2023-02-20 18:22:30
Имон, яъне зиндагӣБадбахтони воқеӣ касоне ҳастанд, ки аз ганҷинаҳои имон ва аз сармояи яқин бебаҳра мебошанд. Онҳо, ҳамвора дар нороҳатӣ ва хашму зиллат ба сар мебаранд.
Ҳар касе аз ёди Ман рӯй гардонад, зиндагии танге хоҳад дошт. (Тоҳо 124)
Танҳо имон ба Парвардигори ҷаҳониён аст, ки инсонро хушбахт менамояд ва вуҷудашро пок мегардонад ва ӯро шодмону масрур мекунад. Дар ҳақиқат зиндагӣ бидуни имон ҳеҷ мазае надорад. Танҳо роҳи мулҳидон (инкоркунандаҳои Худо) барои он, ки худро аз бадбахтиҳо ва торикиҳо наҷот диҳанд, ин аст, ки худкушӣ намоянд. Ба ростӣ, ки зиндагӣ бидуни имон, чи зиндагии фалокатборе аст. Онҳое, ки аз оини илоҳӣ ва роҳи Ӯ мунҳариф шудаанд, ба нафрини ҳамешагӣ гирифторанд.
Ҳамон гуна, ки нахустин бор ба ваҳй имон наоварданд, дилҳо ва чашмонашонро дигаргун мекунем ва онҳоро саргашта дар гумроҳиашон раҳо менамоем. (Анъом 110)
Ақл пас аз таҷрибаи тӯлонии душвор дар қарнҳои гузашта ба ин натиҷа расидааст, ки бут, хурофот аст ва куфру илҳод (аз дин бар гаштан) дурӯғ ва беасосанд, паёмбарон содиқ ҳастанд, Худованд, барҳақ аст ва фармонравоиву ситоиш, Ӯро сазовор аст ва Ӯ бар ҳар чизе тавоност. Баъд аз ин ҳама таҷриба вақти он раасидааст, ки ҷаҳон, қотеона бовар кунад, ки ҳеҷ маъбуди барҳақе ҷуз Худованд нест.
Саодат ва оромиши ҳар инсоне, мутобиқ ба қувват ва заъфи имони ӯст.
Ҳар мард ва зани мӯъмине, ки кори шоиста анҷом диҳад, зиндагии покизае ба Ӯмедиҳем ва подоши онро беҳтар аз он чи мекарданд, хоҳем дод. (Наҳл 97)
Зиндагии покиза ва оромиши хотири занон ва мардони мӯъминро Худован навид додааст. Оре! Ин зиндагии пок ба хотири он аст, ки дилҳояшон ба сабаби муҳаббати Парвардигорашон устувор аст ва замири онҳо аз олудагиҳо пок мебошад. Бадин тартиб, онҳо ҳангоми рух додани ҳодиса ва фоиҷиа, ором ҳастанду аз тақдир розӣ. Зеро онҳо ба ин, ки Аллоҳ парвардигорашон, Ислом, динашон ва Муҳаммад (с) паёмбарашон аст, розӣ ва хушнуданд.
Ғам махӯр
1.0K viewsАбдурашид Қаюмзод, 15:22
А
