2021-07-04 22:30:20
#Maazar_Terezaa_Afrikaa, Dr. Abbabach Goobanaa (1928-2013)
➱ Kan dhalatanii guddatan Godina Shawaa Kaabaa naannoo Salaalee bakka Shabal jedhamtutti bara ALA 1935 kan dhalatan yommuu ta'u, abbaan isaanii waraana yeroo Xaaliyaaniin ajjeefamuu himama.
➱ Aadde Ababach hojii daa'ima guddisuu kan eegalan xabalaaf gara Kaaba Itoophiyaa imalanii yoo deebi'an hongee yeroos tureen mucaa haati jalaa duutee harma hootu erga arganii boodadha.
➱ Akka seenaan jireenyaa isaanii agarsiisutti maatiin ijoollummaa isaanii ganna 10tti fedhii malee erga heerumsiisanii booda, gaa'ela dhiisuun gara magaalaa Finfinneetti baqatan.
➱ Haati ijoollee isaanii hedduun maqaa masoo 'Iddaayyee' jedhamuun waamaman kun, hojiin har'a akkaan maqaa itti horatan kun kan madde amantaa isaaniirraati jedhama.
➱ ALA baroota 1980'ta keessa biyya Itoophiyaatti hongeen hammaatee, keessattuu naannoo Wallootti wayita namni hedduun beelaan wayita dhumaa turetti, haati kun bataskaana Gishan Maariyaam jedhamutti kadhannaaf imalan.
Wayita achii deebi'anittis daa'ima haalaan miidhamtee fi haadha duute cinaa turte arguun bira darbuu hin dandeenye - kaasanii dhoksaan baatanii gara manaa fidan.
➱ Boodarras daa'ima tokko biraa itti ida'uun, maatiin Abbabach akkasiin guddachuun, waggaa tokko keessa daa'imman 21 ga'an.
➱ Hojiin akkasiin eegalame kun barkurnee afuriif itti fufuun, daa'immanii fi qaamolee hawaasaa saaxilamoodha jedhaman kumaatama hedduuf qarqaarsa gochuu AGOHELMA'n ni ibsa.
➱ Dhaabni isaan wayita sanatti hundeessan Itoophiyaa keessatti bakka da'oo/guddifachaa daa'imman abbaa fi haadha hin qabnee yookin yatiima isaan jalqabaa keessatti jedhama.
➱ Hojii tola ooltummaa isaanii kanaaf Abbabach Goobanaa Yunivarsiitii Jimmaa irraa doktireetii kabajaa kan argatan yommuu ta'u, waggoota keessatti badhaasota hedduus biyya keessaa fi alaa irraa argataniiru.
➱ Wayita Dr. kabajaa kennuuf Yunivarsiitiin Jimmaa ''Abbabach Goobanaa ijoollee ofii isaanii dahan qabaachuu haa baataniyyuu malee, maatii kumaatamatti lakkaa'amu qabu,'' jedheera.
➱ Waggoota 40 dura daa'imman muraasa hongeen miidhaman gargaaruun hojii kan eegale waldaan kun, waajjira muummee isaa Finfinneetti argamu dabalatee iddoowwan garagaraatti hojii qarqaarsaa hojjeta.
➱ Bulchiinsi magaalaa Finfinnees dhiyeenya kana Hospitaala Wal'aansa Dubartootaa fi Daa'immanii maqaa isaaniitiin moggaasee fi tajaajila gosa garaagaraa kennu eebbisiiseera.
➱ Aadde Abbaabach baatii tokko dura koronaavaayirasiidhaan qabamanii hospitaala Phaawuloos seenanii turan. Ergasii yaala argataa akka jiranii fi itti wayyaa'aa akka jiru gabaafamee ture.
Har'a ganama dhaabbanni isaan hundeessan akka beeksisetti 'harmee kumaatamtootaa' jedhamuun kan beekaman Aadde Abbaabach ganama kana du'aan boqotaniiru.
(Madda: BBC Afaan Oromoo)
#Isaan nama guddaa akeeka guddaaf dhalatanii, akeeka sanammoo jiraatanii darbaniidha. Nuutis bara keenyatti kaayoo addaa uumamneef jiraannee akka darbinu WAAQAYYO nu haa gargaaru!
@Getu_Official
@Getu_Official
373 viewsGetu Abera✟, 19:30