ERKIN VOHIDOV

2022-06-24 07:48:52 Muallif: Erkin Vohidov

Oʻqidi: Iroda Rahmonaliyeva Open / Comment

2022-06-22 11:09:06 ФУЗУЛИЙ ҲАЙКАЛИ ҚОШИДА



Еллар, бир дақиқа тўхтанг эсишдан,
Сернаво булбуллар, сайраманг бир оз.
Карбало даштида яёв кезишдан
Чарчаб тин олмоқда Фузулий устоз.
Денгиз, тўлқинларинг урма қирғоққа,
Шоир ўйларига бермагил халал.
Устоз юрагида шеър туғилмоқда,
Дунёга келмоқда бир мунис ғазал:
"Сабо, ағёрдан пинҳон ғамим дилдора изҳор эт,
Хабарсиз ёрими ҳоли ҳар обимдан хабардор эт,
Кўнгил, ғам гунларин танҳо кечурма, иста бир ҳамдам,
Ажал хобиндин афғонлар чекиб Мажнунни бедор эт".

Япроқлар тебранар шеър мақомига,
Чечаклар жимгина эгиб турар бош.
Мармар сарҳовузнинг кумуш жомига
Шоир кўзларидан оқиб тушар ёш.
Боку боғларига чўкмоқда оқшом,
Денгиз мавж уради товланиб зарҳал.
Шоир юрагидан тошганда илҳом,
Ёш билан қуюлиб келади ғазал:
"Паришон ҳолинг ўлдим, сўрмадинг ҳоли паришоним.
Ғамингдан дарда туштим, қилмадинг тадбири дармоним,
На дерсан, рўзигорим бўйлами кечсун, гўзал жоним.
Гўзим, жоним, афандим, севдигим, давлатли султоним".

Ошиқлар ухлайди саҳарга томон
Фузулий девонин бошига қўйиб.
Мажнун севгисидан ўқилса достон,
Булбуллар тинглайди бутоққа қўниб.
Халқим жондин севар дилбар куйларни,
Халқим шеъриятга шайдодир азал.
Нечун банд этмасин фикру ўйларни,
Нечун маҳв этмасин қалбларни ғазал?! —
"Муқаввас қошларингким, ўсма бирла ранг тутмишлар,
Қиличлардирки қонлар тўкмак ила занг тутмишлар.
Саҳар булбуллар афғони дагил беҳуда гулшанда,
Фузулий нолаи дилсўзина оҳанг тутмишлар".

Ғазал ҳам бўлурми мунча дилрабо,
Бунчалар серишва, бунчалар серноз.
Менинг шоирлигим ёлғондир, аммо
Фузулий шеърига ошиқлигим рост.
Мажнундек беором бўлиб қолганим
Сарсари югурган тўлқинлар айтсин,
Кечалар уйқусиз шеър ёд олганим
Тонгги уфқдаги ёлқинлар айтсин.
"Шифои васл қадрин ҳажр ила бемор ўландан сўр,
Зулоли шавқ-завқин ташнаи дийдор ўландан сўр.
Кўзи ёшлуларинг ҳолин на билсун мардуми ғофил,
Кавокиб сайрини шаб то саҳар бедор ўландан сўр".

Еллар, бир дақиқа тўхтанг эсишдан,
Сернаво булбуллар, сайраманг бир оз.
Карбало даштида яёв кезишдан
Чарчаб тин олмоқда Фузулий устоз.
Денгиз, тўлқинларинг урма қирғоққа,
Шоир ўйларига бермагил халал.
Устоз юрагида шеър туғилмоқда,
Дунёга келмоқда янги бир ғазал.

Ўзбекистон Қаҳрамони, Ўзбекистон халқ шоири Эркин Воҳидов

Ажратиб кўрсатилган байтлар Фузулий шеъриятидан.


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-06-19 14:00:12 Адлпеша Ануширвоннинг,
Доно қули тонг отар чоғда
Айтар экан: Шоҳим, уйғонинг,
Сизни буюк ишлар кутмоқда.

Шоир, юртинг қад кўтарган пайт,
Дунё таниб турган бу чоғда
Доно қул бўл, Ватанингга айт:
Сени буюк ишлар кутмоқда.

Ўзбекистон Қаҳрамони, Ўзбекистон халқ шоири Эркин Воҳидов, "Дафтарда қолган сатрлар"дан.


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-06-19 13:52:22 ҲАММА БОЛАМ, ДЕЙДИ

Ҳамма болам, дейди,
Шу кори олам!
Бола улғайиб, сўнг у ҳам дер, болам,
Сув пастга оқади,
Ота меҳрини
Фарзандига бериб қарз узар одам.

Ўзбекистон Қаҳрамони, Ўзбекистон халқ шоири Эркин Воҳидов, 2001 йил.


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-06-18 13:42:47 #Видеолавҳа

Баҳор.
Барқут кийиб безанди боғлар,
Саҳролар кўксига тақди қизғалдоқ.
Қуёш этагига оқ булут боғлаб,
Ўрик шохларида қовурди бодроқ.

Еллар олиб қочди қишнинг хобини,
Барглар чапак чалиб уйғонди шодон.
Бутоқларга қўниб,гул китобини
Варақлашга тушди булбул - ғазалхон...

Бугун коинотда эзгу бир ташвиш,
Ғунча гул бўлай деб кўзин очади.
Мусича олдидан бир дона чўпни
Чумчуқ уясига олиб қочади.

Ҳайдалган даладан бир хас ортмоқлаб -
Чумоли югурар - у ҳам тирик жон.
Шошилиб чопади табиб ирмоқлар
Ернинг томирига қуймоқ учун қон...

Она тупроқ эса куз ташвишида,
Юксак хирмонларга сийнаси юклик.
Унинг сокингина тин олишида
Бордир оналарга хос бир буюклик.

Ўзбекистон Қаҳрамони, Ўзбекистон халқ шоири Эркин Воҳидов, 1968 йил.


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-06-18 12:12:49 Сув томонда тимсоҳ ётар,
Ўрмон ёқда айиқ бор.
Миниб қочсанг- дафъа хатар -
На от бор, на қайиқ бор.

Лек ишончинг сенга паноҳ,
Ҳамонки дил ҳайиқмас.
Тимсоҳ сенга эмас тимсоҳ,
Айиқ сенга айиқмас.

Ўзбекистон Қаҳрамони, Ўзбекистон халқ шоири Эркин Воҳидов, 1988 йил.


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-06-17 17:53:28 ... Жим бўлиш бизга асрлар бўйи сингдирилган. Яшаган юртимиз ўчган овозлар мамлакати бўлди. Ғунча то оғзини очди, бўлди вайрон оқибат, деган шеърлар бизни тарбиялади. Озод ва мустақил бўлиб ҳам ички хавотирдан тўла фориғ бўлмадик. Дарҳақиқат, шаҳар қуриш осон-у, онгни ўзгартириш қийин экан...

Эркин Воҳидов ҳикматлари китобидан.

Каналга қўшилинг
➥ https://t.me/Dimaqayum1 Open / Comment

2022-06-17 15:37:56 #Фотоархив

Ўзбекистон халқ ёзувчиси Одил Ёқубов ва Ўзбекистон халқ шоири Эркин Воҳидов. Open / Comment

2022-06-16 18:29:38 МАҚБАРАДАГИ ЁЗУВЛАР ТУРКУМИДАН

(Қуш деса - "туяман", туя деса- "қушман" дегувчиларга)

У, оромни суяман, дерди,
Тинчим бузган - душман, дерди у.
Ўнгга боқиб: туяман, дерди,
Чапга боқиб: қушман, дерди у.
У оламдан ўтмади яшаб,
Ошаб ўтди фақат ошини.
У ўлмади,
Қавмига ўхшаб
Қумга тиқиб ётар бошини.

Ўзбекистон Қаҳрамони, Ўзбекистон халқ шоири Эркин Воҳидов, 1976 йил


www.facebook.com/evohidov
www.t.me/Erkin_Vohidov
www.erkinvohidov.com Open / Comment

2022-06-16 05:46:23 Эркин Воҳидов

(Абдулла Ориповга)

Биламан, азизим, менга ҳам аён,
Қумурсқа зотининг надир ташвиши.
Арслоннинг бошида лек ўзга хаёл,
Қумурсқалар билан қанчалик иши?

Улар еб битирар бизни беомон,
Билмам, ким ғам чекар, ким бўлар мамнун.
Лекин қарсак чалиб кулар у замон,
Арслоннинг ёнида ўлтирган маймун.

Абдулла Орипов

@abdullaorifijodi Open / Comment