2023-04-07 11:15:20
Հիշողության դղյակի տեխնիկաՀիշողության դղյակը ուսուցման տեխնիկա է: Դու պատկերացնում ես ծանոթ վայր և մտքով «օբյեկտներ» տեղադրում դրա մեջ: Այս մեթոդն օգտագործում է քո տարածական հիշողությունը և օգնում է սովորել ու անգիր անել:
Քայլ 1. Քո հիշողության պալատի համար փորձիˊր ընտրել մի վայր, որը դու լավ գիտես, օրինակ` քո տունը:
Քայլ 2. Պատկերացրոˊւ, թե ինչպես ես քայլում բակում, անցնում մուտքի դռնից, մտնում հյուրասենյակ և անցնում քո տան բոլոր հիմնական սենյակներով:
Քայլ 3. Այժմ վերցրոˊւ այն իրերի ցուցակը, որը ցանկանում ես անգիր անել, օրինակ՝ 20 տարբեր ապրանքների ցուցակ՝ գազար, հաց, կաթ, թեյ, վարսակ, խնձոր և այլն:
Քայլ 4. Վերցրոˊւ մեկ կամ երկու առարկա և տեղադրիˊր դրանց մտավոր պատկերը քո հիշողության դղյակի յուրաքանչյուր վայրում: Փորձիˊր մեծացնել իրերի պատկերները և թույլ տոˊւր, որ դրանք ինչ-որ գործողություն կատարեն քո տանը: Օրինակ` եթե առաջին իրը «գազարն» է, իսկ քո հիշողության դղյակի առաջին կետը՝ մուտքի դուռը, պատկերացրոˊւ մի քանի հսկա գազարներ, որոնք բացում են քո մուտքի դուռը
Դարձիˊր նշումներ կատարողԵթե դու սիրում ես գրել այն ամենը, ինչ սովորել ես, ավելի լավ կլինի դա անել թղթով և գրիչով: Փորձագետները փորձաքննության են ենթարկել ձեռագրով գրելու և համակարգչով մուտքագրելու մեթոդներն ու պարզել, որ համակարգչով մուտքագրումն իրականում չի օգնում քեզ մտապահել սովորածը: Գրիˊր ամենուր` կպչուն թղթերի վրա, քո օրագրում, գրատախտակի վրա:
Մի պահ հրաժարվիˊր թվային տեխնոլոգիաներիցԳրքերով սովորելը երբեմն կարող է ավելի արդյունավետ լինել:
Ուսանողների 90%-ը նախընտրում է տպագրական նյութը թվայինից: Պատճառը բացատրում են հոգեբանները: Գրքի էջերը շրջելու ֆիզիկական զգացողությունը մեզ տալիս է լրացուցիչ զգայական կապ, ինչն էլ օգնում է մեզ ավելի շատ տեղեկություններ հիշել:
Հերթափոխելու մեթոդըԱյս մեթոդի համաձայն` դու պետք է միաժամանակ սովորես իրար առնչվող թեմաները: Ծրագրավորո՞ւմ ես սովորում: Միաժամանակ ուսումնասիրիր CSS, HTML и JavaScript: Սովորում ես նկարե՞լ: Նկարիˊր ևˊ մարդկանց, ևˊ բնություն, ևˊ ստվերներ:
Դադաˊր վերցրուՍթրեսը սովորելու թշնամին է: Շոˊւնչ քաշիր: Սթրեսը խանգարում է հիշողության վերականգնմանը: Նախքան սկսելը փորձիˊր ընդմիջում անել, դոˊւրս արի զբոսանքի կամ մեդիտացիաˊ արա:
Կրկնիˊր սովորածդԿրկնությունն իսկապես գիտության մայրն է: Այն ուսանողները, որոնք սովորելուց հետո թեստավորում են իրենք իրենց, ավելի երկար են հիշում սովորածը: Եթե չվերանայենք մեր սովորածը, 24 ժամ հետո մոռանալու ենք նյութի 20%-ը, 3 օր հետո` 40%-ը:
Քնի ազդեցությունըՆույնիսկ 45-60 րոպե տևողությամբ կարճ քունը հինգ անգամ բարելավում է հիշողությունը և վերականգնում մեր ուղեղը:
1.4K views08:15
A
