ERKIN VOHIDOV

2022-05-29 19:27:55 ЎЗБЕГИМ

(Эркин Воҳидовга бағишланган марсия)

Ушбу кун отилди кўксинг
Узра пайкон ўзбегим.
Бир мусибат ичра энди
Чекдинг афғон ўзбегим.

Заҳри ботилдай таралди,
Шум хабар эл-юрт аро.
"Ўтдилар Эркин Воҳидов,
Тингла Тошкон, ўзбегим"...

Чиқди тобут елкаларга,
Манзилин олди нишон.
Чўкди қаддинг, кетди нақдинг,
Йиғла урён, Ўзбегим.

Арш ҳам бир қўзғолиблар,
Синдику улкан қанот.
Энди Эркинсиз бу дунё,
Еру Осмон, ўзбегим.

Кўп асотир кўрди халқим,
Кўп хавотир, тахлика.
Ломакон чўнг шоиридин
Кўзлари қон ўзбегим.

Бир мотаминг эрди Нарзий,
Бир фиғонинг Муҳаммад,
Энди Эркин деб тўкар ёш
Ўзбекистон, ўзбегим.

Йиғла беш юз йил мудому,
Изла беш юз йил мудом,
Шунда ҳам бахтинг, туғилса
Бундай ўғлон, ўзбегим.

Йиғлади тоғу адирлар,
Бўзлади сўқмоқлари,
Сою жилға қайнади ҳўп,
Ёнди ўрмон, ўзбегим.

Ҳам дилингга қул эди у,
Ҳам тилингнинг ошиғи.
Ўзбаки соф тилга яккаш
Эрди посбон, ўзбегим.

Бу фасоҳат энди қайда,
Ул малоҳат кимда бор?
Барча эргашганлариму,
Тоза виждон, ўзбегим.

Йиғлади ботирларинггу,
Солди уввос, пирларинг.
Қайнадинг, гўё тагинг ўт,
Магма, вулқон ўзбегим.

Сенга вазминлик тиларман,
Ҳам бардошингга тўзим,
Шоиринг босган қадамдай
Сабр ила шон, ўзбегим.

Ўзбекистонда хизмат кўрсатган маданият ходими Муслимбек Йўлдошев, 2016 йил, июнь. Open / Comment

2022-05-29 19:09:51 Устозни эслаб. Хуршид Даврон Эркин Воҳидов ҳақида. 2017 йили "Севимли" телеканалида намойиш этилган "Эслаб" кўрсатувидан олинди.

Ustozni eslab. Xurshid Davron Erkin Vohidov haqida. 2017 yili "Sevimli" telekanalida namoyish etilgan "Eslab" ko'rsatuvidan olindi. Open / Comment

2022-05-29 17:34:16 30 МАЙ - ХАЛҚИМИЗНИНГ АРДОҚЛИ ФАРЗАНДИ, ЎЗБЕКИСТОН ҚАҲРАМОНИ, ЎЗБЕКИСТОН ХАЛҚ ШОИРИ ЭРКИН ВОҲИДОВНИНГ ХОТИРА КУНИ.

ҲАҚЛАРИГА ДОИМИЙ ДУОДАМИЗ... Open / Comment

2022-05-29 17:04:14 30 май - Устоз Эркин Воҳидов хотираси куни / 30 may - Ustoz Erkin Vohidov xotirasi kuni Хуршид Даврон Устоз ҳақида. 2017 йили намойиш этилган "То қуёш сочгайки нур" телефильмидан олинди.

Хуршид Давроннинг Устоз Эркин Воҳидов ҳақида ёзган мақоласини мана бу саҳифада ўқишингиз мумкин: https://kh-davron.uz/ijod/maqolalar/xurshid-davron-ustoz-ibrati.html Open / Comment

2022-05-28 06:39:46 КЕЧИР, Ё РАБ!

Менга тош отди бир жоҳил,
Кечир, Ё Раб, кечирдим мен.
У қулдир бандаи ғофил,
Кечир, Ё, Раб, кечирдим мен.

Жаҳонда фитналар бордир,
Адолат гоҳи ночордир.
Адолат қил, Ўзинг одил,
Кечир, Ё, Раб, кечирдим мен.

Ёмон бўлдим, ёмон бўлдим,
Хато ўққа нишон бўлдим,
Хато қилган эмас қотил,
Кечир, Ё, Раб, кечирдим мен.

Гуноҳидан ўт ул жоннинг,
Сўзига кирдим шайтоннинг,
Кўнгил алданмоққа мойил,
Кечир, Ё, Раб, кечирдим мен.

Тутарман ул синиқ одам
Синиқ имонига мотам,
Дилига эътиқод жо қил,
Кечир, Ё, Раб, кечирдим мен.

У ҳам, мен ҳам қиёматда,
Турармиз лол хижолатда.
Бўлиб даргоҳингга дохил,
Кечир, Ё, Раб, кечирдим мен.

Кечир, янглишмаган ким бор,
Менинг ҳам кўп гуноҳим бор.
Одамзод асли нокомил,
Кечир, Ё, Раб, кечирдим мен.

Ўзбекистон Қаҳрамони, Ўзбекистон халқ шоири Эркин Воҳидов


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-05-26 20:19:38 #Фотоархив

Дўрмондаги ижодкорлар уйида. Улуғбек Ҳамдам, устоз Эркин Воҳидов, Исажон Султон, Ғиёсиддин Ўнаров. 2012 йил. Open / Comment

2022-05-26 07:51:04 БИЗЛАР АРРА ТОРТМОҚДАМИЗ

Бизлар арра тортмоқдамиз,
Аррамизнинг тиши йўқ.
Нега арранг тиши йўқ, деб
Сўрайдиган киши йўқ.

Чунки бизлар анойимас,
Пишиб кетган кўзимиз.
Арра тушган ўша шохда
Ўлтирибмиз ўзимиз.

Ўзбекистон Қаҳрамони, Ўзбекистон халқ шоири Эркин Воҳидов, 1991 йил.

Тасвир муаллифи, рассом Виктор Апухтин. Open / Comment

2022-05-25 07:43:29 Бугун 25 май барча мактабларда СЎНГГИ ҚЎНҒИРОҚ жаранглайди. Битирувчилар мактаблари,қадрдон устозлари билан хайрлашиб катта ҳаёт остонасига қадам қўйишади. Ўқувчининг шахс бўлиб камолотга етишишида устозларнинг ҳам аҳамияти катта.

Ўқитувчилик табаррук касб. Фидойи инсонларнинг иши. Ҳокимжон ака Ҳошимов каби муаллимни ана шу фидойилар фидойиси, табарруклар табарруги десак арзийди.
Устоз Тошкентнинг 22-мактабига она тили ва адабиёт ўқитувчиси бўлиб келганларида мен учинчи синфда ўқир эдим. Шу донишманд инсоннинг дарслари, суҳбатлари боис ҳам кўнглимда шеъриятга ихлос шаклланган бўлса ажаб эмас.
Ҳокимжон ака 1948 йилдан то 2001 йилгача, роппа-роса эллик уч йил битта мактабда директор бўлиб ишладилар.
Устоз мустаҳкам ирода эгаси, ҳаётсевар инсон эдилар. Ёш чоғларида оғир ич хасталиги билан оғриб умрбод парҳезда ва мунтазам муолажада яшадилар, тўқсон тўрт йил - ҳижрий йил ҳисобида уч кам юз йил умр кўрдилар.

Ўзбекистон Қаҳрамони, Ўзбекистон халқ шоири Эркин Воҳидов, 2011 йил. Open / Comment

2022-05-24 10:39:12 #Ҳаёт_ҳикматлари
#Умр_фалсафаси

Вақт кам бўлса,
Ундан одам
Улгурганча олади.
Кўп бўлса, не қиларин ҳам
Билолмасдан қолади.

Ўзбекистон Қаҳрамони, Ўзбекистон халқ шоири Эркин Воҳидов, "Руҳлар исёни" достонидан.


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-05-24 09:57:08 Дардлар гирдобида чарх урар замин,
Мажруҳ сийнасидан силқиб оқар қон.
У ҳар кун, ҳар лаҳза минглаб одамин
Шарқий қирғоқларда бермоқда қурбон.

Бомбай, Мадорасда одам тумонат,
Яратган бандаси мисли тупроқдир.
Очлик ҳар сония минг жонга офат,
Жизғанак кўчалар - шарқий қирғоқдир...

Ўзбекистон Қаҳрамони, Ўзбекистон халқ шоири Эркин Воҳидов, "Шарқий қирғоқ", 1979 йил.


www.facebook.com/evohidov
www.t.me/Erkin_Vohidov
www.erkinvohidov.com Open / Comment