2022-05-27 12:34:21
ပညာရေးဝန်ကြီးဌာန တာဝန်ရှိသူများသိစေရန်
မန္တလေးတိုင်း ၊ ပုဂံမြို့နယ်ထဲက အလယ်တန်းကျောင်းတစ်ကျောင်းမှာ ယခင်ကျောင်းအုပ်ဆရာမကြီးက လက်ရှိမြင်နေရတဲ့ အဆောက်အဦကို ပြင်ထိန်းတင်တယ် ၊ မရဘူး၊ ဒါနဲ့ ကျောင်းသားဦးရေနဲ့လက်ရှိကျောင်းဆောင်နဲ့လဲ မမျှတဲ့အတွက် ကျောင်းဆောင်သစ်တင်ပေးခဲ့တယ်။
ယခင်ဆရာမကြီး တင်ပေးခဲ့တဲ့ ကျောင်းဆောင်သစ် ကျလာတော့ ပုဂံမြို့နယ်က တာဝန်ရှိသူတွေက ကျောင်းကိုရောက်လာကြပြီး လက်ရှိအဆောင်ဟောင်း အရင်ဖျက်ရမယ်လို့ ကျေးရွာနဲ့ လက်ရှိကျောင်းက ဆရာမတွေကို ပြောတယ်။
လက်ရှိပညာသင်နှစ်ကလဲ စတော့မယ် ၊ အဲ့အဆောင်ကလဲ ဖျက်ရလောက်အောင်တော့ မပျက်ဆီးသေးဘူး ၊ ဒါကို လက်ရှိအဆောင်ဖျက်ပြီး ယာယီအဆောင်ပြန်ဆောက်လို့ဆိုတယ် ၊ လက်ရှိအဆောင်ဟောင်းကို လေလံပစ်ရောင်းချင်နေကြတယ် ။
ကျောင်းဧရိယာထဲမှာလဲ ကျောင်းဆောင်သစ်ဆောက်ဖို့ရာ မြေနေရာရှိနေသေးပေမယ့် ကျွန်းသစ်တွေနဲ့ဆောက်ထားတဲ့ အဆောင်ဟောင်းကို ဇွတ်ဖျက်ခိုင်းပြီး ကျောင်းဆောင်သစ် ဆောက်မယ်လုပ်တဲ့ ပုဂံမြို့နယ်ပညာရေးရုံးကဆိုတဲ့ တာဝန်ရှိသူတွေရဲ့ လုပ်ရပ်ဟာ ရပ်ရွာဆန္ဒနဲ့လဲ မညီပါဘူး။
ကျေးရွာက လက်ရှိကျောင်းဆောင်ကိုပါ ကျေးရွာအစီအစဉ်နဲ့ ပြန်လည်ပြုပြင်ပြီး အသုံးပြုလိုနေပါတယ်။ မိမိကို သူတို့အခက်အခဲ လာပြောပြတဲ့ ကျေးရွာသားတစ်ဦးကို ကျေးရွာက ကျောင်းသားမိဘတွေအကုန် လက်မှတ်ထိုးပြီး လက်ရှိအဆောက်အဦမှာ ပြုပြင်ထိန်းသိမ်းလို့ရသေးသည့်အတွက် မဖျက်ဖို့ ပညာရေးဝန်ကြီးဌာန ဝန်ကြီးဆီ အသနားခံစာတင်ဖို့တော့ အကြံပေးလိုက်ပါတယ်။
ပုဂံမြို့နယ်အုပ်ချုပ်ရေးတာဝန်ရှိသူများ ၊ ပညာရေးဝန်ကြီးဌာန တာဝန်ရှိသူများ နှင့် နိုင်ငံတော်စီမံအုပ်ချုပ်ရေးကောင်စီ တာဝန်ရှိသူများမှ ကွင်းဆင်းစစ်ဆေးပြီး ဆရာ/ဆရာမတွေနဲ့ ရပ်ရွာရဲ့လိုလားချက် အကျိုးအတွက် ဆောင်ရွက်ပေးစေလိုပါတယ်။
448 viewsZaw Yu Htoon, 09:34