Infocom

2023-04-21 21:23:56 Մատաղիսի զորամասի նախկին հրամանատար Սեւակ Աբրահամյանի նկատմամբ քրեական հետապնդումը չի դադարեցվի։ Դատարանն այսօր մերժեց նրա պաշտպանի միջնորդությունը՝ միաժամանակ 3 ամսով երկարաձգելով Աբրահամյանի նկատմամբ ընտրված խափանման միջոց կալանավորումը․
«Ես կալանավայրում մնալու պրոբլեմ չունեմ, ինչ խցիկում հիմա մնում եմ, ավելի սիրուն է կահավորած, քան իմ անձնական սենյակը, ուր անցկացնում էի 25 տարի ծառայությունից հետո, ընդհանրապես, ես հիմա ավելի ապահով եմ, քան իմ մայրը, որ Արցախում շրջափակման մեջ է, հարցը էդ չէ, հարցն էն է՝ ես ձգելո՞ւ եմ մինչեւ ձեր դատավարության վերջը թե՞ չէ, մարդիկ իմանալո՞ւ են իրականությունը թե՞ չէ, դա ես կասկածում եմ, իմ առողջությունը թույլ չի տալիս»,– ասաց գնդապետը։
Կարդալ ավելին Open / Comment

2023-04-21 20:43:40 Open / Comment

2023-04-21 19:00:53 Օրվա կարեւորը՝ #միվոյսով Open / Comment

2023-04-21 17:45:31 Ադրբեջանի ՊՆ-ի հաղորդագրությունն այն մասին, թե իբր արձանագրվել է ՌԴ խաղաղապահների ուղեկցությամբ ՀՀ ԶՈՒ ռազմական ավտոշարասյան մուտքը Լեռնային Ղարաբաղ, չի համապատասխանում իրականությանը: Կեղծ են նաեւ ՀՀ զինված ուժերի՝ անձնակազմ, ռազմամթերք և ռազմական տեխնիկա… Open / Comment

2023-04-21 17:34:25 «Փորձ են անում ներկայացնել, որ լավ չեն կառավարություն-եկեղեցի հարաբերությունները, պրոբլեմներ կան այդ հարաբերություններում։ Եթե եկեղեցու հարաբերությունները լավ չեն կառավարության հետ, ուրեմն եկեղեցու հարաբերությունները լավ չեն Աստծո հետ, և դա՝ համաձայն քրիստոնեական տեսության»։ ԱԺ-ում ասաց Փաշինյանը՝ Պողոս Առաքյալից մեջբերում կատարելով․
««Չկա իշխանություն, որն Աստծուց չլինի, և եղած իշխանությունները Աստծուց են կախված, հետևաբար ով հակառակում է իշխանությանը, Աստծո հրամանին է հակառակում»։ Հետևաբար թող եկեղեցին ինքն իր էության, տեսության, իր հավատի մասին մտածի, և Աստված մեզ օգնի պահպանել, հզորացնել և խաղաղություն բերել ՀՀ-ին»։

Հիշեցնենք, որ երեկ Կաթողիկոսը, պատասխանելով հարցին, թե շարունակո՞ւմ է պահանջել Փաշինյանի հրաժարականը, ասաց, որ իրենք հայրական հորդոր էին ուղղել, և հայրական հորդորը բնականաբար ժամանակով չի սահմանափակվում․ «Կատարվում են սխալ եւ անընդունելի արտահայտություններ Արցախի կարգավիճակի հետ առնչված: Ինչպես նաեւ մտահոգիչ է ազգային մեր կյանքում մեր ժողովրդի մեջ խորացող անհամերաշխությունը, անհաշտությունը, անհանդուրժողության ոգին», - նշել էր նա։ Open / Comment

2023-04-21 17:10:26 Արցախում մասնակիորեն վերսկսվել են պլանային վիրահատությունները։ Այս մասին հայտնում են Արցախի ԱՆ-ից։

Որոշման նպատակն է խուսափել սուր վիրահատական դեպքերի հետագա բարդություններից։ Վիրահատական միջամտության են ենթարկվելու միայն առաջնահերթ և բարդացման էական ռիսկով դեպքերը:

Շրջափակման 131 օրվա ընթացքում Արցախում պլանային բոլոր վիրահատությունները դադարեցվել էին, ինչը հանգեցրել է շուրջ 1130 վիրահատության չեղարկման: Open / Comment

2023-04-21 16:15:57 Ադրբեջանի ՊՆ-ի հաղորդագրությունն այն մասին, թե իբր արձանագրվել է ՌԴ խաղաղապահների ուղեկցությամբ ՀՀ ԶՈՒ ռազմական ավտոշարասյան մուտքը Լեռնային Ղարաբաղ, չի համապատասխանում իրականությանը:

Կեղծ են նաեւ ՀՀ զինված ուժերի՝ անձնակազմ, ռազմամթերք և ռազմական տեխնիկա տեղափոխելու վերաբերյալ Ադրբեջանի պաշտպանության նախարարության բոլոր պնդումները: [ՀՀ ՊՆ] Open / Comment

2023-04-21 16:08:23 ԿԳՄՍ նախարարը, անդրադառնալով «Հայ եկեղեցու պատմություն» առարկայի ինտեգրված մոտեցման վերաբերյալ եկեղեցու կարծիքին, ասաց, որ հանրակրթության պետական չափորոշիչը ներդրվելու է բոլոր դպրոցներում այս տարվա սեպտեմբերից, եւ այս իրավիճակը «չի փոխվում»:

Երեկ Կաթողիկոսը հայտարարել էր, որ ճիշտ չեն գտնում եւ հստակ ժխտական դիրքորոշում են արտահայտել «Հայ եկեղեցու պատմություն» առարկայի տարրալուծմանը այլ առարկաների, այդ թվում հայ ժողովրդի պատմություն առարկայի մեջ․

«Վերջնանպատակը ո՞րն է այդ առարկայի ուսուցման, ինչի՞ ենք ուզում հասնել, ի՞նչ ենք ուզում արձանագրել․ մեր համոզումն է, որ այն մեթոդաբանական մոտեցումով, որը ձեւակերպումն է տիկին նախարարի, հնարավոր չէ իրականացնել այն նպատակը, որ մեր դիրքորոշումներում արտահայտված է», - նշել էր Գարեգին Բ Ամենայն հայոց կաթողիկոսը: Open / Comment

2023-04-21 15:39:19 Այս երկուշաբթի՝ ապրիլի 24-ին, ևս հանդիպում ենք․ սպասվող Գիտարբուքը «Ցեղասպանագիտություն. ինչպես նկարագրել աննկարագրելին» թեմայով է։

Ցեղասպանագետ, պատմական գիտությունների թեկնածու Սուրեն Մանուկյանը կխոսի հետևյալ թեմաներով՝

- ցեղասպանագիտությունը որպես գիտաճյուղ. ինչո՞ւ և ինչպե՞ս ուսումնասիրել զանգվածային ոճրագործությունները,

- ինչո՞ւ են տեղի ունենում ցեղասպանությունները, ի՞նչ նախապայմաններ և գործոններ են նպաստում դրան։ Ինչու՞ է պետությունը որոշում խնդիրները լուծել թիրախ խմբին ոչնչացնելու միջոցով,

- լռության դավադրությունից մինչև գիտական փոխհամաձայնություն։ Հայոց ցեղասպանության ուսումնասիրության միտումները և ժամանակակից խնդիրները, դրանց լուծման ժամանակակից մոտեցումները և առկա բացերը։

Մուտքն անվճար է, բայց նախապես ամրագրումով։ Open / Comment

2023-04-21 15:34:28 Ավանդական դարձած ջահերով երթը այս տարի կմեկնարկի ապրիլի 23-ին՝ ժամը 19:15-ին Հանրապետության հրապարակից։ Ջահերով երթի խորագիրն է՝ «Մեկ հայրենիք, մեկ դատ, մեկ ճանապարհ՝ պայքար»: [ՀՅԴ Հայաստանի Երիտասարդական Միություն] Open / Comment