«Аkademnashr» nashriyoti

2021-05-27 10:18:22 #янги_нашр #сотувда

Зарур пайти муайян формула ёки физик катталикни ёддан чиқариб қўйиш ўқувчилар, айниқса, абитуриентлар учун жуда таниш ҳолат ҳисобланади. Бундай вақтда керакли маълумотни бир неча китоб варақлаб топиш қийинчилик туғдиради. Барча дарслик ва қўлланмаларни кўтариб юриш эса, албатта, ҳеч кимга ёқмайди. Энг кўп ва хўп ишлатиладиган асосий тушунчалар, қонуниятлар, формулалар, физик катталиклар орасидаги боғланиш муносабатлари битта китобда жамулжам бўлса, бунисига нима дейсиз?

Янги нашр қилинган «Fizikadan maʼlumotnoma» китоби сизни турли оворагарчиликлардан халос этади. Қолаверса, маълумотномадан фойдаланган ҳолда турли формулаларни мустақил ҳолда келтириб чиқариб, фанни ўзлаштириш даражангизни ошириш билан бир вақтда физикадан масала ечиш маҳоратингизни ҳам сезиларли даражада яхшилайсиз.

Китоб номи: «Fizikadan maʼlumotnoma»
Муаллиф: Ш. Усмонов, А. Исроилов
Муқова: Юмшоқ
Нархи: 11 000 сўм
Харид: @akademsavdo

Китоб Ўзбекистон бўйлаб етказиб берилади.

@akademnashr Open / Comment

2021-05-25 13:00:00 «Библиосмия» – китоб ҳидидан завқланадиганларга алоқадор атама.

Айримлар эски битиклардаги аллақандай зах, нам исни туйишни, баъзилар янги чоп этилган асарларнинг елими, қоғози ҳидини мириқиб ҳидлашни ёқтиради.

Ҳатто аксар китобхон танловига ҳид сезиларли таъсир қилади.

Бугун кўпчилик электрон китобларни афзал билади. Босма китобларнинг кишини энтиктирадиган иси, ҳар варағини очганда шитирлайдиган овози ўрнини кафтга сиққулик қурилма тўлдиролмаслиги кўпинча эсдан чиқади. Қулайликка интиламиз, замон билан баравар юрамиз, деймиз-у, завқ нимадалигини кўпинча фарқлолмаймиз.

Рей Бредбэри бир асарида: «Электрон китобларнинг келажаги йўқ, чунки улар китоб эмас! Электрон китоблардан ёқиб юборилган ёқилғининг ҳиди келади» деганди. Энг қизиғи, муаллиф кўпинча келажак технологияларидан башорат қилгувчи асарлар ёзган.

Майли, техника ривожлансин, электрон китоблар ҳам ўқувчисини топсин, лекин босма китобга тенг келгулик хазина, унинг исини берадиган бошқа восита йўқ.

@akademnashr Open / Comment

2021-05-24 13:21:23 ОТМга кириш имтиҳонларига оз қолди.
"Академнашр" абитуриентнинг бедор кечалардаги меҳнати, тинимсиз ҳаракатини қадрлаб, муносиб китобни тавсия этади.

5-синфдан 11-синфгача бўлган Адабиёт дарслигидаги мавзулар
– Тестлар;
– Савол-жавоблар;
– Машқлар;
– Топшириқлар шаклида тайёрланган.

Кириш имтиҳонларида тушиши мумкин саволларга батафсил жавоблар келтирилган;

Китобга алоҳида жавоблар китобчаси илова қилинган; (нимадир эсингизга тушса, шундоқ қоралаб қўяверасиз)

Энг муҳими, турли-туман, баъзан бири иккинчисига тўғри келмайдиган қўлланмалардаги чалкашликлар, одамни иккилантирадиган маълумотлар билан бошингизни оғритмайсиз.

А4 форматда тайёрлангани сабаб ўқиш жуда қулай;

Нархи: 7 та китоб (жавоблар китобчаси ва 30 фоиз чегирма билан) 50.000 сўм

Харид: @akademsavdo

P.S. Муаллиф “Qorako'l ziyo-nur” ўқув марказида узоқ йиллардан бери она тили ва адабиёт фанидан дарс беради. Абитуриентнинг "дард"и, муаммосини билгани учун китобни ҳам шунга монанд тайёрлаган.

@akademnashr Open / Comment

2021-05-23 10:02:53 #лекин_бу_факт

Эҳтимол, ҳайрон бўларсиз, бутун дунёда китоб сотиб оладиганларнинг 70% ини аёллар ташкил этади.

@akademnashr Open / Comment

2021-05-21 08:09:34 #болангизга_китоб_беринг

Пишакдан одамга айланган Минуш – инсоннинг ғафлатда чириётган виждонини уйғотишга юборилган фариштадек гўё.

Бир нафас ва ҳаяжонда ўқиладиган китоб сабаб Минушга ўхшайман деган қизалоқлар, Тиббедек жасур бўлгиси келган болалар адибага тинимсиз миннатдорлик хатлари, табриклар жўнатиб туришган.

Ҳатто, улғайиб, оқ-қорани таниганида ҳам Анни хонимга «Болалигимизни безаб, дунё тартибларини тушунтирганингиз учун ташаккур!» қабилидаги мактублар келиши сира тинмаган.

Раҳматли Худойберди Тўхтабоев ҳаётлик йиллари китобхон болалардан мактублар олишини, уларни тинглагани, "дардча"сини эшитганини айтарди. Энди қайси адиб қолдийкин болаларни ўзига дўст тутиб, уларнинг сўзи-овози-хаёл-орзуларини тинглайдиган?

@akademnashr Open / Comment

2021-05-20 19:35:22 Бир дақиқада нечта сўз/гап/сатр ўқийсиз?

Ҳозирги замоннинг шошқалоқ одамини қадимги аждодларидан кўра тезроқ ўқийди, деб ҳисоблашади. Хўш, сиз бир дақиқада нечта сўз ўқийсиз?

Ўзимизни зўрлар қаторига қўшишдан аввал тарихни титкиласак, ўзга сайёрага уй солаётган авлодларини ўқиш-уқишда ортда қолдирган феноменлар кўп ўтганини билиб оламиз.

– Масалан, машҳур француз император ва полковниклари дақиқасига 2000 та сўз ўқимаса, шарманда бўлган;

– Максим Горький эса ҳисобни нақ 4000 тага етказган;

– Оноре де Бальзак 30 дақиқада ўртача ҳажмдаги (тахминан 180–200 бетлик) бус-бутун романни хатм қилиб қўя қолган;

– Библиограф ва олим Николай Рубакин умри давомида 250 минг китобни ўқиб тугатган;

– Машҳур ихтирочи Томас Эдисон бўлса жуда антиқа йўлини топган: бир варақдаги матннинг 2–3 сатрини ўқиб, бутун бошли гап мазмунини тушунган-қўйган;

– Ота-боболаримиз ҳам муқаддас китоблар, диний, дунёвий илмларни эгаллашда фақат мутолаадан қувватланишган.

Санаб бўлдингизми? Қани, нечта экан?

@akademnashr Open / Comment

2021-05-19 18:04:33 1000 dan ortiq IT mutaxassis tayyorlagan akademiya yangi bosqichda

Biz 2021-yilda O'zbekistonda yuqori malakali mutaxassislarni tayyorlovchi IT-EKOTIZIM barpo etishni maqsad qilib qo'ydik. Bu maqsadni ro'yobga chiqarish uchun IT sohasiga qiziquvchi yoshlarni mutaxassis qilib tayyorlashga yo'naltirilgan bir nechta loyihalarni ishga tushirdik.

Boshqaruv va ta'lim tizimimizni qaytadan ko'rib chiqdik. Ayni vaqtda ekotizimda quyidagi loyihalar mavjud:
Dasturlashni endi boshlovchilar uchun - Foundation
O'qish yoki ishdan ajramagan holda o'qish uchun - Odatiy shaklda
Intensiv ta'limni xohlovchilar uchun - Bootcamp

Bu loyihalar orqali Sizda Java, Python, Javascript va boshqa o'ndan ortiq yo'nalishlardan birida mutaxassis bo'lish imkoni mavjud.

Yaqin muddatda Incubator, TopClass, Career Center kabi loyihalar ham ishga tushishi kutilmoqda.

Zamon talabidagi IT mutaxassis bo'lmoqchimisiz? U holda bu maqsadingizni IT-EKOTIZIM da ro'yobga chiqaring!

Haftaning har chorshanba va shanba kunlari sizlarni bepul PDP Event'ga taklif qilamiz.

Batafsil: https://telegra.ph/PDP-Ecosytem-05-17

Murojaat uchun:
(78) 777-47-47
@PDPSupportBot

Kanalga ulanish @pdpuz

Website | Instagram | Youtube| TikTok Open / Comment

2021-05-19 09:09:59 Дунёда ким кўп ўқийди?

Хитой, ҳинд, рус, испан ёки японлар дейишга шошилманг!

Йилига 1000 китоб ўн минглаб ададда (!) босиладиган, минг кишига 3 тадан асар тўғри келадиган Исландияда дунёдаги энг китобсевар халқ яшайди. Оддий балиқчисиям овидан кейин ўқимаса, кўнгли жойига тушмайди.

Аҳолиси бир ҳовуч – 368 590 киши. Кунига ўртача 8–9 соатни ўқиб-ўрганишга сарфламаса, ҳисобмас. 34 миллиондан зиёд халқимиздан мутолаа-ю тараққиётда анча олдинда.

Бир исланд ноширининг ҳисоб-китобича, ҳар олти кишидан бири ўз романини ёзишга тайёр тураркан. Ҳатто, жуда келиштириб мақол ҳам тўқишган: "Ҳар кишининг ичида бир китоб яшайди".

Эҳ, биз қачон китобхон халққа айланаркинмиз? А?

@akademnashr Open / Comment

2021-05-17 11:24:58 Сиз китоб ўқишни ёқтирмайсизми? Демак, ҳали ўзингизга мос китобни топмагансиз, холос!

Ж. К. Роулинг

@akademnashr Open / Comment

2021-05-14 15:52:06 «Миллатлар қандай тараққий этарлар?». Маҳмудхўжа Беҳбудийнинг бир аср ўтса ҳам ўз долзарблигини йўқотмаган мақоласи.

Батафсил — http://dy.uz/uLKpX Open / Comment