2021-07-27 17:37:24
7 մտածի՛ր, 1 ծախսի՛ր. բյուջեն կառավարելու հնարքներ ուսանողների համար
Ուսանողական տարիները մենք անվանում ենք փոփոխությունների շրջան, երբ երիտասարդները սկսում են իրենց նոր ուղին, երազում են և հավատում, որ հենց իրենց երազանքներն են փոխելու աշխարհը:
Շատերը սխալմամբ կարծում են, որ ֆինանսական անկախություն կարող են վայելել միայն նրանք, ովքեր ունեն մեծ եկամուտներ: Մենք վստահ ենք, որ ֆինանսական անկախության բանալին ֆինանսական գրագիտությունն է` անկախ տարիքից, սեռից, աշխարհագրական դիրքից և սոցիալական կարգավիճակից:
Եթե ամեն ամիս ուսանողական քո համեստ բյուջեն զրոյանում է կայծակնային արագությամբ, ուրեմն քեզ պետք կգան մեր խորհուրդ/հնարքները: Հիմա սովորի՛ր կառավարել քո համեստ բյուջեն, որպեսզի լուսավոր ապագայում, երբ «սարեր» շրջես և ունենաս զգալի ձեռքբերումներ, կարողանաս նույն հմտությամբ կառավարել արդեն ոչ համեստ միջոցներդ:
Ամսական բյուջե կազմելը ճիշտ որոշում էԻնչպե՞ս են գոյանում քո ամսական եկամուտները. աշխատավարձ (եթե աշխատում ես), ծնողների կողմից տրվող գումար, ուսանողական թոշակ (եթե ստանում ես): Excel ֆայլում լրացրո՛ւ քո ամսական եկամուտը, առանձնացրո՛ւ այդ ամսվա կարևոր տոների, ընկերներիդ ու մտերիմներիդ համար նախատեսվող նվերների ծախսերը, ինչպես նաև այն գումարը, որն անհրաժեշտ է քո նախասիրությունները կամ հոբբին կյանքի կոչելու համար: Մնացած գումարը բաշխի՛ր ըստ ամսվա օրերի:
Եթե կարողանաս նաև մի փոքր գումար առանձնացնել խնայողությունների համար (սա մենք անվանում ենք անվտանգության բարձիկ), իմացի՛ր, որ դու կատարյալ պլանավորում ես արել: Քեզնից պահանջվում է միայն իրականություն դարձնել այս գեղեցիկ Excel ֆայլը:
Մենք խորհուրդ ենք տալիս հետևել նաև տելեգրամյան այս ալիքներին և հարստացնել քո ֆինանսական գիտելիքները`
- https://t.me/finbiz
- https://t.me/MoneyBible
- https://t.me/easy_finance
Խնայի՛ր գումար գրքեր և ուսումնական նյութեր ձեռք բերելիս
Դու կարող ես քեզ անհրաժեշտ
գրքերը գնել ոչ թե գրախանութներից, այլ ձեռք բերել բարձր կուրսերի ուսանողներից` համեմատաբար ցածր գնով կամ լավության կարգով ։ Եթե ձեր համալսարանում չկա այսպիսի գեղեցիկ ավանդույթ, դարձի՛ր առաջին ծիծեռնակը և սկսի'ր նյութերի և գրքերի փոխանակման բարի գործը:
Լանչը` տնից Լանչը տանը
պատրաստելու և քեզ հետ վերցնելու գաղափարը ամենատնտեսող տարբերակն է: Այն դեպքերում, երբ ցանկանաս այս կամ այն սրճարանում վայելել քո ընդմիջման հաճելի պահը, առաջարկում ենք ուսումնասիրել, թե քաղաքի որ սրճարաններն են առաջարկում զեղչեր, և օգտվել նրանց առաջարկներից: Միշտ հիշի՛ր, որ տնտեսելու հազար ու մի եղանակ կա, ուղղակի դու դեռ չես բացահայտել դրանք: Առաջարկում ենք ծանոթանալ Ամերիաբանկի` հատուկ ուսանողների համար ստեղծված Visa Student քարտի արտոնություններին և հետվճարներին` https://student.ameriabank.am/benefits:
Սահմանի՛ր նպատակներՄեծ գնումներն ու ծախսերը պլանավորում և նպատակասլացություն են սիրում: Սահմանի՛ր իրատեսական ժամկետ ու շարժվի՛ր նպատակդ իրականացնելու ճանապարհով: Եթե նոր համակարգիչ կամ հեռախոս գնելու նպատակ ունես, քո սիրելի Excel ֆայլում առանձնացրո՛ւ մի սյունակ և ամեն օր տե՛ս, թե որքան ես մոտեցել նպատակդ իրականություն դարձնելուն:
Անվտանգության բարձիկԱնվտանգության բարձիկը անկանխատեսելի իրավիճակներում միշտ քեզ օգնության կհասնի: Ամեն ամիս մի կողմ դրված փոքրիկ խնայողությունը կօգնի քեզ ապահով զգալ և անկանխատեսելի իրավիճակներում հենվել քո անվտանգության բարձիկին:
Գնումներ կատարելու իմպուլսային որոշումներ մի՛ կայացրուՀիշի՛ր արդեն սիրելի Excel ֆայլը, մտովի անցի՛ր բոլոր սյունակներով: Մենք հիշում ենք, որ դու այնտեղ «Իմպուլսային գնումներ» աղյուսակ չունես: Գուցե այդ գնումը քեզ անասելի հաճույք պատճառի, բայց չտեղավորվի քո ամսական բյուջեում:
Քեզ համար ուսանողական քարտ պատվիրի՛րԱմերիաբանկի Visa Student (https://student.ameriabank.am/student-card) քարտով սկսվում է ուսանողների բանկային լավագույն փորձառությունը: Ուսանողական քարտերը միջազգային քարտեր են, որոնք նախատեսված են անհպում վճարումներ, փոխանցումներ կատարելու և ստանալու, հաշիվը հեռավար կառավարելու համար: Մեր քարտերը տալիս են նաև կատարված վճարումների դիմաց մինչև 10% հետվճար (քեշբեք) ստանալու և բանկային բազմաթիվ այլ ծառայություններից օգտվելու, Ամերիաբանկի բանկոմատներից գումարն անվճար կանխիկացնելու և գումարը ապահով պահելու հնարավորություն:
496 views14:37
A
