ERKIN VOHIDOV

2022-08-29 11:37:52 Open / Comment

2022-08-28 17:51:14 Ширин бўлсанг, ялаб адо қилурлар,
Аччиқ бўлсанг талаб адо қилурлар.
Юрагингда оташ бўлса, беомон,
Ўз ўтингга қалаб адо қилурлар!

Аллоҳим, сохта дўст ва инсонлардан ўзинг доимо ҳимоя қилгин!

Эркин Воҳидов

https://t.me/+Ur5SSKVZ5B46VEQW Open / Comment

2022-08-26 11:15:32 ИСТАК

Исми не ул қушниким,
на жисми бор, на жони бор,
Изла, топ, не боғким ул,
на ҳадди, на поёни бор.

Сой неким ул, бўлғай унда
на қарору, на канор,
Сув не ул, қонмоқнинг унга
на илож, на имкони бор.

Тоғ надирким, чўққисини
ҳеч киши забт этмаган,
Тирмашиб ётқувчи элнинг
на саноқ, на сони бор.

Арғумоқ неким, унинг бор
на жилов, на жабдуғи,
Андалиб неким, унинг
ҳар дилда бир ошёни бор.

Комронлик унга етмак,
етмаган армон билан
Ким, мувашшаҳ битди Эркин,
кўнглида армони бор.

Ўзбекистон Қаҳрамони, Ўзбекистон халқ шоири Эркин Воҳидов, 1976 йил.


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-08-25 11:22:46 Абу Али ибн Сино

Менинг куфримни айбларга
муҳаққақ сизда имкон йўқ,
Бу оламда менинг покиза
имонимдек имон йўқ.
Замон аҳли аро танҳо
мусулмон мен эдим, э воҳ,
Агар кофир эсам мен ҳам,
бу дунёда мусулмон йўқ.

Ўзбекистон Қаҳрамони, Ўзбекистон халқ шоири Эркин Воҳидов таржимаси


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-08-23 08:39:02 Ustoz Erkin Vohidov, akajo'ram Azim Suyun bilan Konyada Mavlono Jaloliddin Rumiy maqbarasi oldida Open / Comment

2022-08-23 08:39:01 30 yil avval Turkiyaning qadimiy poytaxti Bursa shahrida, Uludag bag'rida bo'lib o'tgan Xalqaro turkcha she'r anjumanida ustozlarim Erkin Vohidov, Rauf Parfi va akam, kursdoshim Azim Suyun (O'tganlarning oxirati obod bo'lsin) bilan birgalikda ishtirok etgan edik. Oradan 30 yil o'tib bugun Turkiya Yozarlar birligidan taklif xatini oldim. Allohi Karim o'sha kunlarga yetkazsin. Open / Comment

2022-08-23 06:02:55 Open / Comment

2022-08-22 18:48:02 Ҳурматли шоиримиз Эркин Воҳидов ижодининг муштарийлари!

Масофадан туриб Сизга севимли адибимизнинг китобларидан етказиб беришларини хоҳлайсизми?!..

"Инсон ўзинг: мақолалар, хотиралар, изҳорлар" тўпламини энди онлайн шаклда АСАХИЙ.УЗ дўконидан сотиб олишингиз мумкин.

Талабларингизга биноан китобни вилоятларга ҳам етказиб бериш хизмати мавжуд.

АСАХИЙ.УЗ онлайн-дўконида ардоқли шоиримиз Эркин Воҳидовга бағишланган "Инсон ўзинг" китобидан ташқари шоиримиз ижодларининг энг сара асарлари жамланган "Сўз чамани", "Нидо", "Руҳлар исёни", "Ўзбегим", "Табассум" китоблари ҳам сотувда бор.


https://asaxiy.uz/product/erkin-vo%D2%B3idov-bar%D2%B3aet-inson-%D1%9Ezing-makolalar-hotiralar-iz%D2%B3orlar
Эркин Воҳидов барҳаёт. Инсон ўзинг. Мақолалар. Хотиралар. Изҳорлар Open / Comment

2022-08-22 15:53:34 #Ёш_мухлис_шеърхонлиги

Абдуллоҳ Элмуродов Эркин Воҳидовнинг "Мана мен Лермонтов ёшига етдим... " шеърини ўқимоқда. Open / Comment

2022-08-22 04:32:58 ДУР БЎЛИБ ТОМГАЙМИ СЎЗ...

Дур бўлиб томгайми сўз
Киприкка ёш инмай туриб,
Марварид бермас садаф,
Синмай туриб, синмай туриб?!

Эл аро топгайми қадрин
Сўз кўнгил уммонида
Марварид тутган садафдек
Онча беркинмай туриб?!

Бу замон дарёси тездир,
Аҳли шеър истар зулол,
Сўз нетиб руҳбахш бўлур,
Дилкосада тинмай туриб.

Қалб бу оҳангар ўчоғи,
Унда сўз сўзонадир,
Қайда кескир бўлди шамшир,
Ўтга солинмай туриб.

Аҳли сўз, ғафлат элин сиз
Уйғотинг бонгсўз ила,
Кемангизга сўнгги йўлнинг
Бонги чолинмай туриб.

Ўзбекистон Қаҳрамони, Ўзбекистон халқ шоири Эркин Воҳидов, 1991 йил.


www.facebook.com/evohidov
www.t.me/Erkin_Vohidov
www.erkinvohidov.com Open / Comment