Baxtiniso Mahmudova

2021-06-14 14:21:45 * * *
Эртароқ қайт,
Қайтаринг бўлса,
Шамоллар ҳам топди-ку қўним.
Сокин тортиб қолди япроқлар,
Дарахтларни қўрқитмас ўлим.

О, бу қушлар бунча хотиржам!
Бунчалар тинч оқади сойлар.
На тўлқин бор, на-да битта мавж,
Ё уйқуга кетдими улар?!

Сен қайларда юрибсан тентиб?
Қаерларда олаяпсан тин?
Тушунсангчи, дунёга малол-
Менинг ғамгин безовталигим!

Эртароқ қайт...

@baxtiniso Open / Comment

2021-06-10 08:36:55 ***
Dardlar keldi bulut bo’lib,
Davo meni tushungaymu?
Ketolmadim sukut bo’lib,
Navo meni tushungaymu?

Dilni “do’st”ga borib aytdim,
Alamimni yorib aytdim.
Yuzin burdi. Horib qaytdim,
Xato meni tushungaymu?

Ketsang, to’rt yon- yo’l, dedilar,
Sendan bezgan mo’l, dedilar.
Ginalarni qo’y, dedilar,
Vafo meni tushungaymu?

Ko’zlarimga tugdi tugun,
Ertalarim keldi bugun.
Ruhim bog’in kuzlatgan ul
Sado meni tushungaymu?

Xudo, deyman, ko’kka boqib,
“Meni chaqir, boray oqib…”
Yuragini oyda yoqib,
Samo meni tushungaymu?

@baxtiniso Open / Comment

2021-06-02 19:58:44 ***
Shamollar uchmoqda dardlarin sochib,
Osmon ko’zin ochar:istagi vojib.
Men atay qilmayman, yurmagin ranjib,
Kechirgin, kechiksam, huzurlaringga.

Daraxtlar zamindan simirmoqda qon,
Ruhim bilan poyga o’ynamoqda jon.
Bilmayman, yo’limning bo’lari qachon?
Kechirgin, kechiksam, huzurlaringga.

Bugun yulduzlarga qilmayman havas,
Ularga qo’lim dor, ko’zlarim qafas.
Men tunga yarashdim, tonglarga emas,
Kechirgin, kechiksam, huzurlaringga.

Dunyoning tinsa ham armondek do’li,
Buncha loyqa bo’ldi yurakning ko’li.
Mendan baxt istagan ey, o’zim ko’ngli!
Kechirgin, kechiksam, huzurlaringga.

@baxtiniso Open / Comment

2021-05-21 17:06:13 Sog’inch

Sog’inch dilginamga beradi ozor,
Yolg’izlik jonimdan o’tib ketadi.
Yodingiz yodimga tushgani zahot,
Qalbimdagi muzlar erib bitadi.

Qalbimda gullaydi orzum g’unchasi,
Dardlar tark etadi jismimni butkul.
Sog’inch – yuragimning o’tli nafasi,
Sog’inmay yashashim mushkuldan-mushkul.

Aldamchi hislarga beraman imkon,
Ovunib yashayman diydoringizga.
Yolg’onlar xayolni aylaydi makon,
Ishonib ketaman kelmog’ingizga.

Sog’inchning yukini boshda ko’tarib,
Hayollar qilaman qayta va qayta.
O’ylarimning bari cheksiz ham g’arib,
Ba’zan yarim dilni etadi nimta.

Mayli, ne bo’lsa ham, dunyoda siz bor,
Sizga tilaklarim sara-sarasin.
Va yana sog’inib yashay umrbod,
Sog’inmay yashashdan xudo asrasin.

@baxtiniso Open / Comment

2021-05-16 11:18:16 Ҳаммасини биламан

Азоб ботар кўксима армонларим ўқмиди?
Олисда юрган билан онам кўнгли тўқмиди?
Отамнинг мендан бошқа ўйлар ўйи йўқмиди?
Кўнглим ердек айлана, ҳаммасини биламан.

Изтиробни учирмас, шамоллар елган билан,
Орзуни териб бўлмас, киприкни терган билан,
Нега гуллай олмайман, баҳорлар келган билан?
Менга эртак сўйлама, ҳаммасини биламан.

Кўзимга чўкиб қолди, бир юракнинг доғлари.
Қалбимни соқов қилди, соқов туннинг “оҳ”лари.
Елкамдан босиб турар кимнингдир гуноҳлари,
Билмайди, деб ўйлама, ҳаммасини биламан.

Дарддан сув ичиб ётган ой қуёшим кўп менинг,
Аламдан эти қотган сабр-у дошим кўп менинг.
Қирқ ғамдан илдиз отган чақир тошим кўп менинг,
Юрагимга бўйлама, ҳаммасини биламан.

Тутандириқ дил бўлди, шамингни ёқолмадинг,
Бахтга эшик очдинг-у, ҳижронга ёполмадинг.
Не учун шу кунгача ўзингни тополмадинг,
Бахтинисом йиғлама, ҳаммасини биламан.

@baxtiniso Open / Comment

2021-05-14 16:32:27 ***
Дардлар келди булут бўлиб,
Даво мени тушунгайму?
Кетолмадим сукут бўлиб,
Наво мени тушунгайму?

Дилни “дўст”га бориб айтдим,
Аламимни ёриб айтдим.
Юзин бурди. Ҳориб қайтдим,
Хато мени тушунгайму?

Кетсанг, тўрт ён-йўл, дедилар,
Сендан безган мўл, дедилар.
Гиналарни қўй, дедилар,
Вафо мени тушунгайму?

Кўзларимга тугди тугун,
Эрталарим келди бугун.
Руҳим боғин кузлатган ул
Садо мени тушунгайму?

Худо, дейман, кўкка боқиб,
“Мени чақир, борай оқиб...”
Юрагини ойда ёқиб,
Само мени тушунгайму?

@baxtiniso Open / Comment

2021-05-09 20:39:39 https://yoshlikjurnali.uz/xotira/eng-go-zal-izhorim-ichimda-qoldi/ Baxtiniso o‘ziga odamlarning achinish ko‘zi bilan qarashlarini sira ham qabul qilolmasdi. Ba’zan o‘ksinib qolardi: “Islom, men ham hamma qatori odamman-ku, faqat shu… yurolmayman. Nima qipti, nega odamlar menga buncha mehribonlik qilaveradi?” derdi. “Ular seni ko‘rolmaydi”, desam, dunyoni to‘ldirib kulib yuborardi. Bugun o‘sha kulgilaringni sog‘inyapman, do‘st. Telefonimda qancha audioyozuvlaring bo‘lsa, hammasini qayta-qayta eshitdim. To‘g‘risi, boshda eshitolmadim, jur’atim yetmadi. Lekin baribir senga bo‘lgan sog‘inch ustun kelaveryapti. Open / Comment

2021-05-06 10:57:00 ***
Омонмисан, бахтиёрмисан?
Парвозларинг ҳануз ўктамдир?!
Мудом титрар эди қарасам-
Қанотларинг гуллаб кетгандир?!

Ҳануз озод бўлсанг бўлгани!
Умринг олиб учавер сархуш,
Юрагимга келиб қўнгану,
Кўзларимдан учиб кетган қуш!

@baxtiniso Open / Comment

2021-05-05 05:22:33 Sog'inch

Baxtiniso Mahmudova
Inna lillahi va inna ilayhi rojiun

@baxtiniso Open / Comment

2021-05-05 05:18:07 Соғинч

Соғинч дилгинамга беради озор,
Ёлғизлик жонимдан ўтиб кетади.
Ёдингиз ёдимга тушгани заҳот,
Қалбимдаги музлар эриб битади.

Қалбимда гуллайди орзум ғунчаси,
Дардлар тарк этади жисмимни буткул.
Соғинч – юрагимнинг ўтли нафаси,
Соғинмай яшашим мушкулдан-мушкул.

Алдамчи ҳисларга бераман имкон,
Овуниб яшайман дийдорингизга.
Ёлғонлар хаёлни айлайди макон,
Ишониб кетаман келмоғингизга.

Соғинчнинг юкини бошда кўтариб,
Ҳаёллар қиламан қайта ва қайта.
Ўйларимнинг бари чексиз ҳам ғариб,
Баъзан ярим дилни этади нимта.

Майли, не бўлса ҳам, дунёда сиз бор,
Сизга тилакларим сара-сарасин.
Ва яна соғиниб яшай умрбод,
Соғинмай яшашдан худо асрасин.

@baxtiniso Open / Comment