iMedicUz | 🔰

2021-09-05 05:39:16 ЖССТ коронавируснинг «Му» номли янги штаммини синчковлик билан ўрганмоқда. ЖССТ янги вариант одамлар инфекция ёки эмлаш натижасида ҳосил бўлган иммунитетдан қисман қутулиб қолишидан қўрқади.

«Му» штамм, шунингдек В.1.621 номи билан ҳам танилган, 39 мамлакатда қайд этилганидан кейин у 30 августда ЖССТ кузатув рўйхатига киритилган. Олимлар «Му»ни кўпчилик ҳосил бўлган иммунитет ҳимоясига сезгирлигини камайтирадиган мутацияларни ўрганишмоқда.

ЖССТ ҳафталик пандемия бюллетенига кўра, янги вариант «потенциал иммун қочиш хусусиятларини кўрсатадиган мутациялар тўпламига эга». Дастлабки далиллар шуни кўрсатадики, у Жанубий Aфрикада биринчи марта топилган «бета»га ўхшаш тарзда иммунитет ҳимоясидан қочиши мумкин.

«Му» штамм биринчи марта 2021 йил январь ойида Колумбияда топилган. Шундан буён бутун дунёда бундай ҳолатлар камдан-кам ҳолларда қайд этилган. Жанубий Aмерикадан ташқари, «Му» Буюк Британия, Европа Иттифоқи, AҚШ ва Гонконгда қайд этилган. Гарчи бу вариант бутун дунё бўйлаб COVID-19 инфекцияларининг 0,1 фоизидан камроғини ташкил қилса-да, у Колумбия ва Эквадорда оммалашиб кетиши мумкин, бу ерда инфекцияларнинг мос равишда 39 ва 13 фоизини ташкил этади.

Олимларни, «Му» штамм юқумли ёки дунёнинг кўп қисмида тарқалган дельта штаммидан кўра жиддийроқ касалликка олиб келиши мумкинми, деган савол қизиқтирмоқда.

Буюк Британияда «Му» штаммининг камида 32 та ҳолати аниқланган. Aнглия соғлиқни сақлаш жамияти (PHE)нинг июль ойидаги ҳисоботида айтилишича, уларнинг аксарияти Лондонда ва 20 ёшдан ошган одамларда топилган. Бу вариантни юқтирганлардан баъзилари илгари COVID-19 вакцинасинининг бир ёки икки компоненти билан эмланган.

Ҳозирча «Му» штамм альфа ва дельта штаммлари каби жиддий ташвиш туғдирмади, улар жиддий хавф сифатида таснифланади, асосан уларнинг ўтказувчанлиги ошгани учунгина эмас, балки иммунитет ҳимоясидан қочиш қўрқуви туфайлидир.

Aвгуст ойида PHE томонидан чиқарилган «Му» штаммининг хавфини баҳолаш ва баъзи далиллар шуни кўрсатадики, «Му» варианти эмлаш натижасида келиб чиқадиган иммунитетга бета варианти каби ҳеч бўлмаганда қаршилик кўрсатади.

@iMedicUz Open / Comment

2021-09-01 20:19:37 ​​Кайфга берилиб кетманглар.

Ангор туманига олти нафар ветеринария врачига иш бор экан, ойлик 2,600,000 сўм. Бир ставка.

Ҳа, сал қолса, эсимдан чиқибди, бекор юрган умумий амалиёт врачига ҳам 46 иш ўрни бор экан, ойлик 747,856 сўм.

Ҳа, номзодларга маслаҳат, бунча катта ойлик олиб кайфга берилиб кетманглар, умуман беморлардан пул сўраб юрманглар, ахир сизларни шунча йиллар ўқитиб, таълим бериб, яна мана бундай катта ойлик билан таъминлаб қўйган ҳукуматга раҳматингиз шу бўладими?

Айниқса кайфга берилиб кетишга эҳтиёт бўлинглар, яна катта ойлик оляпман деб иккинчи, учинчи деганларидек ….бўлиб кетмасин-а… уят бўлади.

@tentakminds

@iMedicUz Open / Comment

2021-09-01 18:04:46 Азиз шифокорим!

1991 йил 1 сентябрь куни сенинг қўлингда дунёга келган чақалоқлар бугун мана 30 ёшни қаршилаган забардаст ёшлар бўлиб етишди! Мустақилликни мустаҳкамлашда тутган ўрни бўйича шифокорлар ҳарбийлар, ички ишлар ҳодимлари ва давлат ҳавфсизлик хизмати ҳодимлари билан бир қаторда туради. Сабаби соғлом халқ мустақил юртнинг асосини ташкил этади!

Пандемия сенинг ўрнинг қанчалик юқори эканлигини яна бир бор ҳаммага кўрсатиб қўйди! Қанчалар сен томон тошлар отилмасин, қанчалар сени хўрлашмасин, охир оқибат барибир сенинг олдинга бош эгиб келишади!

Ҳар бир инсон туғилганидан то умрининг сўнгигача сенга, ҳамкасбларингга иши тушади! Бу эса яна бир бор сенинг ўрнинг беқиёслигини исботлаб беради!

30 ёшдаги инсон етук инсон қаторида эътироф этилади. У бир оиланинг бошлиғи, бир ёки бир нечта фарзанднинг отаси ёки онаси. Ота-онага фарзандининг бари бирдек бўлгани каби, она юртим ҳам ўз шифокор фарзандларини бирдек яхши кўришини, эъзозлашини истаб қоламиз!

Байраминг муборак азиз шифокор!

Врачи Узбекистана Open / Comment

2021-08-28 13:08:47 #ҳамкасб_мурожаати

Ўзбекистон ССВ ва барча ўзбек халқи мусулмон эркакларига:

Биз бир ожиз аёл сифатида сизларга юзланиб, ичимиздаги дардимиз ва қалб туғёнларимизни ошкор қилмоқчимиз.
Оллоҳга минг шукрки халқ орасидан айнан бизга тиб илмининг вакили бўлишлик насиб этди. 10 йил ўқиш, ўқиш мобайнида олий неъмат бўлмиш инсонни тўлиқ идрок этиш учун тунларни бедор ўтказиш, шу вақт орасида оила қуриш, фарзанд тарбиялаш билан ўқиш кезларимиз бошқа Олий талим уқишларидек қувноқ, шўх-шодон кечмади. Қачондир шифокор деган улуғ номга эришсак хамма қийинчиликларимиз ортда қолиб, заҳматларимиз орқасидан ёруғ кунларимиз, қувончли онларимиз келишига хар доим ишонганмиз ва янада олға интилганмиз...

Ота-онамиз ва яқинларимиз қачондир биздан фахрланишига ва севинишига сабаб бўламиз деб орзу килганмиз...

Афсус...........афсус.....афсус.......!!!!!

Оқ халат либосини кийган аёл шифокорлар оиласи даврасидан, фарзанди борадиган боғча тадбиридан, қўшниси қиладиган тўйдан, мактаб ота-оналар йиғилишидан ва бошқа кўплаб оддий аёл қатнаша оладиган маросиму-байрамлардан бенасиб қолади. Сабаби зиммасида юрт аёллари, келинлари ва қизлари соғлигию, гўдаклар саломатлигини мустаҳкамлаш масъулияти туради.

Аммо биз шунча нарсадан кечиб, аввало ЎҚИШ учун умримиздан, ИШ учун, тунги навбатчиликлар учун соғлигимиздан, БУРЧ учун қайтарилмас бахтли кунлардан кечиб хизмат қилаётган бир вақтимизда бир ўзини Мусулмонман деб атайдиган ЭРКАК ожиза аёлга қўл кўтарса, хўрласа, тажовуз қилса, таҳқирласа, наҳот ЎЗБЕК халқи бунга жавобан сукут сақлайди....?

Оламда туғилиш ва ўлим ҳукми фақат яратганга хосдир.... Бу хақда жар соласизлару аммо яқин инсонингиз ҳаётдан кўз юмса, дарров бунга кимнидир айбдор қилишга уринасизлар....

Тасаввур қилинг биз ҳам туғруқхоналарни тарк этиб, ўз оиламизда, фарзандларимизни ширин кулгуларида яшасак... Хўш сизнинг аёлингиз ёхуд синглингиз ёхуд келинингизни ким даволайди? Ким икки дунё орасида турганида унга далда бўлиб, оналик бахтига эриштиради?... Яна сизларга ўхшаган эркакларга қолади кунингиз... Ана ўшанда бемалол муштумзурлик қилаверасизлар.... Ана ўшанда кучларингиз тенг бўлади...

Сиз ҳўрлаётган аёлни ҳам бошида эри, ўғли, отаси бор. Сиз таҳқирлаётган аёлни ҳам ғурури, қалбида ор-номуси, дилида Роббиси бор...

Биз шифокор аёллар мусулмонлар идораси раҳбариятидан ва ҳукуматимиздан Муслима аёлларингизни оқилона ҳимоя қилиб, бундай пасткашларга тегишли чора кўришингизни сўраймиз. Зеро, сизнинг чиқараётган ҳукмингиз, келажакда ота-оналарни қизларини шифокор қилишлари қарорини қай томонга ўзгаришига сабаб бўлади.

Юртингиз шифокор аёллари.

Ҳурматли ҳамкасблар ушбу мурожатимизни имкон қадар кўпроқ инсонларга етказинг, зеро тегишли мутасаддиларга етиб борсин!

Манба: ҳамкасб аёлларимиз томонидан юборилди

Врачи Узбекистана каналига аъзо бўлинг!

@iMedicUz Open / Comment

2021-08-27 18:45:57 ​ССВ: ФАРҒОНАДА СОБИҚ ИЧКИ ИШЛАР ХОДИМИ ШИФОКОРГА ҚЎЛ КЎТАРДИ

Сўнгги вақтларда юртимизда беморлар ва уларнинг қариндошлари томонидан ўз касбий фаолиятини бажараётган тиббиёт ходимларига нисбатан куч ишлатиш ва тажовуз қилиш ҳолатлари тез-тез кузатилмоқда. Афсуски, кўп ҳолларда тиббиёт ходимларига қилинаётган бундай тажовузлар натижасида уларнинг соғлиғига жиддий зарар етиб, кейинги фаолиятига салбий таъсир қилмоқда.

Хабарингиз бор, бугун ижтимоий тармоқларда эркак киши тиббиёт муассасасидан аёл шифокорнинг сочидан тортиб, судраб чиқаётгани акс этган видеоёзув тарқалди. Бироз аввал Cоғлиқни сақлаш вазирлиги мазкур ҳолат юзасидан ўрганишлар олиб бораётгани ҳақида маълумот берган эдик.

Аниқланишича, 2021 йилнинг 25 август куни Фарғона вилояти Ўзбекистон тумани Нурсуҳ қишлоғида истиқомат қилувчи 1998 йилда туғилган фуқаро М.С. туман тиббиёт бирлашмасининг туғруқ бўлимига “ҳомиладорлик 2, туғруқ 2, ҳомиладорликнинг 39 ҳафтаси. Туғруқнинг биринчи даври” ташхиси билан қабул қилиниб, 26 август куни соат 16:00ларда тирик, жинси ўғил, 3200 грамм вазнли, аммо оғир аҳволдаги чақалоқни дунёга келтирган.

Туғруқни акушер-гинеколог Ю.А. ва шифокор-неонатолог Ҳ.Нлар қабул қилган. Дастлабки тиббий текширувлар натижасида болада она қорнидалик даврида эмбрионал ривожланиш ва ҳомила органларининг пайдо бўлиши бузилган ва нуқсонли ривожлангани аниқланган. Натижада гўдак тўлиқ ривожланмаган органлар билан туғилган. Қолаверса, чақалоқда туғма нуқсонлар кузатилиб, боланинг ўпкаси 70 фоизга ривожланмаган.

Шу боис, чақалоқ зудлик билан интенсив терапия хонасига ўтказилиб, унга зарур реанимацион ёрдам кўрсатилган. Бироқ боланинг ўпкаси ўз фаолиятини бажармаганлиги сабабли унда оғир асфиксия ҳолати кузатилган.

Афсуски, тиббиёт ходимлари томонидан олиб борилган керакли реанимацион чора-тадбирларга қарамасдан гўдак 2021 йилнинг 27 август куни соат чамаси 12:20 да “Ўткир нафас ва юрак етишмовчилиги” ташхисидан вафот этган. Шундан сўнг чақалоқ мурдаси ва тиббий хужжатлар паталогоанатомик текширувга юборилган.

Шифокор-неонатолог Ҳ.Н чақалоқ вафот этганлиги сабабли шу куни соат чамаси 12:30ларда гўдакнинг буваси, фуқаро С.С.ни чақириб, унга вазиятни тушунтиришга ҳаракат қилган. Бироқ С.С. муассаса туғруқ бўлимининг врачлар хонасида туғруқ тарихларини ёзиб ўтирган ва туғруқни олиб борган акушер-гинеколог Ю.А.нинг олдига бориб, уни сабабсиз сочидан тортиб, ташқарига судраб олиб чиқиб, жиддий тан жароҳати етказган.

Энг ачинарлиcи, дастлабки маълумотларга қараганда, ушбу зўравонлик ҳаракатини содир этган шахс, яъни 1971 йилда туғилган фуқаро С.С. ўз вақтида ички ишлар органлари тизимида ишлаб, нафақага чиққан.


@iMedicUz Open / Comment

2021-08-27 18:16:14 #Тезкор #Дахшат
Эркак киши роддомда ҳамширанинг сочидан тортиб судраб чиқмоқда.

Ҳолат Фарғона вилояти, Ўзбекистон тумани, Яйпан шаҳридаги роддомда бўлган.

Бу зўравон ким? Ким ҳуқуқ берди бунга аёлни таҳқирлашга?

Манба: tezkor24official

@IMedicUz Open / Comment

2021-08-24 05:06:51 Правильную тему вчера поднял @trolluz. О том, какое внимание у нас оказывается спортсменам - и как мало внимания (например) - врачам.

Я не то чтобы против спортсменов. Но просто все эти квартиры и машины на фоне того, что врачам еще даже не всем выплатили обещанные премии за борьбу с COVID - смотрятся немножко диковато.

Оказывается в Телеграм есть канал где публикуют имена всех врачей, погибших во время пандемии. Их уже 700 человек.

В этой связи я хочу поделиться с вами интервью с врачом скорой помощи, которое я прочитал, и которое меня тронуло:

"Почти после каждой смены у врачей случается выгорание. Злата говорит, что после смены нет сил есть, купаться и вообще что-либо делать. Иногда она просто засыпает за столом, а мама потом ее будит и просит хоть что-то поесть и идти нормально поспать в постели. Злата на одной ставке фельдшера скорой помощи получает 2 миллионов сумов".

2 миллиона сумов. 186$ в месяц получает человек, на которого спускают всех собак за то, что он приехал не через 15 минут после вызова.

#makarenko_channel


@iMedicUz Open / Comment

2021-08-23 11:25:13 ​Рақибига жиддий тан жароҳатлари етказиб, хушидан кетгунича, айрим пайт чалажон ҳолатгача зарбалар бериб ютгани учун у инсонга бир нечта автомобиль (Шевроле Тахо, Шкода Кодиак), кўп хонали квартира, $200.000, зотдор от ва яна кўпгина совғалар беришяпти. Баракасини берсин. Аммо…

Шифокорлар ва тиббиёт ходимлар эса гўёки спортчилар билан солиштирганда хеч ким эмас. Чунки улар бор ёғи ўз ҳаётини хавфга солиб миллионлаб одамлар ҳаётини сақлаб қолишяпти. Уларнинг айримлари ҳаётдан кўз юмди. Лекин ҳал ҳам кўпчилик жабрланганлар президент ваъда қилган пулини олгани йўқ.

-

Человек избил противника нанеся тяжелые травмы, до потеря сознания, иногда до полусмерти и за это его оградили машинами(Шевроле Тахо, Шкода Кодиак), квартирой, $200.000, породистой лошадью и ещё многими подарками.

Рад за спортсменов, но по сравнению с ними врачи, медики никто. Они всего лишь спасают миллионам жизни рискуя своей. Некотых уже нет в этом мире. Многие пострадавшие медики до сих пор не получили обещанные президентом деньги.

Video from UzNews

@trolluz


@iMedicUz Open / Comment

2021-08-23 11:23:46 Менга шахсий хабарларга қараганда, баъзи спортчиларнинг мухлислари кечаги матндан кейин хафа бўлишди.

Матн айнан битта спортчи ҳақида ҳам, умуман спортчилар ҳақида ҳам эмас эди. Гап давлатнинг иккиюзламачилик сиёсатида эди.

Ваъда берилдими, бажарилиши керак. Шифокорларга пул берамиз дейишдими, демак бериш керак. Шифокорлар хатбозлик қилиб, ўзининг пулларини талаб қилиб йиллаб сарсон бўлиши керак эмас.

Спортчиларга давлат томонидан ваъда қилинган пул мукофоти бор - 200 минг доллар. Кичик пул эмас. Оғир меҳнатларига яраша халқнинг миннатдорлиги деб белгиланибди қарорда. Янгиликларда айтилишича бу пулга қўшимча қилиб машиналар, уйлар ҳам бериляпти. Бир-нечта спортчига Тошкент Ситидан уй берилишини ҳам айтишди.

Яна бир марта қайтараман, шахсан спортчиларга ҳеч қандай адоватим йўқ. Буни ҳасад деб ўйлашингиз мумкин, лекин бундай эмас. Улар бу совғаларни ўзи сўраб олмаяпти. Уларнинг айби умуман йўқ. Ўз ишини аъло даражада бажаргани ва ғолиб бўлгани учун минг марта раҳмат. Уларни айблашга ҳаққим йўқ.

Мени спортга қарши эканлигимда айблаш ҳам керак эмас. Тўғри, спортга қизиқмайман. Лекин спортчиларни ғалабалари билан доим табриклаб келаман. Уларга нисбатан ноҳақлик бўлганида қўллаб қувватлаб ёзиб келяпман. Уларнинг шарафига деворларда мурал (расм) лар ғоясини ҳам кўллаб-қувватладим. Кўрдингиз.

Бу ерда гап умуман спорт, ёки менинг спортга бўлган муносабатим ҳақида эмас. Тушунганлар тушуниб бўлди.

Очиғини айтсам, мени энг хафа қиладигани, совғаларнинг устида "ПРЕЗИДЕНТ СОВҒАСИ", "ҲОКИМ СОВҒАСИ" деб ёзилади. Президент, ҳокимнинг ойлиги қанча? Бу совғалар уларнинг чўнтагидан олинаётган бўлса гап бўлиши мумкин эмас. Агар солиқ тўловчиларининг (яъни бюджетнинг) пулидан қилинган бўлса, машиналарни устида "ХАЛҚ СОВҒАСИ" деб ёзилиши керак.

Агар бирор бир ривожланган давлатда бирор кишига бюджет ҳисобидан керагидан ортиқ совға саломлар берилса халқнинг фикрини кўрасиз. Агар устида "МЕРКЕЛЬ СОВҒАСИ", "БАЙДЕН СОВҒАСИ" деб ёзилган бўлса-ку... ҳа майли.

Тўғри, спортчилар билан шифокорларни солиштириш хатодир. Лекин спортчиларга ҳам, шифокорларга ҳам айтилган ваъдалар бажарилиши керак. Биттаси иккинчисидан устун эмас.

Охирги 2 йил давомида ҳаммамиз тушуниб етдик ҳаётимизда шифокорларнинг ўрни қанчалик муҳим эканлигини. Шу спортчилар ҳам жароҳат олса, ёки касал бўлса айнан шифокор даволайди.

Спорт ҳам хавфли соҳа, албатта. Жароҳатлар ва ўлимгача олиб келиши мумкин. Лекин 2 йил ичида 700 га яқин спортчи нобуд бўлмагандир? @FIDO_UZ каналига кирсангиз, пандемия даврида ҳаётдан кўз юмган шифокорларнинг рўйхати бор. Шу халқ учун жонини беришган.

Шифокорлар 10 йиллаб умрини сарфлайди шифокор бўлиб етишиш учун. 2 танга пул эвазига ишлайди. Ноҳақликларни кўрса ҳам, бошқа юртга кетиши қийин. Чунки ҳаммасини бошидан бошлаши керак. Спортчилар эса бирор бир натижага эришса катта эҳтимол билан бошқа давлатга кўчиб кетади. Масалан Рустам Қосимжонов Германияда. Шахрам Гиясов адашмасам АҚШ да. Кетиб тўғри ҳам қилишган. Мен ҳам имкониятлар ва шароитлар яхшироқ юртга кетардим уларнинг ўрнида. Чунки бир мартали кўтар-кўтар, совға-саломлар билан ҳаёт сифати афсуски яхшиланмайди.

Кўз-кўз қилиш сиёсати тугаб ҳар бир соҳага ҳақиқий эътибор берилиши бошланганида балки спортчилар ҳам, бошқалар ҳам қайтиб келар.

@trolluz


@iMedicUz Open / Comment

2021-08-21 09:29:49 Tizimdagi kurashimiz...

@iMedicUz Open / Comment