2021-12-12 21:54:13
ለፈገግታ ያህልሙላ ናስሩዲን ሃጅ ወደሳውዲ ሄዶ ነው። ሰው ከመብዛቱ የተነሣ ናስሩዲን
ማደሪያ ማግኘት አልቻለም። በመጨረሻ አንድ ሆቴል ውስጥ ጥንድ አልጋ ያለው
እንድ ክፍል አግኝቶ ገባ። ብዙ ሳይቆይ ሁለተኛው አልጋ ተከራይቶ ሰውዬው
መጣ። ናስሩዱን ሰውየውን ሲያየው ልክ እንደሱ ነበር የለበሰው። ቁርጥ
እራሱን። መተኛት አልቻለም። ሰውየው ነቅቶ
“ወንድሜ፣ ለምን አትተኛም?” አለው።
“አንድ ችግር ገጥሞኝ ነው።”
“ምን?”
“እኔና አንተ ተመሳሳይ ነን። ተኝተን ስንነቃ እራሳችንን መለየት ቢያቅተንስ?” አለ
ናስሩዲን።
ሰውየው ለካ ተንኮልኛ ኖሯል። ዞር ዞር ሲል አንዲት አሻንጉሊት ጥግ ላይ
ተቀምጣ ይመለከታል። ያነሳና እግሩ ላይ አስሮ...
“አሁን ተኛ፣ አሻንጉሊት እግሬ ላይ የታሰረው እኔ ነኝ ።” ይለዋል።
ናስሩዲን ችግሩ ስለተፈታለት አመስግኖ ይተኛል። ሰውዬው በጠዋት ሲወጣ
አሻንጉሊቱን ከእግሩ ላይ ፈቶ ናስሩዲን ላይ አስሮት ይሄዳል። ናስሩዲን ሲነቃ
ደነገጠ። እየሮጠ ወደ አደባባይ በመውጣት እንዲህ አለ።
“አንድ ሰው ተሳስቶ እኔነቴን ይዞ ሄዷል። እሱ እኔ ነውና የት ነው
የማገኘው?”........አለ ይባላል
አለማየሁ ገላጋይ ከታል መፅሃፍ የተወሰደ ከወደዱት ለወዳጆ ያጋሩ
@bewketuseyoum19
@bewketuseyoum19
1.6K views18:54
በ
