنوا قو انفسكم واهليكم نار وقودها الناس والحجارة
هاي الاية بمثابة دعوة للمسلم للوقاية من الأمراض الروحية شلون يعني كانه تكله للمسلم دير بالك اكو أمراض وخبائث بهل دنيا سويلك وقاية منها قبل لا ياكلك هل المرض وانت ممنتبه ..لان مثل تعرفين النفس امارة بالسوء والشيطان منا يلح على الإنسان وهاي النفس الأمارة تامر صاحبه بالمحرمات ..زين شلون نسيطر المسلم على هاي النفس الأمارة طبعا المسلم لازم يصير ذكى وفطن يعني يراقب نفسه يجاهدها
خاف فرد يوم توكعه بشيء محرم
يراقبه حتى لا تتعده على أعراض الناس مثلا
يراقبه ويحاسبها اذا اخذت غيبة مسلم .
الحقيقة هاي المراقبة وهذا الحرص يخلي الانسان يشعر دائما اكو نقص وهذا النقص لابد أن يتكامل يخليه يشعر بحاجة ملحة ان يغير من نفسه ...خل اقربلج المعنى
شلون واحد مريض بس ما يشعر بالألم
المرض يأكل بيه وهو ما يشعر بالألم..اشوكت يحس بالمرض من يشتد الألم يكوم يأخذ علاج ...كذلك الإنسان اذا ما يرى في نفسه نقصاً مراح يسعى إلى التغير حتى ينال التكامل الإنساني..
خل ارويلج هل الرواية...
ينقبل احد كبار العلماء وربما كان من مراجع التقليد ..كان هذا العالم جالس مع مجموعة من المؤمنين ومن ضمن هاي المجموعة طالب علم صغير طالب عادي
جرى حديث صار حديث ونقاش العالم الكبير ابده رئيه انطه وجهت نظرة هذا الطالب الصغير ناقشة للعالم بقوا يتناقشون بعدين النقاش اطور لحد إساءة أدب من الطالب للعالم يعني هذا الطالب اتجاوز على العالم الكبير اتصوري حقيقة العلماء فعلا هم أولياء الله ..المهم
الطالب التفت للعالم الكبير وقال له بكل جرءة...انت منو حتى جاي تناقشني انه ما اشتريك بفلس وبقه يحجي عبارت أشد من هاي الحقيقة هذا ما متخلق بأخلاق الله وما اله كل وزن علمي يعني يخاطب العالم الكبير امام المؤمنين ويستعمل هيج عبارات !!! يعني اتصورا
انتم هل موقف واحد يهينكم امام الجميع
مو تنفجرين من الغضب ... الشيطان هنا مرتعهُ طبعا الجالسين أرادوا أن يردون على هذا الطالب لكن انتظروا العالم ..العالم بمجرد أن تكلم الطالب هاي الكلمات هذا العالم نكس راسه يعني دنك رأسه لحظات كأنه أراد أن يجاهد نفسه يسيطره عليه أو أراد أن يجاهد الشيطان
حقيقتا الشيطان قوي والنفس لامارة بالسوء كذلك قوية #يتبع
316 viewsعشقي لعبائتي, 11:50
5
